Joel 3:4 - ŊWÀʼ NYÙY

⁴ «Éè wìr veé Taya, à veé Sidone, e lì wir dzə̀m woó ŋguùŋè Filistia, vèn taʼ ji vèn yée le e mò? Vèn taʼ ji vèn siir ŋkfə́tír vèsən a? A vèn taʼ, e siìr, vèn wàa yen, bìʼ fo m lo, e siìr vinyo ve vèn yiìn ne e věn kitu, a siìr e kileʼ ki.

Joel 3:4 Referans Kwoze

Jeremia 47:4

Sì ghán se á laar wír veé Filistia adzə̀m, e tsə̀ʼ ntom Taya wùn Sidon ye yì berin e mòʼón. Rúrú, Nyùy Tàr sí laar wír veé Filistia, áwune vee kibér ke wìr ke kí loòn fó meshavtí meé Kaftor.

Aysaya 59:18

Wù kù wíy làʼ wir dzə̀m a dzə̀ mo ŋgaàŋ lìmèn. Wù wíy màʼ ŋgeʼ aàŋgàa vibàn vəə́ kitu adzə̀m, e màʼ e wìr dzə̀m kitu wo wù tún kinyo kfə́, fə̀m e vitúm vidzə̀m veé ŋguùŋè rìbà ndzə̀v ví.

Aysaya 34:8

Kí dzə̀ jii, Nyùy Tàr lèm ne kishiíy ke wù wíy siìr ŋkfə́tír. Kishiíy ke wù wíy kwàŋ kinyo ke wìr veé Sion, bìʼ kinyo ke wír veé Edome yiìn aáwune.

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Lim Aŋgàa Ntum 9:4

Wù gbù fo nsay, e yù, a jì wìr yoŋ wun jii, «Saul, Saul, à ron wúu yém ben bìʼ ká?»

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Matio 11:21

Wù nèn yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Jeremia 51:6

Ven vee wír veé Isray wùn à veé Judàa, vèn wáa leʼ fo wòŋ Babilon, wìr wáa leʼ e kitú kfə́ kí. Vèn wáa yen fó lày dzəʼə̀m yén bìʼ jay wìr veé Babilon. Sì ghán se Nyùy Tàr wíy a siìr ŋkfə́tír, a wù wíy a laamé áwune, kù mo yii yéví dzəə̀n.

2 Wòŋ 21:16

Á bèy, Nyùy Tàr nèn bàyír wír veé Filistia, e bàyír veé Arab ve á dzə́ e wír veé Etiopiàá ghaŋ, á nəə́ Fòn Jehoram e rə́r sí.

Atǎr Nsaʼ 11:12

Jefta ló fó fo, e nèn tsə̀nsí vé ntume ji á ku dù, e dzə̀r e fòn woó Ammon a jii, «Wùn wun sà kér ka, é bo wù wáa nəə́ rə́r e wun nsay a?»

Remrí 32:35

Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»

Matio 11:22

Vèn wáa kiíy jii, wíy lòo dzə e kishiíy ke Nyùy tínen nsaʼ, é ké wìr veé Taya wùn à veé Sidon ki boŋ, e shaà kén.

Ŋwàʼ Luk 10:13

Jesus lò, e yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Ŋwàʼ Luk 10:14

Vèn wáa kiíy jii, wíy lòo dzə e kishiíy ke Nyùy tínen nsaʼ, é ké wìr veé Taya wùn à veé Sidon vìn ki boŋ, e shaà kén.

Aysaya 14:29

Ven vee wír veé Filistia, lá vèn yòʼ a sheʼrí ji ŋkoó wo wú‑uù wúŋ vené shèsìn ne. Á sə̀m ne mfǐŋ yò, a kù yíi mee búv fo fo.

Jeremia 47:1

Nyùy Tàr‑iì sùŋnín e Jeremia woo *ŋgaà ntum və kùm wír veé Filistia, é bo Farao wìy a tòn Gasa.

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Joel 2:10

Sí lóo wìy, é nsay wáa sə̀ʼ, é yúví wáa yàʼ, é shùy wùn à ŋwee ndzə́mén, é la mejiy mè yòʼ dzə́ə a ban.