Joel 3:6 - ŊWÀʼ NYÙY

⁶ Vèn fiìnè ne wír veé Juda wùn à veé Jerusaleme e veé Griki, á lí áwune, e fəə̀ shó fo áwuné nsay.

Joel 3:6 Referans Kwoze

Esiker 27:13

Wír veé Grik wùn à veé Tubali, à veé Mesheki‑iì yii wáy vèn áwune. Vé‑eè kúvsin akwàn vév wùn à vifá vee kisha kee *brons ki, sə́ vé vee vifá ve way.

Joel 3:3

Vé‑eè lo, á shwèŋ wír vém, e bóo kiíy wóo lì ji kwàn. Áwune lo, á lì wán woo lumèn, e kàv sàkì sho, li woo wiíy, á kàv meluʼ sho, a no.

Joel 3:8

M yíi yiì, aá fiine wón vén vee vilum wùn à vee vikìyí e wír veé Judàa, é wír veé Judàa fiine sá e veé Sabeyàa, a dzə̀ kitúm kee kwaʼda. Suuy mo woo Nyùy Tàr.

Remrí 28:68

Á bèy, é Nyùy Tàr nèn wìy wày ven é vikoŋ veé ndzəv, e tsə̀nsí e bàm é Ejiv, fə̀m mo wù‑uù yòŋèn ne ji bó vèn yòʼ kfə̀n dzəə́ wìy siíy, e ghan kfə́ə ghan yee ben. Vèn du fo, é vèn wáa fiìnè vitú áàŋgàa vibàn véné ji akwàn vee vilum, à vee vikìyí, là aŋgàa yun.»

Remrí 28:32

Á wíy tayrí wón vén vee vilum wùn à vee vikìyí, e dù sho e kitum kímóʼ kí ji akwàn, a vèn wíy a kiy dzə́ə kishiíy ké ndzə kidzə̀m, e kiy bèn, e dorkír ji á leey áwune, a bó vèn yòʼ dzəə́ wìy yen.

Sekariya 9:13

M fèr ne Juda ji kinte kém, e lì Efrayim ji mvən si. Éè Sion, à dzə̀ nyùy yem rə̀r. M wíy bayír wón vé, aá ghíʼ wír veé Grik e rə́r sí.»