Jona 1:2 - ŊWÀʼ NYÙY

² «Lò fó fèn, e dù e ŋkàlaʼ ye kuʼùn yeé Nineve rə̀y, a ghan, a fuŋ jii, lòné shòv ne a áwune. M kìíy a ne liì wov kisaŋ.»

Jona 1:2 Referans Kwoze

Kèʼlo 10:11

Wù wìy lò, e fəə̀ fó fo, e dù e mbìv Assiriya, e bàʼrì Nineve wùn à Rehobot‑Ir, à Kala, à

Nahum 1:1

Kin ki dzə̀ sáʼ Nyùy yee bìʼ Nineve, mo Nyùy‑iì ghemen ndzə e Nahum woo wír woó Elkosh, wù yén é njà kinjeenjèm, e sàŋ é ŋwàʼ fèn.

Jona 4:11

Dzə̀ ji lá m yòʼ a dìy ŋkàlaʼ ye kuʼùn yeé Nineve rə̀n à? Yì kér wíri e shaà ansə̀kì kishóv mbaà é wiì (120,000), a wír vìne‑eè dzə́, a bó á yòʼ kì jeéyjeéy fó kinyò ke bi kí wùn à ke juŋ ki. Ŋkàlaʼ rə̀n kfə́n a dzə, a nyám si dzə̀ sá sho sineénín.»

Jona 3:2

«Lò fó fèn, e dù e ŋkàlaʼ ye kuʼùn yee Nineve rə̀y, e fìʼtì kinyo ke m suuy e wò ki.»

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Ŋgaà Yen 18:5

Vèn wáa kiíy ji wù yiì ne vinyo, e tònén, Nyùy yú fó yuv, a wù sí yìi màʼ ŋgeʼ sho lèn.

2 Afòn 19:36

Á bèy, Sennakeriv woo fon woó Assiriya nèn kìv kiláʼáy, e kfə̀n é Assiriya. Wù dù, e gòʼ, a dzə e Nineve.

Mayka 3:8

Yii bèy, fo ké mo woo Mayka ki, vitaáví vé Kiyòy ke Nyùy Tàr ví rùn ne e mǒ wùn, e fò mo vifií ve m wáa tinén kinyo e nsànloŋ, e tàvír mo ji m tóʼ jay rám Jakov, e tòʼ kinyo ke bi ke wír veé Israyi yii.

Esiker 2:7

Ku yòŋ jí sém sí aáwune, kìn vee yú, kìn vee tén yú mo áwune dzəə̀n antavkìtu.

Esra 9:6

a lon jii, «Éè Nyùy wom, m woóme kfə̀n kér dzə̀rkìtu, a bó yòʼ dzə̀ m yù fó nàn sí, a leéy wò. Nyùy wom, vinyo vér ve bi ví kùʼ ne e shaà ver, a lǒn ajay wórí kòʼ ne e mèé e ntoò yùv.

Jeem 5:4

Vèn‑eè rə́si bóʼ aŋgaà vén lìm. Á ghitìr, káv vifá vén fó sum, vèn kfə̀n yì vilaʼày vév. Vèn yuúrí ri mo á tóŋ fo kwaʼ. Aá tòŋ ne, Nyùy Tàr woo Taà Mànjòŋ yú.

Matio 10:18

Á wíy a toy vinyo e věn bàm, bìʼ fo vèn dzəə̀n wír vém, a lì, a dù sho fo vitú vé bàràʼ vi wùn aàfoné si. A wíy yiì Nyùy bèy ji vèn lóo tiy fo, é vèn fíʼ a fìʼtì a dzə̀ kinyo kfə́, é vitúm wùn à vé wòŋe wáa yu adzə̀m.

Matio 12:41

«A wíy lòo dzə e kishiíy ke Nyùy wíy a tinén nsaʼ, é wír veé Ninevèe wáa roòmè wír woo lèn və̀n, a dzə̀ bìʼ fo áwune‑eè yuun kinyo ke Jona fiʼtì, e bìnèr melív mev. Wìr wùmòʼ wáa dzə fèn lèn, a kfə́ kee kinyo ki shaà ké Jona, la á yòʼ a yu gheéy.

Aysaya 37:37

Á bèy, Fòn Sennakeriv woó Assiriya nèn kìv kiláʼáy, e kfə̀n é Assiriya. Wù dù, e gòʼ, a dzə e Nineve.

Jeremia 20:9

M fə́m liʼ ji m yòʼ dzəə́ yiì a kuumé wò, a m yòʼ dzəə́ yiì a yòŋ kinyo e wò yir, bo kinyo ké ki kù lo, a lùm e mǒ shiliv moo və́y, və́y, mo wú baári e mǒ vighvər. Dzəə̀ ye m kúʼtí wún yòʼ dzə̀, yòʼ dzə̀ m yù fó kuʼtí.

Hosea 7:2

Áwune yòʼ gwarìr feyì ji m shoóshi a vinyo ve á buʼtì vìn, leey vidzə̀m. Vinyo vév ve bi vin vi sùm ne áwune, a bó yòʼ dzə̀ féyì m yiì bìn ndzə̀m, e làa yòʼ a way sí sho.»

Jona 3:3

E ghan sin, Jona biímé ntum Nyùy Tàr, e nèn a dù e Nineve. A Nineve və̀n‑eè dzə̀ ŋkàlaʼ a yì‑iì kùʼ féyì, ye a kù‑uù dzə̀ wìr ghàn vishiíy vitaár, e bóo tosín.

2 Wòŋ 28:9

Ŋgaà ntum Nyùy Tàr wùmòʼ‑oò dzə̀ é mvə̀mlaʼ yee Samaria, a yír rəə́ dzə̀ Oded. Wù‑uù fəə̀, e dù yèn vé rərí, aá sí nəə e mvə̀mlaʼ, e sùúy aáwune jii, «Nyùy Tàr woo Nyùy atàr vén‑eè shwìíy kilòŋ wùn à wír veé Judàa, e wày áwune e věn kiwo. Vèn nèn lò kén, e yùyrí áwune, e shaàsìn, Nyùy Tàr yú é yuv.

Nahum 3:19

Vileémé vé vi dzə̀ é ŋàŋén, bó yòʼ dzə̀ á fèr, ví bònén. Wìr yú leŋ wó, wù kwàʼ a dzə̀ wó e wò kitu. Siì dzə̀ la wo wù bòyìn fo wò nə̀ʼsì woó ŋàŋ?