Joon 1:34 - ŊWÀʼ NYÙY

³⁴ Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Joon 1:34 Referans Kwoze

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Ŋgaà Yen 2:18

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Tiyatira. A wú dzə̀ jii: «Kinyo kìn ki suuy mo woo Wan Nyùy. Dzə̀ mo wo wón sii njaʼkìr fo fo moo kiliímé ke və̀y, a wuú yémé rán, tókir moo kisha ke baar ke á naŋsin, e yètìr.

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

1 Joon 4:9

Nyùy‑iì lo dìn rú ji wun koŋ a vèsən. Wù‑uù tùm màyshó Wan və é nsay fèn ji wù wiy, e yiì, é vèsən fíʼ a ker dzəʼə̀m yee là may.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

1 Joon 2:23

A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.

2 Korin 1:19

A kí dzə̀ bey, bìʼ fo Jesus Kristu woo Wan Nyùy wo vèr à Timoti, à Silvanur fiʼtì e vèn yòʼ yii binbìnè. Wù kù yii tíy a dzə̀ e wùn jì.

Joon 19:7

Wír veé Juda vìyi bìnèr jii, «A dzə̀ mo yéer yee nsər suuyì, bo wìr və̀n kù kér fó kpu, bìʼ fo wù yoŋ kitú kfə́ ji Wan Nyùy.»

Joon 11:27

Wù bìnèr jii, «Tàr, m biìmé rú ji à dzə̀ Wan Nyùy woo *Mfə̀ə́r wo Nyùy‑iì kàʼàn ji wù wíy wìy e ndzə fèn.»

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

Matio 27:54

Mo Jesus kpuun, kitú ke vé rər wùn à wír və́ ve vé‑eè shiy fo vé‑eè taan Jesus e kintame yú mo nsay səʼ bèy, e kfə̀n yèn vinyo ve ví‑iì kooy vidzə̀m, shuu wóví yúm, á wáa suúy jii, «Wìr və̀n‑eè dzə̀ rú Wan Nyùy.»

Matio 27:43

Wù‑uù dzə́ ji wun wày shilív e Nyùy wùn, a Nyùy kòŋ, wù sə̀ wun lèn. Bó yòʼ‑oò suuy wun ji wun dzə̀ Wan Nyùy à?»

Matio 27:40

a te lám é wùn wó jii, «Wò‑oò yíi kèr lav cù, e bom ye sən vishiíy vitaár, sə́ ri kitú ké ki lèn. Aà fèn dzə̀ rú Wan Nyùy, à sə̀ʼə́y ri fo kintam.»

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.

Hibru 7:3

Bó wìr yòʼ kì fo Melkisedek və̀n‑eè loòn, a bó á yòʼ kì tàr wov wùn yè wov, a bó á yòʼ kì rám yév. Bó á yòʼ kì sá ghán se vé‑eè dzəən wun, a bó á yò kì se wù‑uù kpuun. Wù nén a dzə moo Wan Nyùy, a dzə̀ taà cù wo wù gòʼòn kàŋ mòʼón, e dù, e mày.

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Matio 8:29

Á yén Jesus, e nèn kèʼ, a rəəmé jii, «Wò woo Wan Nyùy, à taʼ ji à yée e vèr? À sí wiy ji à wáa nyàvrì e vèr, a bó fìʼ yóʼ ne ghèén à?»

Matio 4:6

Satan suúy jii, «Mo à dzəə̀n Wan Nyùy, líy ri fo fèn, e tìím fo nsay. Vé‑eè sàŋ é Ŋwàʼ Nyùy jii: « ‹Nyùy wíy suúy, é nsheèlav sə́ sí wáa shìy wò. Sí wíy a ker wò e kiwo fo à tín kiwuú é tiy.› »

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Joon 10:30

a vèr Tàr wor dzə̀ ji kitú kimòʼón.»

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.