Joel 3:9 - ŊWÀʼ NYÙY

⁹ «Á samer e vitúm vi jii, vèn báʼtí rə́r sí. Vèn fəə́r vé rərí, aá wáa meʼ fo mentsə̀m, méʼé, aá nəə́ rə́r.

Joel 3:9 Referans Kwoze

Esiker 38:7

Báʼtí ri, a shìy, vèn à shúu rər wo wú banen e wò ghaŋ e dzə̀me. Yíi a dzə wò mfòóme rə̀r wov.

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Mayka 3:5

Nyùy Tàr nén a suúy kùm aŋgàa ntum kimboʼtìi jii: «Áwune taʼ kév ji wír vémé jáy dzə́ə. Wìr wáy shuu wóv, á nèn a kàʼ mo Nyùy yíi səə̀vì ŋwérín, é wù wáa dzə e vijùŋ. Wìr tén fóo fo kòyàr, á nèn a fìʼ rə́mrə́m kinyò wo Nyùy yíi yiì e ŋgaàŋ.

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Aysaya 34:1

Ven vee vitúm, vèn kóʼtí e mǒ mentsə̀m, e yuùrí. Wíri, vèn fó vituʼùr ví. Woŋ e dzə̀m wùn à kifá kidzə̀m ke kí dzəə̀n shó ki yuúrí. Kitú ke nsay wùn à kifá kidzə̀m ke kí fəə́ fo fo ki səəm jí sìn.

Nsùyrì Nyùy 96:10

Vèn wáa suúy e vitúm vi jii, «Nyùy Tàr dzə̀ Fon.» Rúrú, kù tùúy wun kitú ke nsay, a bó yòʼ dzə̀ kifá ki sə̀ʼsì. Wù wíy a saʼ vitúm, a tinén vinyo vév a dzə̀ é nsànloŋ.

Jeremia 6:4

Lo, aá wám jii, ‹Á báʼtí, aá kiʼ Jerusalem e rə́r sí. Á ŋáʼáy cér, e nə̀ə́ fó e ntìntìn shùy.› Á kfə́n lo, aá wáa ghay jii, ‹Kishiíy kí sí mayì, a meraaràŋ mè sí lò a gbùkìr. Lòn woo bene dzə̀ woó le?

Jeremia 51:11

Nyùy Tàr sìysì ne ji wun kù laar a ŋkàlaʼ Babilon, e nèn ŋàʼár melív me afòn veé Media ji á taámé á fó. Á mo Nyùy Tàr yíi siìr ŋkfə́tír bey, bìʼ lav cù rə ye á bvəʼəyin ne. Á sáy mvən si, e lì aŋkeè.

Jeremia 51:27

Á fəə́r sáʼ, é yí du é vitum, e tòŋ sóŋé, é yí ghánén fó e dzə̀m. Á báʼtí vitúm, é ví taámé Babilon e rə́r sí. Á bí Ararat wùn à Minni, à Ashkenas, aá nəə́ fó. Á shóʼ mfòómé wo wù li vé rərí, e nə̀ə́ sho fo, e tsə̀nsí nyám se ŋkoʼ fo nyanyày moo ŋguùmé bey.

Esiker 38:17

Ke mo woo Nyùy Tàr woo Taà Ndzə suuy ki dzə̀ jii, ‹Dzə̀ wò ŋgaà wo mò‑oò súŋnin e ghan símóʼ sí fó ŋgùʼ kùm wun, túm aŋgàa lìm vém, aá tiísi e Isray. Vé‑eè rə́si tiísi viyá viyá ji m wíy lì wò, e nəə́ a áwune shó.›

Hagay 2:7

M yíi sə sáʼ fo vitúm vi vidzə̀m, e koomé bùʼ wov e dzə̀m, e wìy sho e mǒ lav cù, é vijuŋ ve lav yem ví wáa dzə vigháʼtín.› Suuy mo woo Nyùy Tàr woo Taà Mànjòŋ.

Sekariya 14:2

A dzə̀ ji Nyùy Tàr wíy baʼtí vitúm vidzə̀m, é ví nəə́ ŋkàlaʼ Jerusalem e rə́r sí, e faàsì. Faasì, aá shwíyrí lav si, e ghàtí vikìy. Á wíy koo wíri fó ŋkàlaʼ, e lì kintoʼnìn, e dù sho e kwaʼ nsàm, é kibér ki kú a dzə e ŋkàlaʼ.

Sekariya 14:3

Á bèy, é Nyùy Tàr nèn fəə̀ kfə́, e nə̀ə́ vitúm vìn e rə́r sí, e kù a màʼ réŋréŋ mo wù‑uù maʼ fo ŋgùʼ.