Joon 1:13 - ŊWÀʼ NYÙY

¹³ A bó á yòʼ dzə̀ wón Nyùy ji vé‑eè dzə̀ə́ áwune bey mo wíri yii lóo dzə, á dzə̀ə́ wán. A bó yòʼ dzə̀ sá ji yì‑iì sìysì wír. Á dzə̀, bìʼ fo wúnwun woo Nyùy siìn Tàr wov.

Joon 1:13 Referans Kwoze

1 Joon 3:9

Vèn wáa kiíy jii, wìr wo dzəə̀n wan Nyùy yòʼ kfə̀n dzəə́ yii vinyo ve bi ví, bìʼ fo wù sí kér liì Nyùy wo dzəə̀n Tàr wov. Mo wù siìn wan Nyùy, bó yòʼ dzə̀ wù kfə̀n a yiì vinyo ve bi ví gheéy.

Jeem 1:18

Kù‑uù sìysì wun, bo vèsən wáa dzə wón və́. Wù‑uù tsə̀nsí vèsən jí rə ye dzəə̀n kinyo ke ru kí ji á fiʼ kìíy wun, a dzə ji kifá ke mbìy ki ke wù tayin, e siìr ji kfə́ fó vifa ve wù‑uù bomen vidzə̀m.

1 Pita 1:23

a kiíy jii, jí se Nyùy se sí tíy fo ghán sidzə̀m, fó dzəʼə̀m ye fíyi, si yiì ne, á dzəə́ ven afíy. A bó yòʼ dzə̀ ji wón wìr wo dzə̀ wù kpù, vèn sì wón Nyùy wo wù gòʼòn kàŋ mòʼón.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

1 Joon 5:4

bìʼ fo wír ve dzəə̀n wón Nyùy adzə̀me shaàn ne vitaáví vé vinyò veé ndzə fèn. Aá sò ne ndzə, bìʼ fo á wayin shilív e Jesus wùn.

1 Joon 4:7

Ŋkàr sem, vèsən kú a kòŋnìn, bìʼ fo yii Nyùy, bo wíri wáa kòŋnìn. Wìr lóo yiì bèy, é wù nèn a dzə rú wan Nyùy, e kfə̀n a kiíy sa Nyùy.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Filipi 2:13

Vèn wáa kiíy ji lumèr Nyùy melív men, a vèn koŋ fó a yiì vinyo ve ví wáa bòŋ wun. A kù kfə̀n fó wun vitaáví, a vèn yii vinyo vee shooy sho.

1 Korin 3:6

Mò‑oò dzə̀ kém moo wír wo wù biy kifá bíyin, Apolor nèn a dzə kfə́ moo wír wo wù wáyri mendzə́v shó, a nèn yii Nyùy, bo kifá kee shooy ki wáa kuy.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Nsùyrì Nyùy 110:3

À wíy fəə rə́r é kishiíy fó, é wír vée wiy, a fo vitú vév. Awàʼ vée wíy wìy, e tom wò, a kaarí aàgwan ve dzəə̀n vé Nyùy moo ŋweʼ ye yí gbu kijàvndzə.

Kèʼlo 25:22

Kí nèn lò kòóy ji wón ve vé‑eè dzəə̀n e wun bvə̀me wáa tsəynín. Wù lò, e sùúy jii, «Ke kí kooy mo ben ki dzə̀ ka?» Wù nèn lò, e dù, e beè Nyùy Tàr ji wun tar á kinyo kee shooy.

1 Pita 2:2

Vèn kú a ker shií a dzə̀ fó kinyò ke Nyùy mo wan wo bór yii kér fo vin. Nyùy lóo nyoór ven shó, é vèn wáa kuy e wùn kinyò, e wìy gheén fó wìy nəə́ e wùn dzə̀ʼə̀m yee là may.

Kèʼlo 27:33

Mo Aysi kiiyin lèn ji sì á Esav, e nèn a fàn, a yàʼ kitávín, a dzər jii, «Kì koò la nyám, e wìy sho, m yí, e màysì, e səə̀vì wun, é bo à wáa nəə́? Yuúrí, e yù, m səə̀vì ne wun, a bó yòʼ dzə̀ m dzəə sə̀ kisəəvì kee shooy e bàm.»

Kèʼlo 25:28

Aysi‑iì koŋ Esav bìʼ nyám se wù‑uù koó, wiy sho, a wù kfə́rí. Yii bèy, a Rebeka koŋ kfə́ a dzə̀ Jakov.

Kèʼlo 27:4

À wiyì, à nàvtì nyóo shó e dzəə ye m yii koŋè, e wìy sho, é m yí, e tìr kpú e wò, e fò wò kisəəvì kém, e bó a kpu.»