Joel 3:12 - ŊWÀʼ NYÙY

¹² Nyùy Tàr bínsí jii: «Vitúm vidzə̀m vi ku ŋàʼáy, e bàʼtí e Kiwoóy ké Jehoshafat. Dzə̀ fó, fo m yíi dzə̀ʼə̀m, a tinén nsaʼ vitum ve ví kaarin Juda.

Joel 3:12 Referans Kwoze

Joel 3:2

Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

Aysaya 3:13

Nyùy Tàr nànèn ne e lav nsaʼ ji wun wáy á nsaʼ wíri é kibàʼ. Wù nànèn ne ji wun sáʼ á nsaʼ yev.

Aysaya 2:4

Nyùy Tàr wíy saʼ nsaʼ se vitúm vi tsə́ynin vitú sho, e tinén vinyo ve wìr anín. Wù tínenè, aáwune li nyùy sév sé rər, e fèr a dzə̀ visoó ve kwaʼ sho, e lì kòŋ sév, e fèr a dzə̀ akòómèntá shó. Bó kitúm ki yòʼ dzəə́ wìy a màʼ rə́r wùn à kímóʼ kí, a bó á yòʼ kfə̀n dzəə́ wìy a yeʼéy mo á yii maʼ rə́r.

Nsùyrì Nyùy 98:9

Á wáa yòv, a səəsí Nyùy Tàr, wun, wo wù wiy ji wun sáʼ á kitú ke nsay. Wù wíy a saʼ wir dzə̀m e dzəə yee réŋ, a saʼ vitúm e dzəə yee tìítiy, là kiloʼ.

Nsùyrì Nyùy 96:13

Á kú a sheʼrí wun, bìʼ fo wù sí wiyì, a wù wiy ji wun sáʼ kitú ke nsay. Wù yíi a saʼ kitú ke nsay là kiloʼ, a saʼ vitúm e suuyrú və.

Sekariya 14:4

Wíy lòo dzə e kishiíy fóo fèy, é Nyùy Tàr tiím é kitu ke Gwan Vicì vé Oliv, e mbìv Jerusalem yee fo shùy yii tó. Wù tiimè, é kiwoóy ke wiy kí jav Gwan Vicì vé Oliv, e siìr kintóʼ kímóʼ kí é mbìv yee kuy, e siìr kímóʼ kí é mbìv yee tsə́n. Kiwoóy kin ki wíy kèʼ fo mbìv yee fo shùy yii tó, a kfənér e mbìv yee fo shùy yii nəə.

Mayka 4:3

Nyùy Tàr wíy saʼ nsaʼ se vitúm vi tsə́ynin vitú sho, e tinén sé vitum ve tavkín ve ví dzəə̀n é ndzəywoŋ. Wù tínenè, aáwune li nyùy sév sé rər, e fèr a dzə̀ visoó ve kwaʼ sho, e lì kòŋ sév, e fèr a dzə̀ akòómèntá shó. Bó kitúm ki yòʼ dzəə́ wìy a màʼ rə́r wùn à kímóʼ kí, a bó á yòʼ kfə̀n dzəə́ wìy a yeʼéy mo á yii maʼ rə́r.

Joel 3:14

Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Nsùyrì Nyùy 7:6

Éè Nyùy Tàr, ku ŋàʼáy e wò dòʼshwiíy, e kìŋsìn mo fo aŋgàa vibàn vém ve á guutì moó. Éè Nyùy, à lèm ne kishiíy ke à wíy tinén nsaʼ wìr dzə̀m, ku ŋàʼáy, e sə̀ mo.

Ŋgaà Yen 19:11

M kfən yèn kinyo kímóʼ kí, a shúu yuví tíy e rə́, a nyàmŋkoʼ tíy fo e fə́vír. A wìr dzə́ e kitu wo, aá yoŋ yír ji Suuyrú, kfə̀n yoŋ ji Làkìloʼ. A dzə̀ jii, jay yòʼ yii dzə́ e wùn kinyò ke wù yii, kìn wù tínen a dzə̀ nsaʼ, kìn wù maʼ a dzə̀ rə́r.

Esiker 39:11

«Wíy lòo dzə e kishiíy fóo fèy, é m fó kirə́ʼ é Isray ke á dzəəme Gog sho. Kí wíy a dzə e Mboʼ Vé Ghane, a yì dzə̀ é mbìv yee fo shùy yii tó, e lò fo Ndzə́v Shiŋgwaŋe. Say sév sí wíy a dzə nyanyày yée sətí dzə́ə, fo vé ghane wáa shaà. Á wíy a yòŋ fó ji Mboʼ Shùu Rə́r Gog.

Esiker 30:3

Kishiíy kee shooy ki sì fó mentsə̀m, kishiíy ké Nyùy Tàr, a kí mèʼ ne. Kishiíy, ke yì wíy sən, e làŋsìn. Kishiíy, ke vitúm vi wíy a fàn, a yàʼ.

2 Wòŋ 20:26

Wáa dzə e kishiíy ke kí‑iì meen ne ji kweè, áwune báʼtí é Kiwoóy ké Beraka, e beèrì Nyùy Tàr fó. Á kinyo ke kí‑iì yiìn, é bo á wáa yòŋ fó ji Kiwoóy ké Beraka, e wìy shem lán.

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?