Joon 1:26 - ŊWÀʼ NYÙY

²⁶ Wù bìnèr jii, «M wáy kém wíri lèn e ndzəv, a kù dzə̀ ji mendzə́v cáʼcáʼ. A wìr wùmòʼ sì e věn mvəm lèn, a bó vèn yóʼ ne kìíy.

Joon 1:26 Referans Kwoze

Lim Aŋgàa Ntum 1:5

A wù dzə̀ jii, mo Joon‑eè wáy wíri é ndzəv, bèr ne vishiíy vishàr, é Nyùy wáy ven a dzə̀ e Kiyoy ke Ranén kí kiwo.»

Ŋwàʼ Luk 3:16

Joon kiíy, e sùúy e wír vìyi adzə̀m jii, «M wáy kém wíri lèn e ndzəv, a kù dzə̀ ji mendzə́v cáʼ. Yii bèy, a wìr wo wù kùʼùn féyì, e shaà mo sí wíy fo mǒ bàm, a bó m yoʼ fə̀m ghèén fó gvəʼə́m e si wo, e bvə̀tì alábáʼ və́. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Maak 1:8

M wáy wíri é ndzəv lèn, a kù dzə̀ cáʼ ji mendzə́v, a ŋgaàŋ wíy wìy kfə́, a way wíri a dzə̀ e Kiyoy ke Ranén kí kiwo.»

Matio 3:11

Joon kfə́n a suúy jii, «M wáy wíri é ndzəv lèn ji á bìnèr ne melív mev. Yii bèy, wìr wùmòʼ wiy fo mǒ bàm, a wù kùʼ, e shaà mo, a bó m yoʼ fə̀m ghèén fó keerí alábáʼ ŋgaàŋ. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

1 Joon 3:1

Vèn ku yèn búʼú mo Nyùy koŋ vèsən, yoŋ ji wón və́. A bó wù yòʼ yoŋ a dzə̀ fó shuù, vèsən dzə̀ rú wón və́. A bó wír veé nsay fène yòʼ kì, bìʼ fo bó á yòʼ kiìn sá Nyùy.

Lim Aŋgàa Ntum 11:16

M yén, e nèn kuùmé kinyo ke Tàr wòsən Jesus‑eè suuyin jii, ‹Joon‑eè wáy wíri é ndzəv, aá wíy a way ven a dzə̀ e Kiyoy ke Ranén kí kiwo.›

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Matio 3:6

Á wáa wìy bèy, a tuuné ajay vév, Joon wáa way áwune é ndzəv ye á yoŋ ji Jordan.

Lim Aŋgàa Ntum 19:4

Por nèn a naàrì aáwune jii, «Joon‑eè wáy wíri é ndzəv fó dìn ji á bìnèr ne a melív mev. A wù‑uù ló a suúy e wìr dzə̀m jii, wìr wùmòʼ wiy fo wùn bàm, á wáy á shilív e ŋgaàŋ wùn, a wù yoŋ a dzə̀ Jesus.