Joel 3:18 - ŊWÀʼ NYÙY

¹⁸ Wíy lòo dzə e kishiíy fóo fèy, é meluʼ me nyomèn mè wáa shem fo virùmèn, é vín nàʼa wáa leŋ, a səy fo agwan. Ndzə́v seé wòŋ woo Juda si wíy runkír sidzə̀m. Ndzə́ví wíy a mee fo Nyùy Tǎr lav, a leŋ, a dù, a borír Kiwoóy ké Shittim.

Joel 3:18 Referans Kwoze

Sekariya 14:8

Wíy lòo dzə e kishiíy fóo fèy, é ntòŋ ndzə̀v ye yì fəə́ ghán sidzə̀m wáa leŋ fo Jerusalem. Nshwàn wúmóʼó wíy a leŋ, a dù e Ndzə́v Shiŋgwaŋe, e mbìv yee fo shùy yii tó, é wúmóʼó wáa leŋ, a dù e Rìbà Ndzə̀v woo Mediteranean, e mbìv yee fo shùy yii nəə. Yí kù wíy a leŋ bèy e bìŋ, a leŋ e lùm.

Aysaya 35:6

Aŋkivkìri wíy a liynín moo njà, é vindzə̀mer vi wáa yòv e kishéʼrì ki. Rúrú, Nyùy wíy yiì, é nsay shaʼam é woʼ, é mendzə́v mè wáa mee fo fo, é ndzə́v sí wáa leŋ leŋén é nsay ye yumér.

Aysaya 30:25

Á wíy lòo yuyrí aŋgàa vibàn vén é mfòn, lóo sàʼtì virə́ʼ vév ve tavkín ví, é woŋ wóné wáa rə̀sìn, a ndzə́v sí wíy a leŋ fo virùmèn, a leŋ fo agwan ve darkìné.

Kintaŋ 25:1

Wáa dzə e ghan sin, a kiláʼáy ké wìr veé Isray ki dzə̀ é Shittim, vilum veé Israyi nèn lò, a dù, a jàŋ vikìy veé Moav.

Nsùyrì Nyùy 46:4

Ndzə́ví dzə̀ ye yí yii, a kishéʼrì ki dzə́ e ŋkàlaʼ ye dzəə̀n ye Nyùy. Ŋkàlaʼ ye ranén ye dzəə̀n kirə́ʼ ké dzə ke wun woo Taà Vitu.

Ŋwàʼ Jov 29:6

Nyám sém sí fáŋkír, a m kám vín e kuʼùn, nyeŋ meŋgvə́r me oliv, a mè léŋ, fəə́ nyanyày.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Aysaya 45:8

M wíy yiì, é kinyo kém kee tìítiy ki sum nsay moo wuú ye yí keesì fo yuv, ló e nsay. Kù mo nsay yú wuú, viŋgà ví wàa tèʼ, kù dzə̀ mo kinyo kee ji Nyùy luŋer wíri kí ku ràmtìn kitú ke nsay kidzə̀m, é kinyo kee ji wìr yii réŋ kí tátí sá, a ràm. Dzə̀ mo Nyùy Tàr, a yii mo, é bo vinyo vìn vi wáa koóy.»

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.

Aysaya 66:11

é vèn fiʼ nə̀ə́ e vikùʼùy ve Nyùy Tàr bùʼùn Jerusalem sho, réŋréŋ mo wàn yii nyóŋ vín kiyìy, yí yiì, wù kùr.»

Jeremia 31:12

Áwune wíy a wìy, a yòv, a yu vijuŋ e Gwan Sion. Á wíy a sheʼrí afómo ve Nyùy Tàr foon aáwune. Á wíy a sheʼrí vifá ve yi wùn à meluʼ mè, à meŋgvə́r mè, a sheʼrí ŋgoo se bvəy wùn à sé nàʼ si. Dzəʼə̀m yéví wíy a dzə moo kiboó ke kí rəsìn ghán sidzə̀m, é la áwune yòʼ dzəə wìy a ker kíghàʼ gheéy.