Joel 3:16 - ŊWÀʼ NYÙY

¹⁶ Nyùy Tàr wíy a wamkír fo Sion, a tsənsí kisúŋnìn kfə́ fó Jerusalem. Nsay wíy a sə̀ʼ, é yúví wáa yàʼ. Yii bèy, Nyùy Tàr wíy a dzə kikfə́vsì ke wìr və́, a dzə kirə́ʼ ke tavín ke wír veé Israyi laay sho.

Joel 3:16 Referans Kwoze

Amos 1:2

Amos wáa fìʼtì ntum rə, a suúy jii: «Nyùy Tàr wámkir e Sion, tsə́nsi kisúŋnìn fo Jerusalem, a kwáʼ nàʼa yúmé, a jíyí yúm, sə́ʼsi fo Gwan Karmel.»

Hagay 2:6

«Mo woo Nyùy Tàr woo Taà Mànjòŋ, m suuy jii, ‹E bǎm shintàm, m kfə̀n yíi sə̀ʼsì yúv wùn à kitú ke nsay ki, e sə̀ʼsì rìbà ndzə̀v wùn à nsay ye yumér.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Aysaya 42:13

Nyùy Tàr lo, wù ŋàʼáy moo ntav wo wù du e shùu rər. Wù lo, wù wàa nəə́ e shùu rər, a yu tím. Wù lo, wù yìysí, e bùʼ shirəə́ ji sí wàá tsəə́m, a ghiʼ aŋgaà və́ vibàn, a wù yòʼ mvəʼ sí, yén wír.

Ŋgàn 18:10

Nyùy Tàr dzə̀ kirə́ʼ ké kilìr ke tavín kí, wìr wo wù yú Nyùy, léʼ tó fo, wù bòy.

Esiker 38:19

Ke m yoŋ, a shilív shém shí ndzə́ʼə́, a tím yémé baári ki dzə̀ jii, wíy lòo dzə e kishiíy fóo fèy, é nsay Isray səʼsi é mbòŋén.

Aysaya 51:16

Sion, à dzə̀ ji ŋgaà lìm wom. M tiìsí ne ntum ye m taʼ, é wìr dzə̀m yú a dzə̀ e wò. M kìŋsìn ne wò, kù mo wìr kìŋsìn kifá e kiwó ki. Kù‑uù sàŋrì mo yúv fo wú dzəə̀n, a kù‑uù wày mo kinsə̀ŋ ke nsay. Ké lèn ki, m suuy e vèn veé Sion jii, ‹Vèn dzə̀ wír vém.› »

Nsùyrì Nyùy 61:3

Rúrú, dzə̀ wò kikiŋ kém féyì feyì, kirə́v ke tavín ke kí kiŋ mo fo aŋgaà vém vibàné.

Ŋgaà Yen 16:18

Kishèv ki nèn kèʼ, a bàvkìr, a baykír, virə́ʼ ví wáa dzə̀mkìr. Nsay kfə́n a sə̀ʼ kitávín, virə́ʼ ví wáa kèrkìr. A bó yì yòʼ‑oò yiì ne sə̀ʼ e ŋàŋ bey, kèʼ mo wíri‑iì fəən é nsay.

Nsùyrì Nyùy 18:2

Rúrú, Nyùy Tàr dzə̀ kilán kém, kirə́ʼ ke kí kiŋsìn mo. Wù dzə̀ Mfə̀ə́r wom. Nyùy wom dzə̀ kirùmèn kém ké nsàm. Wù dzə̀ ŋkeè wom. Wù dzə̀ ntav wo wù luŋèr mo, kirə́ʼ kém ke tavín kí.

Aysaya 33:16

Kfə́ə wìr vee béne kù wíy a dzə akiŋsìn, a dzə ji nyaáŋ moo wír wo wù lìrìn é kirə̀ʼ ke tavín kí, é mvə̀m vilála. Á wíy a fo viyíkìr vév foón, a tu mendzə́v mev tuún, é bo á wáa no.

Nsùyrì Nyùy 29:11

Kù távir Nyùy Tàr wír və́. Kù səəvì Nyùy Tàr wír və́ e nyaáŋ.

1 Samuel 15:29

Nyùy wo dzəə̀n viwìr veé Isray yòʼ yii bóʼti kimboʼtì, a bó yòʼ dzə̀ wù kùvsín kwaʼtì rə́, bìʼ fo wù yòʼ dzə̀ moo wir msòŋ, wo wù yii kúvti kwaʼtì.»

Ŋgaà Yen 11:19

M ku nèn yèn, aá mvə́ʼ lav Nyùy ye yì dzəə̀n é yuv. M yén ŋkùv wo á lem vifá ve *mensàŋ me Nyùy‑iì gwàrìn wùn à wíri shó, a wù tíy fo mvəm. Kishèv ki ku nèn a njàʼkìr, a baykír, virə́ʼ ví wáa dzə̀mkìr, nsay wáa sə̀ʼ, a kèrkìr, lúm se mentiy si wáa keèsì fo yuv.

Ŋgaà Yen 11:13

Kú a dzə e ghan see shooy, nsay nèn kèʼ, a sə̀ʼ, virə́ʼ ví wáa kèrkìr e mvə̀mlaʼ fèy. Lav si lóo dzə e ghvə̀m, bo yee mòʼón keesì. Wíri‑iì kpù nsə̀kì saàmbà (7,000). Kibér ki nèn a yàʼ, a fàn Nyùy wo wù dzəə̀n é yuv, a suúy jii, «Wù shaà vitaáví, wù dzə̀ rú e gháʼán.»

Hibru 12:26

Wù‑uù lo sùŋnín fo mbìy, nsay sə̀ʼ. Lèn və̀n, a wù káʼ ne jii, «Wun kfə̀n wíy sə̀ʼsì kitú ke nsay, a bó yòʼ jòʼsì nsay cáʼ, wun wíy sə̀ʼsì saa yúv.»

Sekariya 10:12

Mo woo Nyùy Tàr, m wíy luŋ wír vém, aá wáa dzə antav, e yiì, aáwune wáa ghan e mǒ mbòv. Suuy mo woo Nyùy Tàr.»

Amos 3:8

A bvərə̀ʼ lò, a nyàmkìr, bo wìr wo a dzə̀ wù wàa dzə là fan dzə̀ la? A Nyùy Tàr woo Taà Ndzə lòo dzə, e sùŋnín, bo wìr wo a dzə̀ wù tèn fóo lò ntum rə dzə̀ la?

Hosea 11:10

«Kishiíy kí wíy gheén, é mo woo Nyùy Tàr tóŋ moo bvərə̀ʼ. Tóŋé, é wír vémé wáa jùmrì mo. Wón vémé wíy a lò fo mbìv kintoŋrìshùy, a wìy, a yàʼ.

Sekariya 10:6

«M wíy luŋ wír veé ram Juda, aá ghaámé é shùu rər, e tom vé kfəə Joosev, aá yov nsiì. M wíy lì áwune, e kfən sho e bàm, bìʼ koŋ ye m kér fo áwune. Áwune wíy a dzə, kù moo ji bó m yòʼ‑oò lo ŋwày áwune, a dzə̀ bìʼ fo m dzəə̀n Nyùy Tàr woo Nyùy wov, a m wíy a yu tóŋ yév.

Aysaya 33:21

Rúrú, Nyùy Tàr wíy a dzə e Sion, é vèsən wáa yu vijuŋ ve vikùʼùy və́. Wù wíy a dzə moo kirə́ʼ kee fo ndzə́v se kuʼkìn wùn à se terí sí léŋé. Yii bèy, a bó yòʼ dzə̀ màkìkoŋ woo wo rə̀r shaà shó, a fə̀m dzə̀ kikóŋ ke á yii kiy kìyìn.

Jeremia 17:17

Lá à yòʼ kfə̀n ji kimbemèr kém. À dzə̀ kikiŋ kém é ghan sé ŋgeʼ.

Nahum 1:7

Nyùy Tàr dzə̀ e juŋ, a dzə̀ kibeey keé ghan sé ŋgeʼ. Wù yii géʼsin e wír ve á lir e wun sari.

Hagay 2:7

M yíi sə sáʼ fo vitúm vi vidzə̀m, e koomé bùʼ wov e dzə̀m, e wìy sho e mǒ lav cù, é vijuŋ ve lav yem ví wáa dzə vigháʼtín.› Suuy mo woo Nyùy Tàr woo Taà Mànjòŋ.

Sekariya 9:12

Ven ve á lim sháŋ, kiʼ dzə́ə, vèn kfə́n é bàm e věn vikùm ve laʼ. M fó kaʼ lán jii, m yíi səə̀vì ven, e dzə̀sì.