Joon 1:17 - ŊWÀʼ NYÙY

¹⁷ Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Joon 1:17 Referans Kwoze

Ŋwàʼ woó Rom 6:14

Lá vèn yòʼ dzəə fò kitú e mensə́ me mè lim a dzə̀ kinyo ke bi kí. Vèn yòʼ dzəə́ yú a dzə̀ fo nsər yee ji wìr wáa tùr, e bóo fíʼ gheén fo Nyùy. Vèn sí yú a dzə̀ fo Nyùy wo wù bùʼùn ven ji wír və́.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Hibru 9:22

A kù dzə̀ mo vé‑eè yii e ghan sé mensàŋ me mvə mè. Kùʼùn vifa‑aà dzə̀ ve dzə̀ á kù wàŋrí mensə́ sho, e bóo naŋsín ji vé Nyùy. A bó yòʼ‑oò dzə̀, á nàŋsín jay wìr, wù ràn fó fo, a bó á seé nyám, mensə́ mè leém.

Joon 8:32

é vèn nèn wìy kìíy kinyo ke dzəə̀n ke ru kí, é kí yii, é vèn boy fó vikwàn.»

Joon 7:19

Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»

Lim Aŋgàa Ntum 28:23

Wùn à Por nèn kfə̀n sìysì kishiíy ke á wíy dzə̀ʼə̀m. Kishiíy kiy ki gheén, wíri báʼtí e Por lav aneénín, wù wáa sanrí kinyo ke Nyùy aáwune, e kèʼ fo kijàvndzə, e meé vitsə́ʼ, a fìʼtì mo sáʼ Nyùyi dzəə̀n. Wù wáa yòŋ vinyo fo Ŋwàʼ Nsər Mooser, e kfə̀n a yòŋ fo Ŋwàʼ Aŋgàa Ntum Nyùy, a mùm fó bìnèr áwune, aá biímé Jesus.

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

Galatia 3:17

M nén a tàʼ ji vèn kiíy á jii, mo Nyùy‑iì kàʼàn Abraham e kinyò fèn, kiyá ki siíy, e shaà kishóv mtaár e ghiì kweè, bo wù wáa fo nsər, bo bó yòʼ dzə̀ nsər yee shooy kfə̀n kòr mensaŋ me Nyùy‑iì gwàrìn fó mbìy, é kinyo ke wù‑uù kàʼàn kí lay kisáŋ.

Remrí 5:1

Mooser báʼtí wír veé Isray adzə̀m, e sùúy aáwune jii, «Éè wìr veé Isray, vèn yú, vèn yuúrí sáʼ Nyùy wùn à vinyo ve wù tinen ví. Dzə̀ vinyo ve m yoŋ e vèn lán. Vèn yéʼéy, e wày ŋàŋ ji á wáa yiì a mo ví dzəə̀n.

Lim Aŋgàa Ntum 7:38

A kù kfə̀n dzə̀ wun woo Mooser wo wù‑uù suŋnin wùn nshìylav Nyùy e Gwan Sinay e ghan se wùn aàtǎr ram yesəné‑eè baʼtin é woʼ yee fó, yì fó nsər se Nyùy sho ji wù fó e vèsən.

Joon 5:45

Lá vèn yòʼ a kwàʼtì ji m suuy bèn ji m fíʼ lì ajay vén, a bi Tàr wor shó. Wìr wo wù sí bí ajay vén vee shooy dzə̀ Mooser wo vèn wayin vifií é wùn wó.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

2 Korin 1:20

Aŋkàʼmé ve Nyùy‑iì kàʼàn vèsən shó adzə̀me dzə̀, aá kù gheen a dzə̀ bìʼ wun woo Kristu. Vèsən ve á tatin vèsən à Kristùu nén a binsí ji Amen, é buríi fíʼ a dzə fo Nyùy.

Joon 9:29

Vèr kì jii, Nyùy‑iì lo sùŋnín wùn Mooser, yii bèy, fo ké wìr və̀n ki, vèr yòʼ kì fo wù loòn.»

Mayka 7:20

À wíy dìn e rám Jakovi ji à dzə̀ á wir suuyrú, e dìn e wón Abrahame mo à yii koŋ wír vé, kù mo wò‑oò kàʼàn atàr vér vee fó ŋgùʼ.

Nsùyrì Nyùy 98:3

Wù kù‑uù tíy e wun jì, din koŋ rə́ e wír veé Israyi. Buú se ndzə sidzə̀m si yèn ne nsiì Nyùy wòsən.

Nsùyrì Nyùy 85:10

é vinyo ve Nyùy wùn à wír və́ ví nèn shèmsín, shémsinè, é wù wáa kòŋ áwune, aá wáa tiy e wun wùn. Á kù wíy a yiì vinyo ve ru ví, é wù wáa fo áwune nyaáŋ.

Remrí 33:4

A kù dzə̀ yéʼéy ye Mooser‑iì fó e vèr wùn à nsər si, a dzə̀ vitsə́ʼ vé Isray ve ví shaàn bùʼ e dzə̀m.

Remrí 4:44

Yéʼéy Nyùy wùn à nsər se Mooser‑iì foon e wír veé Isray si sìne.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»