Joel 3:7 - ŊWÀʼ NYÙY

⁷ Ké lèn ki, m lo, e siìr áwune é bàm fó vitum ve vèn‑eè fiìnèn áwune shó, siirì, é m siir kinyo ke vèn‑eè yiìn aáwune e věn kitu.

Joel 3:7 Referans Kwoze

Jeremia 23:8

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo vitum veé wòŋ kùyi, e fə̀ə́r fo vitum vidzə̀m ve wù‑uù jùmèn áwune, á dù, a dzə sho.› Aá wáa kàn bèy, e kù a dzə a dzə̀ e yéev yee nsay.»

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Jeremia 30:16

«Yii bèy, a wír ve á bivirin vené dzə̀, aá kù wíy bivír sa áwune bey. Á wíy koorí aŋgaà vén vibàn adzə̀m, e dù sho ji vé sháŋé. Á wíy faàsì vifá ve wìr ve á faàsìn vén, a wír ve á nə̀ʼsìn vené wíy a dzə sa e nə̀ʼsì.

Jeremia 30:10

Éè rám Jakov, vèn dzə̀ ji aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. Suuy mo woo Nyùy Tàr. M wíy bòyìr rú vèn à rám yéné fo vitúm veé ndzəywoŋ ví wo, vitúm, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a dzə dzə́ yee nyaáŋ, a dzə akiŋsìn, wìr wó a bemér áwune yòʼ wíy a dzə.

Ŋgaà Yen 19:2

Wù tínen vinyo vidzə̀m tìítiy, réŋréŋ mo ví dzəə̀n. Wù màʼ ne ŋgeʼ e kintìŋ ké sàkì ke kí‑iì ghán viŋkar, bívir wír veé nsay adzə̀m ki. Wù siìr ne mensə́ me aŋgàa lìm və́ ve wiíy və̀n‑eè rə́si yúyri e kitu wo.»

Ŋgaà Yen 16:6

Wír vìne‑eè yúyri wír vé wùn aàŋgàa ntum vée, a mensə́ mè léŋé. Aà siìr ne ŋkfə́tír a dzə̀ mensə́, á wáa no. A dzə̀ mo dzə̀ á kù lòvtí aáwune.»

Ŋgaà Yen 13:10

A wìr‑iì sì wo á kù‑uù wíy koo, bo dzə̀ á kù koò. A dzə̀ wír, a kí‑iì sì ji wù wíy kpu rə́r, bo wù kù wíy kpu. Wír ve dzəə̀n vé Nyùyi ku nèn a way kév a dzə̀ shilív e Nyùy wùn, a tiy kitávín, e dù, e jòʼsì.

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Matio 7:2

Vèn wáa kiíy jii, mo vèn roomè wír, bo kù dzə̀ mo Nyùy wíy a roòmè sa ven. Wù kù wíy a yiì kinyo e wìr réŋréŋ mo ŋgaàŋ yii e wír ámóʼó.

Joel 3:4

«Éè wìr veé Taya, à veé Sidone, e lì wir dzə̀m woó ŋguùŋè Filistia, vèn taʼ ji vèn yée le e mò? Vèn taʼ ji vèn siir ŋkfə́tír vèsən a? A vèn taʼ, e siìr, vèn wàa yen, bìʼ fo m lo, e siìr vinyo ve vèn yiìn ne e věn kitu, a siìr e kileʼ ki.

Esiker 38:8

Vishiíy ví wíy lòo shaà, aá wám wò ji à du á rə́r. Kí dzə̀ jii, wíy lòo dzə e ghan sé bàm sí, áà du, e taàmé kitúm ke wó rərí kù dzəə́ fəə́ fəə́n fo áwuné wùn. Kitúm, a wír vəə́ kfə́nkír fó vitum vinín, e wìy, a dzə aàŋkoŋ veé Isray, ve yì‑iì siìn vifə̀m e bǎm viya vímóʼ ví vinín. Vé‑eè sìy áwune fo vitúm vímóʼ ví mvəm, e wìy sho aáwuné nsay, á wáa neŋ fo lèn adzə̀m ji dèʼ, là kindzə́m.

Esiker 36:24

«Kí dzə̀ jii, m wíy baʼtí ven fó virə̀ʼ, e fəə́r fo vitúm ví mvəm, e lì ven, e dù sho e yéen yee nsay.

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Jeremia 31:8

Vèn leéy ri, e yèn, mo woo Nyùy Tàr, m wíy wìy aáwune fó vitum veé mbìv yee kuy, e baʼtí áwune fó buu se ndzə. Áwune wíy a wìy aàmfìri shó, aàntèŋe, a wìy, à vikìy ve á nyoor wóné, à ve á lúmée. Ŋkfə̌n wìri wíy a kfən fèn e gháʼán.

Aysaya 49:12

Rúrú, wír vém ve á dzə̀kìn é vitum vee kwaʼdáa wíy kfən e bàm. Ámóʼó wíy kfən fo vitum ve ví dzəə̀n Juda fo kùy, aámóʼó wáa kfən fo mbìv yee fo shùy yii nəə. Ámóʼó wíy a kfən fo Aswan, fo mbìv yee tsə́n.»

Aysaya 11:12

Nyùy Tàr wíy nàn cícíwàr ji vitúm vidzə̀m vi fiʼ yèn, nanè, é wù báʼtí wír veé Isray ve vé‑eè jùmèn fo áwuné nsay. Wù wíy baʼtí wír veé Juda ve á dzə́ e vitum vímóʼ ví vinín, aá wiykir fó buu se ndzə sidzə̀m, e tàr kirə́ʼ kimòʼón.

Esta 7:10

Á bèy, á nèn kù lì Haman e nsənnsən, e sə̀ŋ é kici ke wù‑uù taan ji á yúyrí á Mordekay sho kìy. Dòʼshwiiy fòn nèn kù rə̀sìn.

1 Samuel 15:33

Yii bèy, Samuel suúy jii, «Mo nyùy yè yiìn ne, vikìy wáa dzə là wón, bo yè won yíi a dzə sa là wán e vikǐy mvəm.» Samuel suúy bey, e nèn gwàtì Agag e vinsher vinshèr e Nyùy Tǎr kirə̀ʼ ké cù e Gilgal.

Atǎr Nsaʼ 1:7

Adoni‑Besek nèn lò, a toyrí jii, «Mò‑oò yòŋ, á shétí viyìy vé wo wùn à viyìy vé wuù vé afòn msaàmbà, á wáa dzə, a siy kfə́ʼ se viyikìr fo mǒ sar kidàŋ. Á bèy, ké lèn ki, Nyùy siìr ne ŋkfə́tír e mò.» Adoni‑Besek yòŋ bèy, á ku nèn lì wun, e dù sho e Jerusalem, wù kpú fó.

Aysaya 66:6

Vèn yuúrí, kiyor ki kóʼ fo ŋkàlaʼ Jerusalem. Kí kóʼ fo lav cù, a dzə̀ jí Nyùy Tàr, a wù sí maʼ ŋgeʼ aàŋgaà və́ vibàné kitu ji vilaʼày vév.»

Sekariya 9:13

M fèr ne Juda ji kinte kém, e lì Efrayim ji mvən si. Éè Sion, à dzə̀ nyùy yem rə̀r. M wíy bayír wón vé, aá ghíʼ wír veé Grik e rə́r sí.»