Joel 2:30 - ŊWÀʼ NYÙY

³⁰ M wíy dìn visəəm ve ghaʼtín ví é yuv, e kfə̀n dìn e nsay. Mensə́ wùn à və́yí, a kindzə́ʼ ke ghaʼtín kí wíy a dzə.

Joel 2:30 Referans Kwoze

Ŋwàʼ Luk 21:11

Vinyo ve tavkín ví wíy a koóy e virə̌ʼ virə̀ʼ. Nsay wíy a sə̀ʼ kitávín, jìŋ wíy a koo, é kifə̀ʼ ki kfə́n a teè wíri. Vinyo ve beemen ví wíy a koóy e yuv, a dìn visəəm vé vinyò ve tavkín ví.

Matio 24:29

«Ghán sé ŋgeʼ ye kuʼùn sin si wíy lóo shaà, é shùy ku nèn ndzə̀mén, é la ŋwee yòʼ dzə́ə a ban, é mejiy mè wáa gbùkìr fo yuv, é vifá ve ví sə́ŋnin e yuv ví wáa nyeŋnín vidzə̀m.

Atǎr Nsaʼ 20:40

Yii bèy, kindzə́ʼ ki nèn lò, e kèʼ, a koʼ fo ŋkàlaʼ moo kikfə́m ke mbàʼ, áwune bínkír, e lèéy bám wóv, e yèn rúrú, a kindzə́ʼ ki súm ne ŋkàlaʼ yev, a koʼ e yuv.

Ŋgaà Yen 18:9

Və́yí wíy koo e Babilon, afon veé nsayi maʼ sí, yén mo kindzə́ʼ ki dzəm fo fo, aá wáa dìy, a shèŋ vitú. A dzə̀ áwune ve vé‑eè wiy, a wùn áwune yí woŋ, buʼtì vinyo.

Kèʼlo 19:28

Wù máʼ sí, e lèéy mbìv Sodom wùn Gomorra, e lèéy mboʼ yee fó e dzə̀m, e yèn a kindzə́ʼ ki dzəm fo fo mo á tòn kincaàrì e kifir.

Ŋgaà Yen 18:18

Á wíy yen mo kindzə́ʼ ki kóʼ fo ŋkàlaʼ fèy, aá wáa toŋ, a dìynìn jii, «Mfìʼ ŋkàlaʼ ye ghaʼán yee moo rə̀n dzəə́ wìy a dzə fèé?»

Yòv Viŋgér 3:6

Yímóy, kóʼ ka fó wòŋ woʼó? Kóʼ moo kikfə́m ke kindzəʼ, rəm, rəʼtìn moo kiláy kee *mer, à kee *frankinsen ki. Rəm bèn rəʼtìn moo pavda wónlě way.

Atǎr Nsaʼ 20:38

Aáwune ve vé‑eè lìrìn é kighìne kì sìysì ne kisəəm kév ké rər wùn à kùʼùn wìr vév jii, aáwune yiì lòo sìn, a kindzə́ʼ ki súm ne ŋkàlaʼ, a koʼ e yuv,

Joshua 8:20

Vilum veé Ayi lòo màʼ sí e bàm, e yèn, a kindzə́ʼ ki dzəm, kóʼ fo ŋkàlaʼ, shúu yúm áwune, vitaáví vév ví máy. Á nèn lò mèŋ fó a nyeŋ, a dù, bìʼ fo wír veé Isray ve vé‑eè léʼ, du e woʼó‑oò bìnkìn ne, e kìʼ áwune.

Ŋgaà Yen 8:7

Ye mbìy tóŋ rə́ yee sóŋ, nèn a gbù mentíy wùn à və́yí é kitu ke nsay, a wú tátí ne wùn à mensə́ mè. Və́yí sə́tí kitú ke nsay kidzə̀m. Vifá vi lóo dzə vitaár, kee kimòʼón ki shwì. Vicí ví shwí sá bèy, vikwiíy ví nèn shwì kfə́ vidzə̀m.

Jeremia 4:28

Nsay kù yíi a dìy, é yúví wáa sən sənén. M sùúy ne bèn, a bó yòʼ dzə̀ kí kfə̀n kùvsín. M wày wáyín féyì, a bó yòʼ dzə̀ m kfə̀n lèéy bám.»

Sekariya 14:6

Kishiíy kee shooy ki wíy a dzə, é la ráne yòʼ a dzə, a bó kidzə́r kí yòʼ wíy a dzə, e bóo lì kintòn.