Joel 3:15 - ŊWÀʼ NYÙY

¹⁵ Kishiíy kin ki wíy lòo gheén, é shùy wùn à ŋwee ndzə́mén, a mejiy mè yòʼ wíy a ban.

Joel 3:15 Referans Kwoze

Joel 2:10

Sí lóo wìy, é nsay wáa sə̀ʼ, é yúví wáa yàʼ, é shùy wùn à ŋwee ndzə́mén, é la mejiy mè yòʼ dzə́ə a ban.

Matio 24:29

«Ghán sé ŋgeʼ ye kuʼùn sin si wíy lóo shaà, é shùy ku nèn ndzə̀mén, é la ŋwee yòʼ dzə́ə a ban, é mejiy mè wáa gbùkìr fo yuv, é vifá ve ví sə́ŋnin e yuv ví wáa nyeŋnín vidzə̀m.

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Aysaya 13:10

Mejiy mè yòʼ wíy a ran e kishiíy fóo fèy, a fə̀m dzə̀ me mè dzəə̀n é kikamkám. Shùy wíy lòo to, é kifá ki sə́tí, a bó ŋwee yòʼ wíy a ban.

Maak 13:24

«Wíy lòo dzə e ghan see shooy, a ŋgeʼ ye kuʼùn rə̀y shaá ne, é shùy ndzə́mén, é la ŋwee yòʼ dzə́ə a ban.

Ŋgaà Yen 8:12

Nshìylav Nyùy ye yì meen ji kweè tóŋ rə́ yee sóŋ. Sí shùyi ku nèn jàv mbìv sitaár, mbìv yee mòʼón bìnkìr, a sən sənén. Ŋwee wùn à mejiy mè kú a sən réŋréŋ sá bèy, la kifá ki yòʼ dzə́ə a ran e yuv fó ghan símóʼ sí gheéy. Wáa dzə ji á jav kishiíy, e kfə̀n jàv vitsə́ʼ virə́ʼ vitaár, bo kirə́ʼ kee kimòʼón ki sə́n sənén.

Ŋgaà Tàrvìnyò 12:2

Dzə̀ ghán se à wíy a leéy virə́ʼ, a yen ji bó shùy yòʼ dzəə́ báné, a bó ŋwee wùn à mejiy mè yòʼ dzəə́ fó rán, a ndzə kù sí kiʼ fo wò mo sə́ti a mbàʼ wuù bey.

Esiker 32:7

M wíy laàr wò, e sùm yúv, é la mejiy mè yòʼ a ban. M wíy sùm shúy e mbàʼ, e yiì, é la ŋwee yòʼ a ban.