Joel 3:19 - ŊWÀʼ NYÙY

¹⁹ «Ké Ejiv, wù wíy yum, e kfən ji kirə́ʼ ké woʼ, é Edom kfə́n ji kirə́ʼ ke kifá ki yòʼ kfə̀n kum fo. Dzə̀ bìʼ ghíʼ ye áwune‑eè ghiʼin wír veé Juda, e nə̀ə́ fo, e yùyrí wíri là njò.

Joel 3:19 Referans Kwoze

Jeremia 51:35

Wír veé Sione lón jii, «Ŋgeʼ ye wír veé Babilone foon e vèr, e fò e wón vérí ku bìnkìr aáwuné kitu.» Jerusalem wáa lon jii, «Njò mensə yer ku bìnkìr e wír veé Babiloné kitu.»

2 Tesalonika 1:6

Yii bèy, a Nyùy kù wíy yiì sa réŋ e wír ve á fó ven ŋgeʼ lène, e siìr ŋgeʼ see shooy aáwuné kitu.

Sekariya 10:10

M wíy baʼtí áwune fó Ejiv, à fó Assiriya, e kfən sho e bàm. M wíy dzə̀ʼə̀r áwune é Gilead, e dzə̀ʼə̀r e Lebanon, é fóo rún, a dzə là nsàn.

Obadia 1:1

Vinyo vìn vi dzə̀ ve Nyùy‑iì ghemen ndzə e Obadia, wù yén é njà kinjeenjèm, a dzə̀ vinyo ve Nyùy Tàr woo Taà Ndzə‑əə̀ suuyin kùm kitúm kee Edom. Ví dzə̀ jii: Nyùy Tàr tùm ne ŋgaà ntum və e vitúm ví mvəm, vèr yú, a wù fúŋ ji á ŋáʼáy, aá du, e màʼ a Edom e rə́r sí. Ké Edom, Nyùy Tàr suuy jii:

Yòvdìy 4:21

Àshè, wìr veé Edom, ven ve á dzə́ e nsay Us, vèn wáa sheʼrí rì, a yu vijuŋ vi. Wóon woo bàr ŋgeʼ kù yíi wìy sa, a vèn yíi no, a baa, e shoʼóy ndzə̀y, a dzə kinshóʼ.

Jeremia 49:17

«Edom wíy dù e vifə̀m, a beemé. Wìr dzə̀m wo wù shaa fo wíy a fàn, a ker gháʼ, a shèŋ kitú, a dzə̀ bìʼ kinyo ke ghaʼán ke kí kooyin fó, á yén.

Aysaya 11:15

Nyùy Tàr wíy yumér ndzə́v yee Naay, ndzə́v, a yí táʼám, e yì nsay, e bóo nəə́ e rìbà ndzə̀v woó Ejiv. Wù wíy nàn kiwó, kiʼ ndzə́v yee Yufret sho, é shwér wo lumèné fəə́, e yùmér. Wù wíy toʼtí, é yí fəə́r mewón me ndzə̀v saàmbà, é wíri fiʼ yù fó a tum e nsay kiyúmér.

Nsùyrì Nyùy 137:7

Éè Nyùy Tàr, kuúmé kinyo ke wír veé Edome‑eè yiìn kí. Kinyo ke vé‑eè yiìn é kishiíy ke wír veé Babilone‑eè tònèn Jerusalem. Kuúmé mo áwune kù‑uù kwá jii, «Á ku kètì Jerusalem kétin, e dù, e mèé e kinsə̀ŋ.»

Aysaya 11:14

Wír veé Efrayim wùn à veé Judàa wíy suusín, e ghiʼ wír veé Filistia e rə́r sí, áwune ve á dzə́ e sar se agwan, e mbìv yee fo shùy yii nəə, e kfə̀n kuúy vifá ve wìr ve á dzə́ e mbìv ye shùy yii tó fo fo. Á wíy boŋ wír veé Edom wùn à veé Moavi, a dzə̀ e kiŋkoòvì ki, é wír veé Ammone wáa neŋ a dzə̀ aáwuné sar saʼ.

Habakuk 2:17

Rə́mrə́m kinyò ke vèn yiìn é Lebanon, e laàr vicí véví lo, e kfən e věn kitu. Nyám si yíi a bemér ven bìʼ laar ye vèn‑eè laàrìn nyám si. Kí yíi koóy ven bey, bìʼ fo vèn‑eè yuyrin wíri woŋ e dzə̀m, yúyri e ntèʼ sí, yúyri e ŋkà se laʼ.