Joel 3:14 - ŊWÀʼ NYÙY

¹⁴ Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Joel 3:14 Referans Kwoze

Filipi 3:2

Kí nén a dzə jii, vèn wáa baàmè a viŋgà vé wìr ve á ghán, yii vinyo ve bi ví, bvəər wíri, suuy ji á kér fó a saŋ *mbèʼ se wìr mo liì woó Juda taʼà, é bo wáa dzə wir Nyùy.

Joel 3:2

Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

2 Pita 3:7

A kù dzə̀ mo wù‑uù suuyin sá ji nsay wùn à yúv wo wú dzəə̀n lène waà wíy shwi, a wù shiy a dzə̀ kishiíy ke wù wíy saʼ wír ve á méŋ wun adzə̀m, e laàr.

Joel 2:1

Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.

Joel 1:15

Rúrú, kishiíy ké Nyùy Tàr kí sì fó mentsə̀m. Kishiíy ke wun woo Ŋgaà Vitaàví Vidzə̀m lo, e wìy ji wun laar virə́ʼ.

Nsùyrì Nyùy 37:13

Yii bèy, Nyùy Tàr leey wír ve á méŋ wun, shéʼ sheʼén. Wù kì ji kishiíy kí wiyì ke wun wíy màʼ ŋgeʼ aáwuné kitu.

Aysaya 13:4

Vèn yuúrí mo kiyor ki kóʼ fo agwan, a kí kóʼ mo ko màŋgòŋ wìr nyanyày, a wù ló fó vitum vinín, e kaàrí, a koʼór kiyor. Dzə̀ Nyùy Tàr woo Taà Mànjòŋ mo wù báʼti vé rər və́. Wù báʼti áwune é mfòn ji á du, e màʼ rə́r.

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Joel 3:12

Nyùy Tàr bínsí jii: «Vitúm vidzə̀m vi ku ŋàʼáy, e bàʼtí e Kiwoóy ké Jehoshafat. Dzə̀ fó, fo m yíi dzə̀ʼə̀m, a tinén nsaʼ vitum ve ví kaarin Juda.

Tsəfaniya 1:14

Kishiíy ké Nyùy Tàr ke ghaʼtín kin ki sì fó meméʼ. Kí wiy cércér, a kí sì é kiwo. Kishiíy kin ki wiy kibí kibí, gwèy yíi waamé tóŋ.