Joel 2:24 - ŊWÀʼ NYÙY

²⁴ Sáŋé yíi a dzə e riimé se á búʼ sho nyanyày. Meluʼ mè yíi runkír e bii se á kám sho, é meŋgvə́r mè rúnkír é bii se á nyeŋ sho.

Joel 2:24 Referans Kwoze

Malakay 3:10

«Vèn wiy e nsùʼ wo a kì dzə̀ vèn wìy shó e dzə̀m, e lèm e mǒ kitàv. Nsùʼ woo ji á jav kifá ke á keŋen kirə́ʼ e ghvə̀m, e fò kee kimòʼón e Nyùy. Vèn wiy shó, é viyíkìr vi fíʼ a dzə e mǒ lav. Mo woo Nyùy Tàr woo Taà Mànjòŋ suuy jii, ‹Vèn ku mùm mo, e wìy e nsùʼ və̀n, e yèn mo m lo, e mvə̀ʼ shúu yuv, e cuùrì kisəəvì, é kí kuʼ, é vèn búŋ vitáv vé a lèm sho.

Amos 9:13

Nyùy Tàr suuy jii, «Ghán sí sí wiyì, a kù sì se vifá ve á wayin é sum ví lo, e biy cércér, e biy, e kùʼnìn, e ghaʼ vé kavi. Báŋ se *vayin si wíy kùʼnìn, e ghaʼ ŋgaà nyèŋ fo wù nyeŋ. Meluʼ me nyomèn mè wíy a shem fo vitiír vé vayin ve á bìyìn áàgwan, a shem, a leŋ, a səy fo aŋkoŋ.

Joel 3:18

Wíy lòo dzə e kishiíy fóo fèy, é meluʼ me nyomèn mè wáa shem fo virùmèn, é vín nàʼa wáa leŋ, a səy fo agwan. Ndzə́v seé wòŋ woo Juda si wíy runkír sidzə̀m. Ndzə́ví wíy a mee fo Nyùy Tǎr lav, a leŋ, a dù, a borír Kiwoóy ké Shittim.

Joel 3:13

Sáŋé bìy ne. Vèn tsə́nsí vé tine, aá du, e tìn. Tútúʼ rùn ne e bií melùʼ. Vèn nəə́, e nyèŋ, é meluʼ mè fəə́ fó fo. Vinyo ve vitúm vi buʼtì vi kùʼ ne e ŋàŋ. Á kù yíi nyèŋrì áwune é mfòn, mo á nyèŋ meluʼ, mbìʼ sí rúnkír, a fəə.»

Cù 26:10

Vèn wíy a yi vifá ve yi ve mvə ví, é ví wáa shaàrì, é vèn wáa tsə̀ʼ tsə̀ʼə̀n, e bó a ker kilíŋ ké a lèm ve fíy vi shó.

Cù 25:19

Vèn wíy a dzə fo là kindzə́m, é nsay wáa fəə́r vifá ve yi, é vèn wáa yi, a kur, é ví wáa tsəə̀tìn.

Esiker 36:8

Yii bèy, agwan veé Israyi kfə̀n wíy tokír, e fətí tám si, é sí koóm, a yiír ven veé Isray vee wír vém. Kí dzə̀ jii, vèn kù‑úù lo, e kfə̀n é bàm e věn wòŋ.