Joel 2:21 - ŊWÀʼ NYÙY

²¹ Éè nsay, lá à yòʼ dzə́ə a dìy. Kú a yu vijuŋ vi lèn, a sheʼrí, Nyùy Tàr yiì ne kinyo ke ghaʼtín kí.

Joel 2:21 Referans Kwoze

Aysaya 54:4

«Lá à yòʼ a fàn, wìr yòʼ kfə̀n dzəə́ wìy yiì kinyo ke à wáa woomé. Lá mbvəərì yòʼ fəə̀ e věn mvəm, bìʼ fo wìr yòʼ dzəə̀n shó wo wù wíy yiì, áà wáa woomé. À wíy làysìn vinyo ve nshoórmé ve wò‑oò yii, aà dzə̀ə́ wánlè ŋgòn. À wíy làysìn shéʼ ye vé‑eè shéʼ wò, aà dzə̀ é kwaʼ kimfəə, shéʼé, kù moo ji à sì wiiy ŋkfə woo là ŋgaà benben.

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Aysaya 35:1

Wóʼó wíy a yu vijuŋ, é nsay ye yì yúm yumén wáa yu sa. Nsay ŋgaŋ wíy a sàvnìn, é vikwiíy ví wáa kuy fo, a bòʼrì.

1 Samuel 12:16

Lèn və̀n, vèn tiím fo vèn tíyí, a leéy kiŋgaʼnìn ke kinyò ke Nyùy Tàr lo, e yiì e věn si ki.

Sekariya 8:15

E ghan sin, kù dzə̀ mo m wayin ne ŋàŋ ji m wíy a səə̀vì a wír veé Jerusalem, a səə̀vì veé Juda. Á bèy, lá vèn yòʼ a fàn.

Joel 2:20

M yíi jùm mànjòŋ vé rərí wo wù nəən ven fó mbìv yee fó kùy. M yíi fəə́r ŋguùmé fo věn nsay, e jùm, é símóʼ sí du é kirə̀ʼ ké woʼ kí, e kpùkír fo. M yíi jùm ŋgoo yee fó mbìy, é yì du, e gbù e Ndzə́v Shiŋgwaŋ, e jùm ŋgoo yee fó bàm, é yì du, e gbù e Rìbà Ndzə̀v woo Mediteranean. Dzə̀ fó, fo dzə́n sév sí wíy a neŋnín, a shàŋ. Rúrú, m yíi laàr mànjòŋ və̀n bìʼ rə́mrə́m kinyò ke á yiìn.»

1 Samuel 12:24

Vèn kú a fàn a dzə̀ Nyùy Tàr, a lim fo wun kijuujùŋ vèn à shilív shén shí shidzə̀m. Vèn kuúmé vinyo ve ghaʼtín ví ve wù yiìn e vèn.

Remrí 4:32

«Vèn kuúmé ó ghán seé yàŋgùʼ sí, mo kí‑iì dzəə̀n, é bo á wìy a dzəə́ ven, e kèʼ fo ghan se Nyùy‑iì bomen wír e kitu ke nsay. Vèn tar ndzə e dzə̀m, e yèn ó ji kiŋgaʼnìn ke kinyò kímóʼ kí sà‑aà yiì ne kòóy moo kin a, kìn ji wìr sà‑aà yiì ne yù kfə́ə kinyò kee ben a?

Nsùyrì Nyùy 98:8

Ndzə́ví wáa liynín, a fo kiléŋléŋ ké wo ye kwaʼáné, áàgwane wáa yiì mo yov wíri luŋ e kintatì wùn à kishéʼrì ki.

Kèʼlo 15:1

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí Nyùy Tàr, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

Hosea 2:21

«Kishiíy kin ki wíy gheén, é m yú bunrì kifa kidzə̀m. M wíy yu yé yuv, e fəə́r mbàʼ, é yúví yú yé nsay, e tsə̀nsí wuú.

Aysaya 44:23

Yúví wáa kooné yòv, bìʼ fo Nyùy Tàr yiìn ne kinyo ke ghaʼán kí. Nsay wáa ndzəʼ, à loònsay sho, áàgwane wáa yòv, é kicí kimòʼón kimòʼón ki wáa yòv e kòv. Kí dzə̀ jii, Nyùy Tàr tìn ne rám Jakov fo vikwàn. Á kù wíy a burí Nyùy, bìʼ vinyo ve ghaʼtín ve wù yii e wír və́ veé Israyi.

Aysaya 55:12

Rúrú, vèn wíy a lò fo kwaʼ vikwàn é Babilon e kishéʼrì ki. Nyùy wíy a dànèr ven ji nyaáŋ, a kìŋsìn ven. Vèn wíy lòo nəə́ woŋ, áàgwane wáa sèv sèvìn moo wír, a fuŋ yòv, é vicí ví wáa sheʼrí, a kwaʼ wó.

Nsùyrì Nyùy 71:19

Vinyo vé ve juŋ vi dzə̀, a ví yénsinè. Ví yénsinè, du, mee e ntoò yùv. À yiì ne viŋgaʼnìn ve vinyò. Feyì feyì, Nyùy, dzə̀ la moo wò?

Joel 2:26

Ké lèn ki, m lo, e fo ven vifá ve yi nyanyày, ve ví gheén ven. Vèn wáa sheʼrí Nyùy Tàr woo Nyùy won, wo wù yiìn viŋgaʼnìn ve vinyò e vèn. Bó wíri yòʼ dzəə́ wìy a shoór wír vém, a fə̀m dzə̀ é ghàn ka.