Joel 3:11 - ŊWÀʼ NYÙY

¹¹ Ven vee vitúm ve vèn kaarin Juda, vèn ŋáʼáy cér, a wìy. Vèn báʼtí é kiwoóy kee fo Nyùy tínen nsaʼ sə́.» Éè Nyùy Tàr, ku tsə̀nsí vé rər vée, aá sə́y, e ghìʼ áwune fó.

Joel 3:11 Referans Kwoze

Aysaya 13:3

Mo woo Nyùy Tàr, m fò ne sáʼ e wír ve m shavin ji á yii lim ye dzəə̀n yémé. M tòóy ne vintav vém vé vé rərí, wír, aá yúʼti wún, a m túm ji á maʼ ŋgeʼ e wír ve á ton shilív shémé.

Tsəfaniya 3:8

Mo woo Nyùy Tàr nén a suúy jii: «Vèn kú a shìy kishiíy kiy, kishiíy, ke m wíy nànèn, e roòmè vitúm. M wày ne wayín ji m báʼtí á vitum, e bàʼtí afon, e nyè dòʼshwíiy wom wo tavín aáwuné kitu. Dòʼshwiíy wo wù baári e mǒ shiliv, wù yíi tòn kitú ke nsay kidzə̀m.

Ŋgaà Yen 19:14

Wù wáa wìy bèy, ŋkfə̀n sé rər sé Nyùy si wáa nyoòrì fo bàm, aá kóʼ sá nyám se fəvír sí, e màʼ ndzə̀y se fəvír sí, a sí rán ji rèéŋ.

2 Tesalonika 1:7

Fo vèsən, wíy lòo dzə e kishiíy ke Taàtá wòsən Jesus wíy sàsìn, e bvəy fo yuv wùn à nshèelav sə́ se kuʼkìn sí, é Nyùy nèn fə̀ə́r vèsən fəə́rín fó ŋgeʼ foo fèy.

Mayka 4:12

Yii bèy, vitúm vìn vi yòʼ kì kinyo ke Nyùy Tàr kér e wun shiliv. Bó áwune yòʼ kì antaŋ ve wù bá. Bó á yòʼ kì ji wù bàʼtí áwune, e kùr moo mbeʼ sàŋ, mbeʼ sàŋ, ye á kurin, a dù sho ji á búʼ é riimé.

Joel 3:2

Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

Aysaya 37:36

Kú a dzə vitsə́ʼə́, nshìylav Nyùy Tàr fəə́, e dù e wír veé Assiriyàá kilaʼáy, e yùyrí wíri nsə̀kì nshòv sitàn e mwaamé e wiì (185,000). Wíri bvəə́shí, a lò e yuv kijàvndzə, e yèn, a sí néŋnin dzə́n sí.

Aysaya 10:34

Wù wíy bàʼ áwune e njàm, kóv vən, a wú kúy, e rə̀ŋsìn, é kimà ké kòv keé Lebanon ki sə́y é nsay kidzə̀m.

Nsùyrì Nyùy 103:20

Viŋgáʼ ve nsheèlav se Nyùy Tàr, vèn wáa burí wun. Ven ve á yúnin nsər sə́, vèn wáa burí wun, Ven ve á yuúri kinyo ke wù suuyì, vèn wáa burí wun.