Biblia Todo Logo
Bib sou entènèt

- Piblisite -




Joel 3:17 - ŊWÀʼ NYÙY

17 «Á bèy, é ven vee wír veé Israyi nèn kìíy ji m dzə̀ á Nyùy Tàr woo Nyùy won, a m dzə́ e Sion fo m shavin ji gwan wom wo ranén. Jerusalem wíy a dzə kirə́ʼ ke ranén kí, a bó vitúm vi yòʼ dzəə́ wìy nəə́ fo, e tòn áwune.

Gade chapit la Kopi




Joel 3:17
29 Referans Kwoze  

Á bèy, wìr veé Isray, é vèn nèn kìíy ji m dzə̀ á vèsən, e kfə̀n kìíy ji m dzə̀ Nyùy Tàr woo Nyùy won, a wùmòʼ yòʼ kfə̀n dzə̀. Bó wíri yòʼ dzəə́ wìy a shoór wír vém.»


Áà Juda, yén ri, ŋgaà ntum líysin agwan, wiy e ntum vijùŋ, samèr ntum nyaáŋ. Juda, vèn yii ri ŋkàʼ sén si, a fo cu e Nyùy Tàr ye vèn kàʼàn wun sho. Bó wìr tàkìŋàʼ yòʼ dzəə́ wìy taamé ven. Á laàr ne áwune ŋkuuŋkùŋ.


Wír veé Sion, vèn ŋáʼáy, vèn ku ŋàʼáy. Vèn siir vitaáví ve vèn‑eè rə́si kér vi é bàm. Vèn ku maʼ vifá vén vé sùsù vi. Wír veé Jerusalem, ŋkàlaʼ ye ranén, wír ve yòʼ dzəə̀n vé Nyùyi yòʼ kfə̀n dzəə́ wìy nəə́ e věn ŋkàlaʼ. Wír ve á kér *kifàné yòʼ dzəə́ wìy tiír kiwuú fó.


A bó yòʼ dzə̀ sá kifá ke kí kér shilóm ki nə̀ə́ é laʼ fèn gheéy. A bó yòʼ dzə̀ sá wír wo wù yii liì kisaŋ, kìn wo wù bóʼti kimboʼtì, wù nə̀ə́ fó. Kù wíy nəə́ wír ve yír sév sí dzəə̀n é ŋwàʼ Wàn Njiì Nyùy wo vé‑eè saŋen yír sé wìr ve á wíy lùŋ sho.


Fo ké wìr ve á wíy ber e Sion, a dzə̀ ji wir dzə̀m wo wù wíy bòy, e gòʼ e Jerusalem, á kù wíy a yen ji dzə̀ rú wír vee jeéy ji dzə̀ vé Nyùy Tàr. Kù dzə̀ ji wìr dzə̀m wo Nyùy Tàr saŋen yír sév ji á wíy lùŋ, a dzə sho atin e Jerusalem.


Nyùy Tàr woo Taà Mànjòŋ, wun woo Nyùy wìr veé Isray suuy jii, «M wíy siìr wír veé Juda fo kwaʼ vikwàn. Á wíy a yòŋ, à ve á dzəə̀n é ntèʼ sií shó jii: « ‹Nyùy Tàr ku səə̀vì gwan wun woo Nyùy wo ranén, kirə́ʼ ke dzəə̀n ké vinyò ve ru ví.›


Á mo m wíy siìr ŋkfə́tir wìr vém ve vé‑eè yuyrin là njò, a bó yòʼ dzə̀ féyì m wìy màʼtì, aá boy fó nsaʼ. Mo woo Nyùy Tàr wíy a dzə e Sion vèr à wír vémé.»


A ke suuy mo woo Nyùy Tàr kí dzə̀ jii, m wíy kfən e Gwan Sion, a dzə e Jerusalem, aá wáa yòŋ Jerusalem ji ‹Ŋkàlaʼ wìr ve á tíy e Nyùy wùn›, a yòŋ gwan Nyùy Tàr woo Taà Mànjòŋ ji ‹Gwan wo Ranén›.


M wíy lèm antèŋ vee kibér ke wíri, aá gwar kitúm ke sən kí, é wír ve vé‑eè jùmèn viné wìy a dzə kitúm ke kuʼùn kí, é mo woo Nyùy Tàr nèn a saʼ áwune fó Gwan Sion, e kèʼ fo lèn, e dù, e jòʼsì.»


Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.


Ŋkàlaʼ rə̀n wíy a dzə may ntuùfú móo kaarí, e tar. Kèʼ fo lèn, a dù, yír ŋkàlaʼa sí wìy a dzə ji Nyùy Tàr Dzə̀ Fó.


Nsər ye yì tíy vitú kùm lav cù dzə̀ jii, e kèʼ fo yì tíyí, e kaarí kitú ke gwan, fóo kù sì kirə́ʼ kee jeéy kí féyì feyì.» Rúrú, kù sì nsər yee kùm lav cù bèy.


Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.


Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»


Wù tùúy ne láʼ rə́ é Jerusalem, a Gwan Sion dzə̀ fo wù dzə́.


Á wáa yòv, a burí Nyùy Tàr wo wù dzə́ e Sion, a sàmèr vinyo ve ghaʼtín ve wù yii e vitúm vi.


«M dzə̀ a m yú ghvəvrì ye wír veé Israyi ghvəvrì mo. Suúy aáwune jii, yíi lòo dzə e meraaràŋ, aá wáa ker a nyám yé a yi. Lóo dzə kijàvndzə, aá wáa ker a kibán mo áwune koŋè. Á bèy, aáwune nèn kìíy a ji mo woo Nyùy Tàr, dzə̀ á mo wo dzəə̀n Nyùy wov.»


Gwan Nyùy Tàr wo ranén dzə̀, a fan yee ji á lémér wír, kìn ji á laar wune yòʼ kfə̀n wíy a dzə fo. Wìr dzə̀m kù sí wìy a tiy a dzə̀ e Nyùy Tǎr kinyò, e kiíy wun bèn e mbòŋén. Kiíy rə̀ne wíy sàmèr wún, kù moo rìbà ndzə̀v wo wù taʼamen, e dù.


M kù sí lo, e yiì, é yii yém yee réŋé fəə́sín lèn lèn, e bòyìr ven. Rúrú, m kù sí lo, e lùŋèr ven lèn lèn, m yòʼ dzə̀ kwaʼda. M wíy lùŋèr wír veé Sion, e bùʼ wír veé Isray e vikuʼùy vém ví.»


á wír ve m wíy yiì, aá wáa wìy e mǒ gwan wo ranén. Á kù wíy a wàʼrì, a wìy e mǒ lav bùnrì, a sheʼrí mo. M wíy səəsí cu yév ye tonèné wùn à ye seeríné e mǒ kiy cù, aá wíy a yòŋ lav yem ji lav bùnrì fo vitúm vi vidzə̀m.»


Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»


A dzə̀ jii, ghán sí wíy gheén, é wìr dzə̀m woó Isray wiy, a cù mo a dzə̀ e mǒ gwan wo ranén, gwan wo wù taá vitú e nsay Isray. Dzə̀ fo m wíy a yu vijuŋ vén, a shìy ji vèn wáa wìy aàfómo véné, a wìy e vifá ve ntay vi, a wìy e vifá ve cù vi, a dzə̀ vee jeéy ví ji vém.


M yíi bàʼrì gháŋ e věn vinsəʼ, e way jáv e věn wùn, e yiì, é jùv sə́tí wún. M yii bèy, é m wáy kiyoy e věn wùn, é vèn kfə́n a dzə atin. Á bèy, é vèn nèn kìíy ji m dzə̀ á Nyùy Tàr.› »


«Ke mo woo Nyùy Tàr woo Taà Ndzə suuy ki dzə̀ jii, ‹A dzə̀ wir kitum, a bó á yoʼ sàŋ mbèʼ se ŋgaàŋ, a bó shilív sə́ shí yòʼ tíy e mǒ wùn, bo yòʼ dzə̀ wù nə̀ə́ e mǒ lav cù, a wù fə̀m dzə́ e wír veé Israyí mvəm.› »


Éè Nyùy Tàr, ku rə̀ʼ dòʼshwiiy wò fo wò ŋkàlaʼ yee Jerusalem, réŋréŋ mo à yii yii vinyo vé tìítiy. Ŋkàlaʼ ye kù dzəə̀n ye, a dzə̀ gwan wò wo ranén. Jerusalem sì kifá ke nshéʼmé ki, a vèr sì sá kifá ke nshéʼmé ki fo vitúm ve ví dzəə̀n e věr ghaŋ vi, bìʼ vinyo ve vèr jayin, e bóo lì sa vinyo ve atàr vérí‑iì bùʼtìn.


Kù dzə̀ atàr vév vin ve Nyùy‑iì foon nsay aáwune, a bó kiŋgwìy ki yòʼ‑oò lo bàv aáwuné mvəm.


Swiv nou:

Piblisite


Piblisite