Joel 2:27 - ŊWÀʼ NYÙY

²⁷ Á bèy, wìr veé Isray, é vèn nèn kìíy ji m dzə̀ á vèsən, e kfə̀n kìíy ji m dzə̀ Nyùy Tàr woo Nyùy won, a wùmòʼ yòʼ kfə̀n dzə̀. Bó wíri yòʼ dzəə́ wìy a shoór wír vém.»

Joel 2:27 Referans Kwoze

Tsəfaniya 3:17

Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,

Aysaya 45:5

Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo. Nyùy wùmòʼ yòʼ kfə̀n dzə̀, e shaà mo. Fə̀m mo à yòʼ‑oò lo kìíy mo, m kù távir wò távírín,

Joel 3:17

«Á bèy, é ven vee wír veé Israyi nèn kìíy ji m dzə̀ á Nyùy Tàr woo Nyùy won, a m dzə́ e Sion fo m shavin ji gwan wom wo ranén. Jerusalem wíy a dzə kirə́ʼ ke ranén kí, a bó vitúm vi yòʼ dzəə́ wìy nəə́ fo, e tòn áwune.

Esiker 39:28

Á bèy, é wír vémé nèn kìíy ji m dzə̀ á Nyùy Tàr woo Nyùy wov. A kí dzə̀ jii, yì‑iì tsə̀nsí mo áwune é kwaʼ nsàm, e vitúm ví mvəm, ku kfə̀n bàʼtí mo áwune, e kfə̀n shó aáwuné nsay, é la wùmòʼ yòʼ gòʼ e vitum gheéy.

Joel 2:26

Ké lèn ki, m lo, e fo ven vifá ve yi nyanyày, ve ví gheén ven. Vèn wáa sheʼrí Nyùy Tàr woo Nyùy won, wo wù yiìn viŋgaʼnìn ve vinyò e vèn. Bó wíri yòʼ dzəə́ wìy a shoór wír vém, a fə̀m dzə̀ é ghàn ka.

Nsùyrì Nyùy 46:5

Nyùy dzə́ e ŋkàlaʼ fèn, a bó yòʼ dzə̀ á laàr. Ndzə ráné, Nyùy kù sə̀ ŋkàlaʼ rə̀n, yì bòy.

Remrí 23:14

Vèn kú a yiì bèy, bìʼ fo Nyùy won yii ghán e věn kilaʼáy ji wun wáa sə ven, a way aŋgàa vibàn vén e věn kiwo. Bo dzə̀ ji vèn kú a lèm kiláʼáy kén kiránén fo wù yén kifá ke kifàn kí e věn mvəm, e bìn ndzə̀m e vèn.»

Aysaya 12:6

Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»

Ŋgaà Yen 21:3

M yú, a jì yìmòʼ súŋnin fo lum kàvàʼ kitávín, suuy jii, «Á yén ri lèn, Nyùy sí dzə́ wùn à wíri. Wù wíy a shiíy wùn áwune, aáwune wáa dzə wír və́. Wúnwun woo Nyùy kù sí wìy a dzə wùn áwune.

1 Pita 2:6

Vé‑eè lo sàŋ é Ŋwàʼ Nyùy jii: «Vèn yú, m neèr tíy é *Sion ji yí tóm kór lav ye m bóm fo. Shòʼ mo, a yí bòŋ fo mò féyì. Wìr wo wù wáy shilív é wùn wó yòʼ wíy jaáy.»

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

Esiker 39:22

Á bèy, é wír veé Israyi nèn kù a kiíy ji m dzə̀ á Nyùy Tàr woo Nyùy wov, e kù kiíy e kèʼ fo kishiíy fóo fèy, a dù duùn fó mbìy.

Aysaya 53:6

Vèsən adzə̀me‑eè dzə́ fo mbìy, ján janén moo njiì wo wù jayin dzə́ə. Vèsən‑eè shwèy ne dzə́ə Nyùy, wìr wáa bìn e rə́ə yee dzə́ə. Yii bèy, Nyùy Tàr lí vinyo vesən ve bi ví vidzə̀m, e siìr e wìr və lìm və̀n kitu.

Aysaya 45:18

Jí sìn si dzə̀ sé Nyùy Tàr. Dzə̀ wun Nyùy wo wù‑uù bomen yúv wùn à nsay. Wù‑uù lì ghán, e bònen nàvtì feyì ji ví fiʼ wìy shìíy. Wù yòʼ‑oò lo bòm nsay ji yì wáa tiy kisáŋ. Wù‑uù bòm ji wíri fíʼ a dzə sho. Kù dzə̀ wun wo wù yoŋ jii, «Dzə̀ mo Nyùy Tàr, a bó Nyùy wùmòʼ yòʼ kfə̀n dzə̀, e shaà mo.

Aysaya 44:8

Wìr vem, lá vèn yòʼ a fàn. Mò‑oò sùúy ne e vèn, e kèʼ fo kèʼ, vinyo vidzə̀m ve ví kù kér fó wìy a koóy, a vèn dzə̀ anjen vém. Á bèy, vèn naari e kibér ke wìr ki. Nyùy wùmòʼ kfə̀n dzə̀ shó, e shaà mo á? Nyùy wùmòʼ kfə̀n dzə̀ shó wo wù kiŋsìn ven, a bó dzə̀ mo á?»

Aysaya 45:6

é wìr dzə̀m fiʼ kìíy ji Nyùy wùmòʼ yòʼ kfə̀n dzə̀, e shaà mo, wìr msòŋ e dzə̀m woo kèʼ fo shùy tó, e meé fo yì nəə. Kù dzə̀ mo Nyùy Tàr, a bó Nyùy wùmòʼ yòʼ kfə̀n dzə̀.

Aysaya 49:23

Afone wíy a lìy wón vén, é vikǐy ntoʼ véví wáa nyoór. Á wíy a gvəʼtí, a tsəm sí fo nsay e věn si, a la kibvər fo věn wuù. Á bèy, é vèn nèn kìíy ji m dzə̀ á Nyùy Tàr, a wír ve á yoy, tiir e mǒ wùné yòʼ wíy woomé.»

Esiker 37:6

M yíi bàʼrì gháŋ e věn vinsəʼ, e way jáv e věn wùn, e yiì, é jùv sə́tí wún. M yii bèy, é m wáy kiyoy e věn wùn, é vèn kfə́n a dzə atin. Á bèy, é vèn nèn kìíy ji m dzə̀ á Nyùy Tàr.› »

Joel 3:21

Á mo m wíy siìr ŋkfə́tir wìr vém ve vé‑eè yuyrin là njò, a bó yòʼ dzə̀ féyì m wìy màʼtì, aá boy fó nsaʼ. Mo woo Nyùy Tàr wíy a dzə e Sion vèr à wír vémé.»

Tsəfaniya 3:11

«Ven veé Jerusalem, wíy lòo dzə e ghan fóo fèy, bó vèn yòʼ dzəə́ wìy a woomé mo vèn‑eè woóme, bìʼ vinyo vidzə̀m ve vèn‑eè yii, sə́ kóy vèsən. M wíy fəə́r wír ve á ŋaʼ, kfə̀n kóʼor wún fo věn mvəm. Vèn yòʼ dzəə́ wìy a gùynìn e mǒ gwan wo ranén.

Kintaŋ 11:29

Mooser bìnèr jii, «Shii wò dzə̀ ka é kinyò ke kí kùmèn a dzə̀ mo? Kì yée fo wáa dzə ji wír Nyùy adzə̀me kì tiísi ntum rə? Wìr ku lì ji Nyùy Tàr kì wày á kiyoy kfə́ e wìr dzə̀m wùn féyì.»

Kintaŋ 23:21

Bó wù yoʼ dìn lòn wúmóʼó e Jakov dzə̀ʼə̀m, a bó wù yoʼ dìn ŋgeʼ símóʼ sí e Isray mvəm. Nyùy Tàr woo Nyùy wov dzə̀ wùn áwune, aá kù ndzə́ʼ wun ji fon wov.

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Aysaya 46:9

Vèn kuúmé vinyo ve mò‑oò yiìn fó yàŋgùʼ ví. Dzə̀ mo Nyùy, a wùmòʼ yòʼ kfə̀n dzə̀. M dzə̀ Nyùy, a wùmòʼ wo dzə̀ á lì, a fìʼsìn vèr wun yòʼ dzə̀.

Esiker 39:29

M wíy way Kiyoy kém e wír veé Israyí wùn, e làa yòʼ dzə́ə wìy bìn ndzə̀m aáwune féyì. Suuy Nyùy Tàr woo Taà Ndzə.»

Sekariya 2:9

Rúrú, Nyùy Tàr wíy nàn kiwó ji wun sí dzəv áwune shó, áàkwàn véví kuúy vév vee vifá. Kí wíy koóy bèy, é vèn nèn kìíy ji tùm á Nyùy Tàr woo Taà Mànjòŋ mo.