Joon 1:28 - ŊWÀʼ NYÙY

²⁸ Á wáa dzətí e Joon bey, aá dzə̀ é ntèʼ yee Betani ye yì dzəə̀n é ndzə̀n ndzə̀v yee Jordan, a dzə̀ fó, fo Joon‑eè wáy wíri é ndzəv.

Joon 1:28 Referans Kwoze

Joon 10:40

Jesus lò fo fo, e tùmsín e mbìv ndzə̀v yee Jordan, e dù fo Joon‑eè kèʼèn, a way wíri é ndzəv, a dzə fo.

Joon 3:23

A Joon wáy sa wíri é ndzəv. Wù‑uù dzə̀ kfə́ é ntèʼ yee Anon ye yì dzəə̀n é ghaa ntèʼ yee Salim, bìʼ fo ndzə́ví‑iì dzəə̀n fó kijuŋ. Wíri wáa wìy, wù wáa way áwune é ndzəv.

Atǎr Nsaʼ 7:24

Gidiyon tsə́nsí vé ntume, á ghánén woŋ agwan woó Efrayim e dzə̀m, aá ghán, suuy jii, «Vèn sə́y, e fùnèn wír veé Midian, e tìnér áwune fó tuumé sé ndzəv, e dù, e meé e Bet‑Bara, e kfə̀n tìnér fo tuumé sé Jordan.» Wír vee rám Efrayime nèn fəə̀kír adzə̀m, e fìnèr tuúmé sé ndzəv sí, e dù, e mèé e Bet‑Bara, e fìnèr sa seé Jordan.

Joon 3:26

Wón lìm Jooné nèn lò, e dù, e yèn wun, e yòŋ jii, «Ŋgaà Yèʼey, kuúmé wír wo vèn wun‑eè dzəə̀n é ndzə̀n ndzə̀v yee Jordan, aà din e wíri və̀y. Və̀sə lèn mo wù sí wáy sa wíri é ndzəv, a wìr dzə̀m sí du a dzə̀ fó.»

Joon 12:5

«Káv bìʼ rə̀ne dzə̀ moo vilaʼày vé wìr veé kiya kifur, bo á kì yíi fiìnè, e jàv mbàm e vé ŋgeʼe.»

Joon 1:43

Ndzə kfən bvəə̀shí, e ràn é kishiíy kímóʼ kí, Jesus nèn wày ji wun du a e mbìv wòŋ yee Galeli. Wù lòo dù, e yèn wír wùmòʼ, aá yoŋ ji Filiv, e sùúy sho jii, «Wìyi, é wòsò wáa ghan.»