Joel 3:13 - ŊWÀʼ NYÙY

¹³ Sáŋé bìy ne. Vèn tsə́nsí vé tine, aá du, e tìn. Tútúʼ rùn ne e bií melùʼ. Vèn nəə́, e nyèŋ, é meluʼ mè fəə́ fó fo. Vinyo ve vitúm vi buʼtì vi kùʼ ne e ŋàŋ. Á kù yíi nyèŋrì áwune é mfòn, mo á nyèŋ meluʼ, mbìʼ sí rúnkír, a fəə.»

Joel 3:13 Referans Kwoze

Maak 4:29

Vifá vìy vi bíyí, ŋgaà sùm nèn tùm kfə́ a dzə̀ wíri ji ghán sí ghèén ne, á du, e kàv á vifá və́.»

Hosea 6:11

Fo ké ven vee wír veé Juda ki, m lèm ne sa ghán se vèn yíi kav ŋgeʼlàʼ, fə̀m mo m kì koŋ kém ji m siir vijuŋ ve wìr vém fó.»

Aysaya 63:3

Wù bìnèr jii, «M wiy a dzə̀ fo m kì nyeŋ vitúm, kù mo wìr nyèŋ tútúʼ melùʼ e bii, a m kù kì nyeŋ vèr mòʼón, a wìr yoʼ wìy ji wun sə́ mo. M kì nyeŋ áwune e dòʼshwiíy, mensə́ mev mè saámé, e shìm ndzə̀y sém.

Matio 13:39

a maʼ wun ŋgoòy yee shooy, bìʼ fo wù ban ŋgaà sùm. Ghán sé kav si dzə̀ ghán se ndzə rə̀n wíy mày, a vé kavi dzə̀ nshèelav se Nyùy.

Jeremia 51:33

Nyùy Tàr woo Taà Mànjòŋ, wun woo Nyùy wìr veé Isray suuy jii: «Babilon wo dzəə̀n ji ŋgònjuù sì moo riímé, riímé, wo á báʼti ji á búʼ sáŋ shó, a bó ntàm yòʼ‑óò dar, a bó vé ŋkavi wíy ji á búʼú.»

Yòvdìy 1:15

«Nyùy Tàr mèŋ ne vé rər vém adzə̀m, a kù dzə̀ áwune ve vé‑eè kiŋsìn mo. Wù bàʼtí ne vé rər, á taámé mo, e laàr wónlě nsùm vém. Wù nyèŋ ne mo woo ŋgònjuù yee Juda, kù mo á nyèŋ báŋ se á fəər meluʼ fo fo.

Remrí 16:9

Mooser kfə́n a suúy e wír veé Israyi jii, «Vèn wíy táŋ ŋgàm saàmbà, e kèʼ fo ghan se vèn kèʼèn, a kav vifá,

Kèʼlo 18:20

Nyùy Tàr nèn sùúy e Abraham jii, «M yù ne ji vinyo ve ghaʼán ví kooy e Sodom wùn Gomorra, a liì wov kisaŋ kùʼ ne e ŋàŋ.

Kèʼlo 15:16

A kí wíy lì kiyá ghii kweè, é bo rám yée kfə́n é bàm fen, bìʼ fo vinyo ve wìr veé Amor ve bi ví yóʼ ne kùʼ, e mèé ve a dzə̀ m màʼ ŋgeʼ aáwuné kitu.»

Kèʼlo 13:13

A wír veé Sodome‑eè kér liì kisaŋ, yii vinyo ve ví wáa nyar Nyùy Tàr é ŋàŋ.

Ŋgaà Yen 14:14

M nèn kfə̀n lòo leéy, e yèn mbàʼ ye fəvír, a kifá ki dzə́ sho, shwínin wír. A wù sóv ntáráʼ wo á fèrìn e *kisha ke mbàm ki, kfə̀n kér loòjèé é kiwo, aá baáy ben kijuŋ.

Ŋgaà Yen 19:15

Wù shém fó mbìy, a nyùy ye njimén fəə́ fó shuù wo, a dzə̀ ye wù yíi teè vitúm sho, e tòn, a saʼ. A wù wíy a saʼ a dzə̀ e ŋkǒmbàŋe wo dzəə̀n kisha. Wù wíy màʼ ŋgeʼ ye biibí aáwuné kitu, a dzə̀ ye áwune yiìn, Nyùy woo Ŋgaà Vitaàví Vidzə̀m shwiíy kilòŋ, e fò aáwune. Wù wíy lovtí aáwune moo kicí ke á kòyìn, e wày é bii, a nyèŋ, meluʼ mè wáa fəə fo fo.

Aysaya 17:5

Kí wíy a dzə moó ghan se á yii káv vifá, ghán se vé lìme yii tín saár, báʼti e vikfər vikfər, ramsì kóy, tín vitú ve saàr. Kí wíy a dzə moo vé kitàn ve á síy saár ye vé lìme shaàn é Kiwoóy ké Refayim.