Joel 2:32 - ŊWÀʼ NYÙY

³² Yii bèy, a wìr dzə̀m wo wù tóŋ e Nyùy Tàr wíy lùŋ. Kí dzə̀ jii, wír ámóʼó wíy bòy e Gwan Sion woo Jerusalem, kù mo Nyùy Tàr‑iì suuyin. Áwune wíy a dzə e mvə̀m kiber ke wìr, wír, ve Nyùy Tàr shoʼon ji á luŋ.»

Joel 2:32 Referans Kwoze

Ŋwàʼ woó Rom 11:26

A sì ghán sin se Nyùy wíy lì áwune é bàm, aáwune luŋ. A dzə̀ kíwun ke vé‑eè saŋen ji Nyùy suuy a jii: «Mfə̀ə́r wíy lò fo *Sion, e bìnèr wír veé ram Jakov adzə̀m, aá maʼti liì kisaŋ,

Jeremia 31:7

Nyùy Tàr yoŋ jii, «Vèn wáa yòv kitávín, a sheʼrí rám Jakov. Leŋe wáa koʼ mo dzəə̀n wun fon vitum. Ŋkèŋé wáa koʼ, é vèn wáa sùyrì mo, a suúy jii, ‹Éè Nyùy Tàr, ku sə̀ wír vé, kibér ke wìr vé veé Isray.›

Aysaya 46:13

M kù sí lo, e yiì, é yii yém yee réŋé fəə́sín lèn lèn, e bòyìr ven. Rúrú, m kù sí lo, e lùŋèr ven lèn lèn, m yòʼ dzə̀ kwaʼda. M wíy lùŋèr wír veé Sion, e bùʼ wír veé Isray e vikuʼùy vém ví.»

Ŋwàʼ woó Rom 9:27

Ŋgaà ntum Nyùy woo Aysaya nèn kfə̀n yìysí kee kùm wír veé Isray jii, «A wír veé Israyi fə̀m sén moo síy seé ghaa rìbà ndzə̀v, bo kù wíy lùŋ wír ashàr.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Obadia 1:17

«Yii bèy, Gwan Sion wíy a dzə kibeèy ké wìr ve á wíy bòy, a fóo wíy a dzə jeéy ji kirə́ʼ kém, é rám Jakovi nèn yì vitsə́ʼ vév.

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

1 Korin 1:2

a m sáŋ a dzə̀ fo vèn vee wír veé Korin ve vèn tatin ji wír Nyùy. Kù‑uù shàv Nyùy ven ji vèn à Jesus Kristu tátí, é vèn wáa dzə wír wun woo Nyùy, mo wír ve á yoŋ yír Tàr wòsən Jesus Kristu adzə̀me dzəə̀n virə́ʼ vidzə̀m. Wù nén a dzə Tàr wòsən réŋréŋ mo wù dzəə̀n sá wóov.

Lim Aŋgàa Ntum 2:39

Nyùy‑iì lo kàʼ vèn à wón véné é kinyò fèn, e kfə̀n kàʼ sa vitúm ve ví yòʼ sí kiiy wun vidzə̀m. Ŋkàʼmé woo shoon dzə̀ fo wíri adzə̀m ve Nyùy Tàr woo Nyùy wòsən jaŋ ji á wiy, e yèn wun.»

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 4:22

Vèn bunrì kén Nyùy lèn, a bó á yòʼ kiiy kinyo ke á yii. A ver vee wír veé Judàa bunrì kér, aá kì, bìʼ fo Nyùy shoʼon ver, á wáa dìn mo wù wíy lùŋèr wíri.

Mayka 5:3

Bìʼ bey, Nyùy Tàr wíy way wír veé Isray aàŋgaà vév vibàné wo, e dù, e meé, a kù dzə̀ é ghan se wiíy wíy lum, e dzəə́ wán. Wù dzəə, é bo afə́r və́ ve vé‑eè berin é kwaʼ nsàmé kfə́n é bàm, e kfən, e tatí wír veé Isray ve vé‑eè gòʼòn aáwuné nsay.

Aysaya 11:16

Kí kooy bèy, é Nyùy Tàr nèn yiì, é dzəə̀ yee réŋ fəə́sín. Dzə́ə ye ashàr wìr ve á berin é Assiriyàa fəə́ shó fo fo, réŋréŋ mo wun woo Nyùy Tàr‑iì kivin dzə́ə, wír veé Israyi fəə́ shó fo wòŋ Ejiv.

Aysaya 10:22

Rúrú, wìr veé Isray, mo vèn fə̀m sén moo síy seé ghaa rìbà ndzə̀v ben, ve á wíy kfən e laʼa wíy a dzə ashàr. Nyùy Tàr wày ne nsər ji á kù kér fó laàr kitúm kìn, a dzə̀ kinyo kee réŋ kí mo kí kér fó a dzə.

Aysaya 4:2

Wíy lòo dzə e ghan fóo fèy, é Nyùy Tàr yii, é tám kici wo fíyi tó, a dzə kifá ke kí din vijuŋ wùn à vikuʼùy ví. Nsay wíy fəə́r vifá ve yi nyanyày, é shúu wáa ma wír veé Isray ve á wíy bòy fo ŋgeʼlàʼ. Aáwune wáa yu wún bìʼ vifá ve nsay yev fəərì.

Hibru 12:22

Vèn nén a dzə kén, aá wíy, a tiy a dzə̀ é Gwan *Sion, a dzə̀ láʼ wun woo Nyùy wo wù gòʼòn kàŋ mòʼón, kfə́n a dzə Jerusalem wo wù dzəə̀n a dzə̀ é yuv. A dzə̀ fó, fo nshèelav se Nyùy si yii dzə́ ansə̀kì ansə̀kì, kwá Nyùy.

Ŋwàʼ woó Rom 11:7

Kinyo ke kí dzəə̀n kí nén a dzə jii, kùʼùn wìr veé Isray yòʼ‑oò lo yèn á kifá ke vé‑eè taʼà, nèn yèn ashàr wìr mo dzə̀ á ghàn, e bóo gheén fo Nyùy. A dzə̀ áwune vee shooy ve Nyùy‑iì yiìn ne shòʼ ji wír və́. Wù nèn yiì, melív me kùʼùn wìr mè màysì, a taaví

Ŋwàʼ woó Rom 9:24

A dzə̀ vèsən wír vee shó. Wù‑uù lì vèsən adzə̀m ji wír və́. A bó wù yòʼ‑oò lì a dzə̀ wír ve dzəə̀n veé Isray cáʼ. Wù‑uù lì sá ve bó yòʼ dzəə̀n veé Isray.

Lim Aŋgàa Ntum 15:17

Wír ve bó yòʼ dzəə̀n veé Judàa wíy yen, e nèn a tàʼ sa Nyùy Tàr. A kù wíy a tàʼ wír ve m liìn ji vém adzə̀m.

Obadia 1:21

A vé saʼa kù wíy a koʼ e Gwan Sion, é wír veé Gwan Esavi kú a yu sáʼ a dzə̀ fó fo, é vifon vi wáa dzə vé Nyùy Tàr.

Ŋwàʼ woó Rom 11:5

Kù dzə̀ réŋréŋ mo Nyùy kér sa ámóʼó vee wír fo veé Israyí mvəm é ghan see lèn sìn. A dzə̀ wír ve wù‑uù shoʼon ji və́ mo wù‑uù rərin mendzən fo fo, e bùʼ.

Kèʼlo 4:26

Set nen wìy kòóy wán lumèn, e shù yír ji Enosh. Dzə̀ ghán sin se wíri‑iì kèʼèn, a cù Nyùy, a yòŋ yír Nyùy Tàr.

Amos 9:8

Vèn wáa kiíy jii, mo woo Nyùy Tàr woo Taà Ndzə, m kíy woŋ wón, woŋ, a dzə̀ wó vinyò ve bi ví, kíy feyì, a m yíi laàr fo kitu ke nsay. Yii bèy, a bó m yòʼ yíi səʼsí rám Jakov rə̀n e dzə̀m. Suuy mo woo Nyùy Tàr.