Joel 3:20 - ŊWÀʼ NYÙY

²⁰ Yii bèy, wíri wíy a bvəə̀tìn bvəə̀tìn é nsay Juda, e dù, e jòʼsì. Mo ŋgwàʼ si wíy a koʼ, Jerusalem kù wíy a tiy fo.

Joel 3:20 Referans Kwoze

Esiker 37:25

Áwune wíy a dzə fo atàr véví‑iì dzə́ e nsay ye mò‑oò foon e Jakov woo ŋgaà wom lìm. Áwune kù wíy a dzə fo, e wìy dù, e mày, ŋgwàʼ yìmòʼ e yìmǒʼ bàm, é wìr wo wù fəən fo Davir woo ŋgaà lìm wóm ram wìy a dzə fon wov, e wìy dù, e mày.

Amos 9:15

M wíy yiì, é wír vém veé Israyi tuúy aáwuné nsay, a bó m yòʼ dzəə́ wìy mèn áwune fó nsay ye m foon ji yéev. Suuy mo woo Nyùy Tàr woo Nyùy won.»

Aysaya 33:20

Vèn leéy ri Sion, e yèn, ŋkàlaʼ yee fo vèsən yii du ŋkàʼ. Vèn wíy a yen Jerusalem moo kirə́ʼ kee nyaáŋ. Jerusalem wíy a dzə moo kibàn ke á tamen, ke bó yòʼ dzə̀ kifá ki sàʼ. Kibàn, a bó yòʼ dzə̀, á shòʼ vicí ve á tamen shó, a bó yòʼ dzə̀ á yù fóo tiiné akfəə̀ ve á sə̀ŋrìn shó.