Joel 2:28 - ŊWÀʼ NYÙY

²⁸ Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Joel 2:28 Referans Kwoze

Esiker 39:29

M wíy way Kiyoy kém e wír veé Israyí wùn, e làa yòʼ dzə́ə wìy bìn ndzə̀m aáwune féyì. Suuy Nyùy Tàr woo Taà Ndzə.»

Lim Aŋgàa Ntum 2:39

Nyùy‑iì lo kàʼ vèn à wón véné é kinyò fèn, e kfə̀n kàʼ sa vitúm ve ví yòʼ sí kiiy wun vidzə̀m. Ŋkàʼmé woo shoon dzə̀ fo wíri adzə̀m ve Nyùy Tàr woo Nyùy wòsən jaŋ ji á wiy, e yèn wun.»

Aysaya 32:15

Kí wíy a dzə bèy, e dù, e meé mo Nyùy Tàr wíy tsənsí Kiyoy kfə́ e vèsən. Wù tsə́nsi, é kirə́ʼ ké woʼ kí kfə́n lèn ji súm, é súm sí rəŋsin, a dzə ji kóv.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Sekariya 12:10

«M wíy yiì, é rám Davir wùn à wír veé Jerusaleme wáa ker shilív she bór shi, a rə̀m vitú vév. Kí wíy yiì, áwune lóo leéy mo wo vé‑eè sòvìn, aá wáa dìy, a dìy, mo dìy wír wo jòʼsho wan və shèsìn, a dìy, moo wír wo wan və mbìy shèsìn.

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Ŋwàʼ Luk 3:6

é wìr dzə̀m nèn wìy yèn mo Nyùy luŋèr wíri.› »

Galatia 3:28

A bó wìr wùmòʼ yòʼ dzə̀ə́ jeéy ji woó Juda kìn wir kitum. A bó wùmòʼ yòʼ dzə̀ə́ ji kwàn, bo wùmòʼ wáa dzə ji wan wòŋ. A bó á yòʼ fə̀m dzəə́ leey wùmòʼ ji lumèn kìn wiíy. Áwune tàtí ne adzə̀m wùn à Jesus Kristu, e nèn a dzə kifá kimòʼón.

Aysaya 40:5

Á bèy, é wíri nèn yèn vitaáví vé Nyùy Tàr. Wìr dzə̀m wíy yen, a ŋgaàŋ fə̀m soò fèé. Á mo Nyùy Tàr suuyin ji kí wíy a dzə.»

Kintaŋ 12:6

Wù suúy jii, «Vèn yuúrí kijuŋ. *Ŋgaà ntum wom yii lóo dzə e věn mvəm, m wàa dìn kitú kém shó e njà vinjeenjèm, e kfə̀n a suŋnín sho e njèm.

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Lim Aŋgàa Ntum 21:9

Wù‑uù kér wón vee vikìy akweè, a bó á yòʼ sí kér alúm. Áwune lo, á wàa tiisí vinyo ve á yú fo Nyùy.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Aysaya 54:13

Mómò woo Nyùy Tàr, m wíy yeʼéy wír ve á dzə́ e wò ŋkàlaʼ adzə̀m. Áwune wíy a dzə dzə́ yee nyaáŋ, a ker kifá kidzə̀m ke á kér shií shó.

Ŋwàʼ Luk 1:67

Kiyoy ke Ranén kí nèn lò, e rùn e Sekariya woo tàr à wan və̀n shiliv, wù wáa yu vinyo fo Nyùy, a tiisí jii:

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Kintaŋ 11:17

M yíi səʼə́y fo, e suŋnín wòsò, e fàr kiyoy ke kí bee e wò wùn, e fo mbìv yìmòʼ aáwune, aá fíʼ a sə wò, é vèn áwune wáa beʼ kibeʼèy ke dzəə̀n wíri kin, é la à yòʼ dzə́ə a beʼ vèn mòʼón.

1 Samuel 19:20

e nèn tsə̀nsí wíri ji á du, e koò á Davir. Á dù, e yèn, a ŋgoo aŋgàa ntum Nyùyi yov, táŋ Nyùy, a Samuel dzə̀ kilìmbìy kév. Kiyoy ke Nyùy ki nèn wìy sa fo wír Sauli, áwune nèn a yòv sa, a taŋ Nyùy.

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

Aysaya 49:26

M kér fó wìy yiì, é wír ve á nəʼsì vené kfə́r jáv yev wùn, e yiì, aá nó mensə́ mev, a tùŋkìr mo á nò a dzə̀ meluʼ. Á bèy, é wìr msòŋ e dzə̀m nèn kìíy ji mo woo Nyùy Tàr dzə̀ á Ŋgaà Lùŋèr won, mo woo Ŋgaà wo Ghaʼán wo Jakov ghvə́mé, a kù boyìr wun ven.»

Jeremia 23:25

«M yù ne kinyo ke aŋgàa ntum ve á bóʼti kimboʼtì e mǒ yirí suuyì. Á suuy ji m súŋnin aáwune a dzə̀ á e njèm.

Esiker 36:27

M wíy fo kiyoy kém e vèn, e yiì, é vèn wáa yu sáʼ yém, a tiír kiwuú mo yí dzəə̀n, e bó a yiì kinyo ke m tínen kidzə̀m.

Esiker 37:14

Feyì feyì, m wáy kiyoy kém e věn wùn, vèn lóo dzə atin, m lóo siìr ven e věn wòŋ, é vèn nèn kìíy ji mo woo Nyùy Tàr, m yòŋ a ne, e yiì.› Suuy mo woo Nyùy Tàr.»

Daniel 7:1

Wáa dzə e kiya ke mbìy ke Belshasar‑iì sáʼ ji fon woó Babilon, Daniel neém e wun kikun, e lòo buuné, njèm shí wun, kilìtì ke kinyò ki wíy e wun si e njà kinjeenjèm. Á bèy, vitú ve vinyò ve Daniel‑iì saŋen, e naàrì kùm njèm rə̀n vi víne.

1 Samuel 19:21

Saul yú, e kfə̀n tsə̀nsí ámóʼ vee wíri, á dú, e nèn kù a yòv, a taŋ Nyùy. Wù kfən tùm wír fo akàŋ vee ataár, kí ku kòóy áwune réŋréŋ bey.