Joon 1:37 - ŊWÀʼ NYÙY

³⁷ Wón lìm Joon víyi yú bey, e nèn a dù e Jesus bàm.

Joon 1:37 Referans Kwoze

Ŋwàʼ woó Rom 10:17

Kidzə̀m ki wáa dzə jii, a dzə̀ wìr kù yù kinyo ke Kristu, e bóo way shilív é wùn wó, a wù yú a dzə̀ bìʼ fiʼtì.

Joon 1:43

Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Sekariya 8:21

Wíri wíy lò fo ŋkàlaʼ yìmòʼ, e dù, e bi yìmòʼ jii, ‹Vèsən wáa dù, a sùyrì Nyùy Tàr woo Taà Mànjòŋ e Jerusalem, a lon kisəəvì. Vèn shaa, aá lo, vèr sì é dzəə.›

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Ŋgàn 15:23

Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Joon 1:36

Jesus nèn a shaà, wù kfən sùúy jii, «Vèn yén wír wo wù dzəə̀n moo wan njiì wo Nyùy seé, e taŋrí wíri shó.»

Joon 1:38

Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.