Joel 2:7 - ŊWÀʼ NYÙY

⁷ Sí wiy, ghíʼ wíri, kù moo ji ghìʼ vé rərí, kóʼ virə́v vé kày veé ŋkàlaʼ, kù moo vintav ve vé rərí. Sí kù du e ŋgoo, a símóʼ sí yòʼ bar ŋgoo.

Joel 2:7 Referans Kwoze

Ŋgàn 30:27

Ŋguùmé, a sí yòʼ yii kér fon, yii bèy, a sí kù kív, nəə moo mànjòŋ rər.

Joel 2:9

Sí gbu, e sùm ŋkàlaʼ súmen, a koʼ e virəv vé kày. Kóʼó, é sí nəə́ é lav si, a nəə́ fo shuù se wundu moo ashóŋ.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

2 Samuel 5:8

Wáa dzə e kishiíy fóo fèy, Davir dzə́r e wír vəə́ jii, «Wìr dzə̀ shó fèn wo wù bànèn wír veé Jebusi, e kòóy mo ye dzə̀ wù nə̀ə́ áwune e rə́r sí á? Bo a dzə̀ ŋgaàŋ kù tòsín làvŋgòm, e bóo nəə́, e fùnèn amfìr wùn aàndzə́m vísəə.» Á nèn lò, e fùnèn, e tòn. Á kinyo ke kí‑iì yiìn, é bo á siíy a màʼ lám jii, amfìr wùn aàndzə́mé yòʼ yii nəə e Nyùy Tǎr lav.

2 Samuel 1:23

«Saul wùn Jonatan, wír, aá tó sí, a wíri leey, koŋè. Vé‑eè dzə̀ kintatì fə̀m á mvə̀m kpu. Vé‑eè shwìr, e shaà lùŋ wo wiy, vé‑eè tàv, e shaà bvərə̀ʼ.

Nsùyrì Nyùy 19:5

Yì lo, yì wàa fəə mo wánlè nsùm yù ndzə́ʼ jìn, e meè fó lav, kìn moo wír wo wù túyri shwín ji wun léʼ kileʼ.

Ŋwàʼ Jov 16:14

Wun woo Nyùy kù wáy kileémé e mǒ wùn akàŋ akàŋ, gim mo moo koóbáŋ wo wù yòʼ fó kintóʼ e shùu rər.

Joel 2:8

Sí yòʼ ghán, tsə́yninè. Sidzə̀m si kù tiir kitú, du a dzə̀ fó mbìy. Sí tóʼnin kifá kidzə̀m ke á téʼ áwune shó toʼnín, a bó yòʼ dzə̀ kifá ki sə̀ə́r áwune.

1 Wòŋ 12:36

Fo rám Asher, wíri wáa dzə nsə̀kì mkweè (40,000), aá dzə̀ kibáʼtín ji dzə̀ á màʼ rə́r.