Joel 2:26 - ŊWÀʼ NYÙY

²⁶ Ké lèn ki, m lo, e fo ven vifá ve yi nyanyày, ve ví gheén ven. Vèn wáa sheʼrí Nyùy Tàr woo Nyùy won, wo wù yiìn viŋgaʼnìn ve vinyò e vèn. Bó wíri yòʼ dzəə́ wìy a shoór wír vém, a fə̀m dzə̀ é ghàn ka.

Joel 2:26 Referans Kwoze

Ŋwàʼ woó Rom 10:11

A dzə̀ mo vé‑eè saŋen é Ŋwàʼ Nyùy jii, «Wìr dzə̀m wo wù wáy shilív e Nyùy wùn yòʼ wíy jaáy.»

Nsùyrì Nyùy 22:26

Vé ŋgeʼe yíi a yikír, a kur, wír ve á kóʼti e Nyùy Tǎr sii yíi a burí wun. Nyùy ku fò áwune vijuŋ, e dù, e jòʼsì.

Ŋwàʼ woó Rom 5:5

A bó yòʼ dzə̀ kinyo kee shoon ki shaà fó ghaŋ, bìʼ fo Nyùy foon ne kitiír, a dzə̀ Kiyoy ke Ranén kí ke wù wayin e vèsə́n meliv, kí wáa yiì, vèsən wáa kiíy rú mo wù koŋ vèsən.

Remrí 12:7

Kù dzə̀ fó, fo vèn à kfə́ə sén sí wíy a kaarí e Nyùy Tàr woo Nyùy wón si, a yi vifá ve cù, a sàvnìn bìʼ séʼ wo vèn kooyin fo věn lìm mo Nyùy Tàr səə̀vìn ven.

Aysaya 49:23

Afone wíy a lìy wón vén, é vikǐy ntoʼ véví wáa nyoór. Á wíy a gvəʼtí, a tsəm sí fo nsay e věn si, a la kibvər fo věn wuù. Á bèy, é vèn nèn kìíy ji m dzə̀ á Nyùy Tàr, a wír ve á yoy, tiir e mǒ wùné yòʼ wíy woomé.»

Aysaya 45:17

Yii bèy, Nyùy Tàr wíy lùŋèr ven vee wír veé Isray, a luŋèr ye wù wíy lùŋèr vené kù wíy a tiy fo, e dù, e jòʼsì. E wìy dù, e mày, vèn yòʼ wíy a woomé, a bó vèn yòʼ wíy a tùʼtìn.

Cù 26:5

Vèn wíy a kav vifá ve yi nyanyày, lóo kòy vicí ve á fer meluʼ sho, aá kù dzəə́ búʼ vifá ve yi ve á kavin. Lóo way ŋgoòy se vifa, aá kù dzəə́ koy vicí. Vèn wíy a fàmtìn fàmtìn e vifá ve yi vi, a dzə e věn nsay akiŋsìn.

1 Joon 2:28

Wòn vem, vèn ku nèn a suusín vèn à Jesus Kristu bèy, wíy lóo dzə e ghan se wù wiyì, é la vèsən yòʼ a woomé, a tàʼ, e laáy, aá fan a dzə̀ fó yen wun.

Ŋwàʼ woó Rom 9:33

A dzə̀ tíy ye vé‑eè saŋen ji Nyùy suuy a jii: «Vèn yuúrí, m neer tíy é *Sion, a wíri wíy a bàyrìn sho, kilán, a wíri wíy a gbùkìr sho. Yii bèy, wìr wo wù wáy shilív a dzə̀ é wùn wó yòʼ wíy jaáy gheéy.»

Aysaya 54:4

«Lá à yòʼ a fàn, wìr yòʼ kfə̀n dzəə́ wìy yiì kinyo ke à wáa woomé. Lá mbvəərì yòʼ fəə̀ e věn mvəm, bìʼ fo wìr yòʼ dzəə̀n shó wo wù wíy yiì, áà wáa woomé. À wíy làysìn vinyo ve nshoórmé ve wò‑oò yii, aà dzə̀ə́ wánlè ŋgòn. À wíy làysìn shéʼ ye vé‑eè shéʼ wò, aà dzə̀ é kwaʼ kimfəə, shéʼé, kù moo ji à sì wiiy ŋkfə woo là ŋgaà benben.

Aysaya 25:1

Éè Nyùy Tàr, à dzə̀ Nyùy wom, a m yíi a wùʼsì wò, a koʼór yír yé, bìʼ fo à yiìn ne viŋgaʼnìn ve vinyò. Vinyo, a dzə̀ ve wò‑oò sìysìn ne, e kèʼ fo yàŋgùʼ, e kù nèn yiì kíwun réŋréŋ mo wò‑oò suuyin.

Sekariya 9:17

Ábáy, kfə́ə vijùŋ vee ben vi wíy a dzə veé le? Wónlě nsùme wíy a bòʼrì bòʼrìn, a dzə̀ viyíkìr, é meluʼ me ŋkèrvin mè yii, é wónlě ŋgòne wáa fòʼ fòʼòn.

Sekariya 9:15

Nyùy Tàr woo Taà Mànjòŋ wíy a kìŋsìn áwune, aá wáa nyèŋrì aŋgàa vibàn vév ve á rəŋ kiŋkoʼ. Á kù wíy a nyèŋrì, a kò mo wìr nò meluʼ, e kùr, e kùr ben mo mè rùn é kighin, a jiíy mo mensə́ mè jìíy fo kor se kiy cù.

Tsəfaniya 3:11

«Ven veé Jerusalem, wíy lòo dzə e ghan fóo fèy, bó vèn yòʼ dzəə́ wìy a woomé mo vèn‑eè woóme, bìʼ vinyo vidzə̀m ve vèn‑eè yii, sə́ kóy vèsən. M wíy fəə́r wír ve á ŋaʼ, kfə̀n kóʼor wún fo věn mvəm. Vèn yòʼ dzəə́ wìy a gùynìn e mǒ gwan wo ranén.

Aysaya 29:22

Bìʼ bey, Nyùy Tàr wo wù‑uù bòyìrìn Abraham wáa suúy kùm wír veé Isray jii: «Rám Jakovi yòʼ dzəə́ wìy a woomé, a bó áwune yòʼ dzəə́ wìy a fàn e dzəə ye wìr kpú, e rə̀.

Kèʼlo 33:11

M lón wò lónén ji à ku sə̀ á fómo wo m wìyìn shó ji wo və̀n, é wó yesòo tárnín. Ku sə̀, bìʼ fo Nyùy kòŋèn ne mo, e bùʼ e kéŋé é ŋàáŋàŋ. Jakov ku cìʼtí Esav bèy, wù sə́ fómo və və̀y.»

1 Timoti 6:17

M nén kfə̀n a suúy e wò jii, à kú a tir wír ve á kér bùʼ a dzə̀ woó ndzə fèn a ji lá á yòʼ a koʼór wún, a tiír vifií a dzə̀ é bùʼ foo fèy, bìʼ fo bó yòʼ dzə̀ á kìíy ghán se wù mayì. Áwune wáa tiír vifií a dzə̀ e Nyùy wùn. Fó wun vifá vidzə̀m, a wù fó nyanyày feyì ji vèsən wáa yu vijuŋ fo fo.

Aysaya 55:2

Yiì ka, é bo vèn wáa tòn mbàm e vifa, a bó ví yòʼ kúr bvəm? Vèn ghàn é le, e bóo ndzə̀ʼnìn, e kav mbàm, e lì, a yun vifá sho, a bó yòʼ dzə̀ ví sə̀ ven? Vèn yuúrí kinyo ke m suuy ki, é m din fo a dzə̀ vèn kòóy vifá ve yi ve juŋ vi. Vifá ve yi, a vèn ló yi, e yu búʼ.

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Ŋgàn 13:25

Wìr lóo yu Nyùy, wù wàa yikír, a kur. Wìr méŋ Nyùy, wù kpù jíŋ.

Nsùyrì Nyùy 116:7

Éè shilìv shem, rə̀sìne, bìʼ fo Nyùy Tàr géʼsin e wò, e ŋàŋ.

Nsùyrì Nyùy 103:5

Wù nə́ʼsin mo e vifá ve juŋ vi, kù mo m dzə́ sho e tin, a m goʼ e wánwan, táv moo lùŋ wo wiy.

Nsùyrì Nyùy 72:18

Búríi wáa dzə fo Nyùy Tàr woo Nyùy wìr veé Isray. Jòʼsì wun wo wù yii viŋgaʼnìn ve vinyò.

Nsùyrì Nyùy 37:19

Ghán sí fə̀m bírí, la áwune yòʼ a dzə e kighiy. Jìŋ koó, áwune kù a ker viyíkìr nyanyày.

Nsùyrì Nyùy 13:6

M yíi a yòv luŋ si, a sùyrì wò, Nyùy Tàr, a yòv, a sùyrì, bìʼ fo à géʼsin e mò kijuŋ.

Nehemia 9:25

Áwune nèn faàsì ŋkà se laʼ se á bomen kay e kaàrí sho, e faàsì nsay, a kù‑uù dzə̀ ye juŋ, e nèn yòv lav se vifá ve juŋ vidzə̀m vi‑iì runen shó, e nèn yòv sa bií sé ndzəv se buʼùn sí, à súm sé vitiír vé *vayin si, à vicí vé *oliv vi, e bóo lì kfəə́ se vici sigháʼán, a ví koom jeéy jeéy. Áwune bòn vifá vìn e wùn, a dzə bèn arúnkín. Áwune‑eè lo yù vijuŋ e vifa ve wò‑oò foon aáwune.

Remrí 12:18

Vèn kù wíy a yi vifá vee shooy a dzə̀ e Nyùy Tàr woo Nyùy wón si, e kirə̀ʼ ke Nyùy Tàr woo Nyùy won wíy shoʼ ji á wáa cù wun fo. Wíy a yi vèn à wón vén vee vilume, à vee vikìyí, aàkwàn vén vee vilume, à vee vikìyí, à wír veé ram Levi ve á dzə́ e věn ŋkà se laʼa. Vèn kù wíy a yi fo, a sàvnìn e Nyùy Tàr woo Nyùy wón si bìʼ séʼ wo vèn kooyin fo věn lìm si.

Remrí 12:12

Vèn wíy a sàvnìn e Nyùy Tàr woo Nyùy wón si, vèn à wón vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. Vèn kú a kuumé ji rám Levìi yòʼ wíy a ker a vitsə́ʼ e věn mvəm.

Remrí 8:10

Vèn wíy a yikír, é bvə́me wáa kur, é vèn nèn a wùʼsì Nyùy Tàr woo Nyùy won, bìʼ nsay ye juŋ ye wù foon e vèn.»

Cù 26:26

M yíi shèr dzə́ə yen viyikìr. Kibán ke vikìy kì yíi a fèr lav e ghvə̀m, kí yíi kfən ji kee lav e mòʼón cáʼ, aá wáa ŋèvtì ŋèvtìn, a yi, e kù a shwaa shwaán.

Mayka 6:14

Vèn yíi a yikír, e làa yòʼ a yu. Jìŋ kù yíi a kom vitó vén komén. Vèn wíy a kav vifá, a dù, a lèm, a bó ví yòʼ wíy a tiytíy. Kifá kidzə̀m ke vèn kavin, e lèm e kitàv, é m tsə́nsí rə́r e vèn aŋgaà vén vibàné nsàn, aá laar.

Remrí 11:15

Wù kfə̀n wíy yiì, é jíyí wáa tèʼ e kwaʼ, é nyám sén sí wáa yi, é vèn wáa yikír, a kur.

Nsùyrì Nyùy 67:5

Rúrú, Nyùy, wìr msòŋ e dzə̀m kú a burí wò. Wír veé kitu ke nsay adzə̀me kú a burí wò.

Cù 25:19

Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.