Joel 3:5 - ŊWÀʼ NYÙY

⁵ Vèn lì ne kisha kém ké mbàm ke fəvír kí wùn à ke baar kí, e kùúy bùʼ wom woó kilùm, e bèʼèy, e dù sho e věn virə̀ʼ vé anyùy.

Joel 3:5 Referans Kwoze

2 Afòn 24:13

Wù‑uù kùúy vifá veé kitàv keé lav cù wùn à veé kitàv keé ntoʼ vi, e dù sho. Wù‑uù lì vifá vee *kisha ke mbàm ke baar kí ve Fòn Solomon‑eè fèrìn ji á wáa ker a e lav cù, e tìnrí e vintsə̌m vintsə̀m réŋréŋ mo Nyùy Tàr‑iì suuyin fó ghan ji kí wíy koóy a bèy.

2 Afòn 16:8

Ahas‑iì lì sá *kisha ke mbàm ke fəvír kí wùn à ke baar kí ke kí‑iì dzəə̀n e Nyùy Tǎr lav, e kfə̀n lì ke kí‑iì dzəə̀n é kitàv keé ntoʼ, e tsə̀nsí e fòn woó Assiriya ji fómo.

2 Afòn 12:18

Joash woo fon woó Juda nèn lì vifá vee jeéy ví, vé atàr və́ vee Jehoshafat wùn Jehoram, à Ahasiya vee afon veé Judàa‑aà foon ji vé Nyùy Tàr, e kfə̀n lì sa ve wúnwun kitú kfə́‑əə̀ foon, e tàtí wùn à kisha ke mbàm ke baar kí kidzə̀m ke kí‑iì dzəə̀n é kitàv kee Nyùy Tǎr lav cù, à keé ntoʼ ki, e tsə̀nsí e Fòn Hasael woó Siiria. Hasael nèn tsə̀ʼ vé rər və́, e làa yòʼ dzə́ə nəə́ Jerusalem e rə́r sí.

Daniel 11:38

Wù wíy shaà vin vee anyùy, a ghvəm a dzə̀ nyùy wo wù kiŋsìn virə́ʼ ve tavkín ví. Wù wíy a cù nyùy və̀n, a kù dzə̀ wo atàr vəə́ yòʼ fə̀m‑eè ló a ghvəm, a cù wun e kisha ke mbàm ke baar kí, à ke fəvír kí, a cù e vifá ve sùsù vi, a cù sa e vifá veé kilùm vímóʼ ví.

Jeremia 51:11

Nyùy Tàr sìysì ne ji wun kù laar a ŋkàlaʼ Babilon, e nèn ŋàʼár melív me afòn veé Media ji á taámé á fó. Á mo Nyùy Tàr yíi siìr ŋkfə́tír bey, bìʼ lav cù rə ye á bvəʼəyin ne. Á sáy mvən si, e lì aŋkeè.

Jeremia 50:28

Á yuúrí, e yù mo wír ve vé‑eè koon, e dù sho e Babilone léʼ, wiyì. Á wiy, fiʼtì e Sion mo Nyùy Tàr woo Nyùy wov màʼàn ne ŋgeʼ e Babilon, e siìr ŋkfə́tir lav rə cù ye á bvəʼəyin.

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Jeremia 23:7

Á bèy, Nyùy Tàr nén a suúy jii, «Ghán sí sí wiyì, se wíri yòʼ dzəə́ wìy a kàn yír yém, a yòŋ jii, ‹Mo Nyùy Tàr wo wù‑uù fəərin wír veé Isray fo wòŋ woo Ejiv dzəə̀n shó e tin.›

Esiker 37:12

Kí nén a dzə jii, tiísí kinyo ke Nyùy Tàr woo Taà Ndzə suuy ki. M suuy aáwune á jii, ‹Wìr vem, vèn yuúrí. M wíy mvə̀ʼtì say sén, e fəə́r ven fó fo. Fəərì, é m li ven, e kfə̀n shó e věn wòŋ woo Isray.

Obadia 1:17

«Yii bèy, Gwan Sion wíy a dzə kibeèy ké wìr ve á wíy bòy, a fóo wíy a dzə jeéy ji kirə́ʼ kém, é rám Jakovi nèn yì vitsə́ʼ vév.