Joel 2:5 - ŊWÀʼ NYÙY

⁵ Sí léʼ e vitu ve agwan, a kiléŋléŋ kí koó moo ké *vitentén vé rər. Sí kfə́r visáŋsáŋ, báykir mo və́yí bàykír fo kinshaàrì. Sí du e ŋgoo sí ŋgoo si, du, moo mànjòŋ wo wù du e shùu rər.

Joel 2:5 Referans Kwoze

Ŋgaà Yen 9:9

Vikàkàŋ vi wáa dzə ŋgáʼ ŋgáʼ, a dzə̀ visha. Sí lóo feŋ, sí wàa dzə̀m moo nyám se ŋkoʼ se sí líy sineénín e shùu rər, səŋ *viténtén vé rər.

Aysaya 5:24

Ŋgeʼ wíy laàr áwune mo və́yí laàr kisúsu ké saŋ, e to, e səʼsí áwune mo və́yí tò é kinshaàrì. Wír vìne wíy a dzə moo kicí ke gháŋé fòyìn ne, vibuushì ví dzə́ʼ moo kibvər. A kù dzə̀ bìʼ fo áwune ŋwayin ne ntir Nyùy Tàr woo Taà Mànjòŋ ŋwáyín, e nyàysì kinyo ke wun woo Ŋgaà wo Ranén woó Isray suuyì.

Aysaya 30:30

Nyùy Tàr wíy yiì, é wíri yú jí rə mo yì súŋnin kitávín, e yiì, aá yén mo wù maʼ ŋgeʼ, kù moo ji wù nàn ne kóy və́, a səʼə́r e wírí kitu. Dòʼshwiíy wíy a kiv wun kívín, a wù wíy laàr virə́ʼ mo laàr və́y, kìn wuú ye yí ló, kúŋ virə́ʼ, kìn kinsəm, e bóo lì mentíy.

Matio 3:12

Wù wíy lòo wìy, é wù wáa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Ŋwàʼ Jov 39:20

Yì‑iì yiì wò, é bo nyàmŋkoʼ wáa liy moo ŋguùmé a? Nyàmŋkoʼ fér yúy, wúné wàa beemé wíri beemén.

Jeremia 50:42

Áwune wiy, kér vinte wùn à nyùy sév sé rər sí. Áwune dzə̀ vé bvə̀m ŋgeʼe, aá yòʼ rə́r mendzən me wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Babilon, wò woo ŋgònjuù, á lì ne ghán, e bàʼtí rə́r, a taamé wò.

Ŋwàʼ Fəə 5:12

Wíri nèn sàŋrí woŋ Ejiv e dzə̀m, a tàʼ vinyè vé sáŋ ji kisúsu.