Joon 1:18 - ŊWÀʼ NYÙY

¹⁸ A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Joon 1:18 Referans Kwoze

Kolosia 1:15

Kristu woo Wan Nyùy dzə̀ wúntí Nyùy wo bó wìr yòʼ yii shóv e si. Wù kfə́n a dzə ji kitú fo vifa ve vé‑eè bomen vidzə̀m.

Joon 6:46

A bó yòʼ dzə̀ ji wìr‑iì yiì ne yèn sí Nyùy Tàr. Kù mày ŋgaà wo wù loòn fo Nyùy wo wù yenen ne sí wun woo Nyùy Tàr.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

1 Joon 4:12

Vèn kì sá jii, bó wìr yòʼ‑oo yií ne shòv Nyùy e si. Yii bèy, a vèsən koŋnìnè, bo wù dzə̀ vèsən áwune, é koŋ ye wù koŋ vèsəné nèn shèmsín e kinyò ke wù taʼ ji vèsən wáa kòŋnìn.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

1 Joon 4:9

Nyùy‑iì lo dìn rú ji wun koŋ a vèsən. Wù‑uù tùm màyshó Wan və é nsay fèn ji wù wiy, e yiì, é vèsən fíʼ a ker dzəʼə̀m yee là may.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Joon 4:20

A wìr lò, a suúy ji wun koŋ Nyùy, suuy bèy, kfə̀n ban fə́r və, bo ŋgaàŋ bóʼti. A wìr dzə̀ là fó a kòŋ fə́r və wo wù yéné, bo bó yòʼ dzə̀ wù wàa kòŋ Nyùy wo bó wù yòʼ yéné.

Joon 17:26

Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 14:9

Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Remrí 4:12

Nyùy Tàr nèn sùŋnín e vèn fó mvə̀m və̀y, a vèn yú a dzə̀ kisúŋnìn, aá yòʼ yén wír. Vèn kù‑uù yú a dzə̀ jí rə.

Kintaŋ 12:8

Lóo dzə wun, vèr wun wàa suŋnín fo si kiránén, là vindzəv, wù wàa yen shwínín yém, mo woo Nyùy Tàr. Vèn mùm a dzə̀ ka, e bó a sày Mooser woo wír wom lìm?»

Joon 12:41

Aysaya wáa yòŋ kinyo kìn a dzə̀ kùm Jesus, bìʼ fo wù‑uù lo yèn Jesus e mvə̀m vikùʼùy ve dzəə̀n vé Nyùy.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Ŋwàʼ Fəə 23:21

Vèn wáa ghvəm wun, a yunín wun. Wù súŋnin e mǒ yir ji kitú kém, a bó yòʼ dzə̀ wù làysìn jay wìr wo wù káy wun.

Kèʼlo 16:13

Hagar nèn a ghay wún jii, «M yèn ne rú Nyùy, e gòʼ e tin à?» Wù nèn yòŋ yír Nyùy Tàr wo wù‑uù suŋnin e wun jii, «Nyùy wo wù yén mo.»

Joshua 5:13

Wìy lòo dzə e kishiíy kímóʼ kí, a Joshua dzə́ e ghaa ŋkàlaʼ Jeriko, wù lòo sìn, e yèn a wìr tíy e wun si, kér nyùy rə̀r é kiwo. Joshua kóʼtí, e ghày shó jii, «Mbaà, à wìy bìʼ ver moo, à wìy bìʼ aŋgaà vér vibàn á?»

Yòvdìy 2:12

Á tóŋ aàyìy véví koy, dzə́r kifá kée yi, kìn kée no. Áwune ghán, gbukìr e dzəə seé ŋkàlaʼ, gbukìr moo wír ve á lemkin lémkín. Á fér kiyoy a kí kù may màyìn aàyìy véví koy.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

Ŋgàn 8:30

Mò‑oò tíy e wun si ji wír və lìm woo jwáʼ, shéʼer wun kishiíy kidzə̀m, séŋ, yú vijuŋ e wun si ghán sidzə̀m,

Kèʼlo 18:33

Nyùy Tàr màysì, e sùŋnín wùn Abraham, e nèn lò, a dù. Abraham nèn kfə̀n fo wù‑uù dzə́.

Joon 13:23

Aá kì dzə́ bèy, a wùmòʼ woo wan lìm wo Jesus‑eè koŋ e ŋàŋ, kì dzə̀ʼə̀m, e yèʼém e Jesus wùn.

Joon 3:11

Kú a kiíy rú jii, vèr súŋnin vinyo vìn a dzə̀ ve wíri kiìn mo ví dzəə̀n, kfə̀n fer ve á yén mo ví kooyì, a bó ven vee aŋgàa yeʼéyi yòʼ biíme kinyo ke vèr fiʼtì.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.