Biblia Todo Logo
Bib sou entènèt

- Piblisite -




Joel 2:31 - ŊWÀʼ NYÙY

31 Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Gade chapit la Kopi




Joel 2:31
21 Referans Kwoze  

«Ghán sé ŋgeʼ ye kuʼùn sin si wíy lóo shaà, é shùy ku nèn ndzə̀mén, é la ŋwee yòʼ dzə́ə a ban, é mejiy mè wáa gbùkìr fo yuv, é vifá ve ví sə́ŋnin e yuv ví wáa nyeŋnín vidzə̀m.


«Vèn yuúrí, é bo kishiíy ké Nyùy Tàr ke ghaʼtín ke kí beéme kìy ki wìy a wìy. M wíy tòmbìy tsənsí Elija woo *ŋgaà ntum wom fo věn wùn.


Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.


Kishiíy kin ki wíy lòo gheén, é shùy wùn à ŋwee ndzə́mén, a mejiy mè yòʼ wíy a ban.


Sí lóo wìy, é nsay wáa sə̀ʼ, é yúví wáa yàʼ, é shùy wùn à ŋwee ndzə́mén, é la mejiy mè yòʼ dzə́ə a ban.


«Wíy lòo dzə e ghan see shooy, aá yén visəəm vé vinyò e si shùy, e kfə̀n yèn é ŋwee, e yèn é mejìy. A keé nsay ki wíy a dzə jii, rìbà ndzə̀v wíy a tsəynín, a yòr kitávín, é woŋ símóʼ sí wáa ghaynín ji sà sì laykìr bèn a.


Nyùy Tàr suuy jii: «Rúrú, wíy lòo dzə e ghan see shooy, é m siir vikuʼùy vé wìr veé Juda fo, à vé Jerusalem vi.


Yiì lòo dzə e ntìntìn shùy, woŋe sàsìn, e sə̀n e dzə̀m, e meé shúy sitaár.


A shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Tàr ke ghaʼán kí gheén.


Nshìylav Nyùy ye yì meen ji kweè tóŋ rə́ yee sóŋ. Sí shùyi ku nèn jàv mbìv sitaár, mbìv yee mòʼón bìnkìr, a sən sənén. Ŋwee wùn à mejiy mè kú a sən réŋréŋ sá bèy, la kifá ki yòʼ dzə́ə a ran e yuv fó ghan símóʼ sí gheéy. Wáa dzə ji á jav kishiíy, e kfə̀n jàv vitsə́ʼ virə́ʼ vitaár, bo kirə́ʼ kee kimòʼón ki sə́n sənén.


Nsay kù yíi a dìy, é yúví wáa sən sənén. M sùúy ne bèn, a bó yòʼ dzə̀ kí kfə̀n kùvsín. M wày wáyín féyì, a bó yòʼ dzə̀ m kfə̀n lèéy bám.»


M wíy laàr wò, e sùm yúv, é la mejiy mè yòʼ a ban. M wíy sùm shúy e mbàʼ, e yiì, é la ŋwee yòʼ a ban.


Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.


Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.


Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.


Kishiíy kee shooy ki wíy a dzə, é la ráne yòʼ a dzə, a bó kidzə́r kí yòʼ wíy a dzə, e bóo lì kintòn.


Swiv nou:

Piblisite


Piblisite