Jona 1:3 - ŊWÀʼ NYÙY

³ Jona nèn tèn ntum Nyùy Tàr, a leʼ, a dù e Tarshish ji wun wàá lay á fo Nyùy Tǎr si. Wù sə́y é Joppa, e shùu rìbà ndzə̀v, e yèn màkìkoŋ wo wù‑uù du e Tarshish. Wù nèn làʼ kikóŋ kee shooy, e nə̀ə́ sho ji wùn à vé kikoŋe wáa dù e Tarshish fo wù‑uù kwaʼ ji wun du, e lày a fo Nyùy Tǎr si.

Jona 1:3 Referans Kwoze

Joshua 19:46

Mejarkon, à Rakkon, e lì ŋgvən ye yì kiʼ Joppa.

Kèʼlo 4:16

Keen ku nèn lò fo Nyùy Tǎr si, e dù, a dzə e wòŋ woo Nod. Nod və̀n‑eè dzə̀, e lò fo Eden, a dù e mbìv ye shùy yii tó fo fo.

Lim Aŋgàa Ntum 9:36

Wiíy wùmòʼ wáa dzə e ntèʼ yee Joppa, a dzə̀ sá ŋgaà biìmé, a yír rəə́ dzə̀ Tabita, a dzə̀ é Lǎm Grik ji Dokar, a nsàv dzə̀ ji leeleé. Wù‑uù yii vinyo ve juŋ vi ghán sidzə̀m, sə́ vé ŋgeʼe.

Lim Aŋgàa Ntum 9:43

Pita nèn kfə̀n dzə̀ʼə̀m e Joppa ntàmda, a shiíy wùn Simon wo wù‑uù tám júv.

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Aysaya 23:6

Ven vee wír ve á dzə́ e ŋguùŋè rìbà ndzə̀v, vèn nyéŋ, e lìysín e Tarshish, e dù, a toŋ fo, a jeetí.

Aysaya 23:1

Sáʼ Nyùy yee kùm wír veé Tayàa rə̀ne. Yí dzə̀ jii: Ven vee ansə̀ŋkìkoŋ ve á kfə́n fo Tarshish, vèn wáa toŋ, a jeetí. Á laàr ne Taya, e tàtí lav sidzə̀m wùn à virə́ʼ ve á tsəər vikóŋ fo vi. Sáʼka wo vèn‑ee meen é Saypur, e yù və̀y dzə̀ rú.

1 Afòn 19:3

Elija yú, a fàn, e nèn tùmnín, a leʼ e kitú kfə́ kí. Wù léʼ, e dù mèé e Beersheba, e nsay Juda, e lèm ŋgaà lìm və fó,

2 Tesalonika 1:9

Aáwune nèn nə̀ə́ e ŋgeʼ yee là may e kishiíy fóo fèy, a bó yòʼ dzə̀ áwune shòv Taàtá Jesus e si e ghan se wù wíy a saʼ vifon və́, a ker vikuʼùy ve ghaʼán ví.

1 Korin 9:16

A bó yòʼ dzə̀ m wàa suúy kinyo, a sùmrì wún ji bìʼ fo m fiʼtì kinyo ke Jesus Kristu. Dzə̀ kinyo ke dzə̀ m kù a yiì. A m lò, a ten fó a fìʼtì sáʼka Nyùy wo juŋ, bo m li a dzə̀ lòn.

Lim Aŋgàa Ntum 26:19

«Nyàr, mo Jesus‑eè wìyìn, e yèn mo, m ku nèn a yiì mo wù‑uù suuyin,

Esiker 27:12

«Wír veé Tarshishi‑iì kávnin wáy vèn áwune bìʼ vifá ve way ve wò‑oò kér e ŋàŋ. Áwune‑eè kúvsin vifá vé e *kisha ke mbàm ke fəvír kí, à kisha kee kiy ki, à kisha kee *tin ki, e bóo lì kee *led.

Aysaya 23:10

Éè wìr veé Tarshish, vèn ŋáʼáy lèn, e yòv nsay yen, a dzə sho. Vèn saŋri wúné e věn nsay, kù moo ndzə́v yee Naay ye yí runen, e fəə̀ é meshavtí. Wìr wo wù kfə̀n yíi a fo sáʼ e vèn yòʼ dzə̀.

Ŋwàʼ Jov 1:12

Nyùy Tàr nèn sùúy e Satan jii, «Yuúrí, m fò ne wò vitaáví ji à laar kifá kidzə̀m ke wù kérí, cáʼcáʼ dzə̀ jii, lá à yòʼ làʼ á kiwó e kitu wo.» Á bèy, Satan nèn lò fo Nyùy Tǎr si, a dù.

2 Wòŋ 2:16

é vèr nèn gwàr vicí ve à taʼà fo Lebanon, aá sə́y shó e shùu rìbà ndzə̀v, e tàŋsìn, e dòm e ndzəv, e dù sho e Joppa, áà nèn lì, e kòʼ shó e Jerusalem.»

Lim Aŋgàa Ntum 15:38

yii bèy, la Por yòʼ a kòŋ gheéy, bìʼ fo Maak‑iì leʼen, e màʼtì áwune é wòŋ woo Pamfilia, e làa yòʼ màysì ghán ye wùn áwune‑eè kérí.

Ŋwàʼ Luk 9:62

Jesus bìnèr e woo shooy jii, «A wìr ghàr lá kisoo ji wun sí lim lim, e kfə̀n a leéy bám, bo bó ŋgaàŋ yoʼ ghèén fó a lìm e kinyò ke saʼ Nyùy.»

Esiker 3:14

Kiyoy ke Nyùy ki nèn shùr mo, a dù sho. Vitaáví vé Nyùy Tàr ví nəə́ e mǒ wùn, a rəʼə́y mo, a m du, yú nyár ye tavíné e mǒ shiliv, Kiyoy ke Nyùy ki nèn kfə̀n nə̀ə́ e mǒ wùn, a dànèr mo.

Aysaya 60:9

Rúrú, dzə̀ vikóŋ veé vitum vímóʼ ví mo ví meʼèm, wiy ji á yén mo. Mo ŋgoo rə̀n meʼèm, wiy bèn, vikóŋ veé Tarshish vi lo, e tòmbìy meé. Ví wiy, béʼ wón vén ve vé‑eè dzəə̀n é vitum veé ndzəywoŋ. Á wiy, kér kisha ke mbàm ke fəvír kí wùn à ke baar kí, wiy sho ji fómo Nyùy Tàr woo Nyùy won, wun woo Ŋgaà wo Ranén woó Isray. Á wiy e vifá vi bey, bìʼ fo Nyùy Tàr nànèn ne ghay wón, vitúm vi wáa ghvəm ven.

Aysaya 2:16

Wù wíy sèn vé kiŋkoʼòrwùné, kù moo ji wù fə̀ə́r kinsəm, kí sáʼtí amàkìkoŋ, á láy é ndzəv, amàkìkoŋ ve á kávnin wáy, du mee e ndzəywoŋ à ve á fèrìn, e bònen nàŋsín, á tó síi.

Ŋwàʼ Jov 2:7

Á bèy, Satan nèn lò fo Nyùy Tǎr si, e dù, e tsə̀m Jov e viváv ve ví nyár e ŋàŋ ví, ví sə́ wún və́ e dzə̀m, e kèʼ fo kitu, e sə̀y, e mèé e wuù.

1 Afòn 19:9

Elija‑aà mèé fó, e nə̀ə́, e shìíy e mbvə̀ʼ yìmòʼ. Nyùy Tàr ku nèn sùŋnín e wun, e dzə̀r jii, «Elija, à yii ka fen?»

Kèʼlo 3:8

Lòo meé e kimbòrndzə, lùmèn və̀y wùn wiíy yú nsən se Nyùy Tàr, a sí giv e mvə̀m kiboò, e nèn nyèŋ, e nə̀ə́, e lìr fo Nyùy Tǎr si, e mvə̀m vicì veé kiboo fey.

Lim Aŋgàa Ntum 9:38

A Joppa və̀n dzə̀ fó mentsə̀m me Lida. Aŋgàa biimée yú ji Pita dzə̀ é Lida, e nèn tùm wír fo abaà. Áwune dù, e lòn jii, «Kii wò, ku wìy cér.»

Lim Aŋgàa Ntum 9:42

Sáʼka woo shooy nèn sàmèr ntèʼ yee Joppa e dzə̀m. Wír aneéníne wáa way shilív e Jesus wùn.

Esra 3:7

Áwune nèn fò mbàm e vé lìm tiyí, e kfə̀n fò e vé lìm vicií, e nèn fò vifá ve yi wùn à meluʼ mè, à meŋgvə́r mè e wír veé Sidon wùn Tayàa ji áwune fiʼ tsə̀nsí a vicí vee *sidar fo Lebanon, é ví wiy é Joppa dzə́ə fó ndzəv. Vé‑eè yiì vinyo vìn vidzə̀m a dzə̀ mo Fòn Sayrus woó Persia‑aà foon sáʼ ji dzə̀ á wàa yiì.

Nsùyrì Nyùy 107:23

Ámóʼó nəə́ é kikoŋ, e dù e rìbà ndzə̀v, a kavnín wáy fó.

Jeremia 10:9

Á lo, á wìy e kisha ke mbàm ke fəvír kí fó Tarshish, e wìy e ke baar kí fó Ufas, e lòm shó. Vifá vìn vi kù dzə̀ lím vé fèri wùn à vé kilàme. Áwune fer bèy, á nèn kùr ndzə̀y é wùn wó. Ndzə̀y se vé fèri naŋsin, e bà, e nàá, sí wáa rə̀sìn ji lìŋ.

Jona 1:10

Wún wóví beémé, á dzə́r e wun jii, «À yiì kee ben a dzə̀ ka?» Vé‑eè dzə́r bèy, aá kiíy ne ji wù léʼ a dzə̀ á fo Nyùy Tǎr si, bìʼ fo wù kì suuyin ne aáwune.

2 Wòŋ 2:15

«A dzə̀ lèn taàtá wom tsə̀nsí sáŋ yee wit wùn à yee *barlìi, à meŋgvə́r me oliv mè, à meluʼ mè mo wù‑uu kàʼàn. Ku tsə̀nsí vifá vìn vi áàŋgàa lìm vée,

2 Wòŋ 9:21

A kí‑iì dzə̀ bey, bìʼ fo Fòn Solomon‑eè kér amàvìkoŋ ve vé‑eè du e Tarshish, a yì‑iì səŋ vé lìm Fòn Hiram. Yì‑iì lóo dzə e bǎm viya vitaár, amàvìkoŋ vìne kfə̀n, aá béʼéy kisha ke mbàm ke baar kí wùn à ke fəvír kí, à sóŋ sé kitàm si, aàŋkaàvàŋe, e bóo lì ambùy.

Esiker 2:8

Fo ké ki, wàn wìr msòŋ, yuúrí kinyo ke m yoŋ e wò ki. Lá à yòʼ tàv kitú moo antavkìtu vee shooy. Mvə̀ʼ shuu wóo, e yì kifá ke m fó e wò ki.»