Joel 2:20 - ŊWÀʼ NYÙY

²⁰ M yíi jùm mànjòŋ vé rərí wo wù nəən ven fó mbìv yee fó kùy. M yíi fəə́r ŋguùmé fo věn nsay, e jùm, é símóʼ sí du é kirə̀ʼ ké woʼ kí, e kpùkír fo. M yíi jùm ŋgoo yee fó mbìy, é yì du, e gbù e Ndzə́v Shiŋgwaŋ, e jùm ŋgoo yee fó bàm, é yì du, e gbù e Rìbà Ndzə̀v woo Mediteranean. Dzə̀ fó, fo dzə́n sév sí wíy a neŋnín, a shàŋ. Rúrú, m yíi laàr mànjòŋ və̀n bìʼ rə́mrə́m kinyò ke á yiìn.»

Joel 2:20 Referans Kwoze

Sekariya 14:8

Wíy lòo dzə e kishiíy fóo fèy, é ntòŋ ndzə̀v ye yì fəə́ ghán sidzə̀m wáa leŋ fo Jerusalem. Nshwàn wúmóʼó wíy a leŋ, a dù e Ndzə́v Shiŋgwaŋe, e mbìv yee fo shùy yii tó, é wúmóʼó wáa leŋ, a dù e Rìbà Ndzə̀v woo Mediteranean, e mbìv yee fo shùy yii nəə. Yí kù wíy a leŋ bèy e bìŋ, a leŋ e lùm.

Amos 4:10

«Mò‑oò yiì, kifə̀ʼ ki nəə́ ven mo kí‑iì nəən wír veé Ejiv. Mò‑oò yùyrí wónlě nsùm vén e rə́r sí, e tàtí, e yùyrí wùn à nyám se ŋkoʼ se áwune‑eè koorin fó shùu rər sí. Mò‑oò yiì, kiyúy ké dzən sé wìr ki wáa nəə́ e věn yuy. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Aysaya 34:3

Á wíy màʼrì dzə́n sév, é sí wáa neŋnín fo nsay. Dzə́n sév sí wíy a koʼór kishaŋ, é kí sə́ fó e dzə̀m, é mensə́ mev mè wáa sù agwan súun.

Remrí 11:24

Kirə́ʼ kidzə̀m ke vèn tiirin kiwuú shó ki wíy a dzə kén. Woŋ wóné wíy kèʼ fo woʼ, fo mbìv yee tsə́n, e dù, e bàʼ aàgwan veé Lebanon, e mbìv yee kuy, e kfə̀n kèʼ fo ndzəv yee Yufret, e mbìv yee fo shùy yii tó, e dù, e bàʼ e Rìbà Ndzə̀v woo Mediteranean, e mbìv yee fo shùy yii nəə.

Esiker 47:18

«E mbìv ntoshùy, é bìíy keʼ fó Haser‑Enon, e nsàn Hauran wùn à Damaskus, e gwàm e wǔn ndzəv yee Jordan, e nsàn Gilead wùn à nsay Isray, e nèn shaà, e gwàm e wǔn Ndzə́v Shiŋgwaŋ, e sə̀y é mbìv yee tsə́n, e dù, e bàʼ e mvə̀mlaʼ yee Tamar. Á bìíy wòŋ e mbìv ntoshùy.

Ŋwàʼ Fəə 10:19

Nyùy Tàr bìnèr kinsəm, kí wìy fo mbìv yee fo shùy yii nəə, e kùúy ŋguùmé siy, e fèér, e dù, e sə̀n é Rìbà Ndzə̀v wo Baar, la ŋgay ŋguùmé yòʼ bèr é wòŋ Ejiv.

2 Afòn 8:13

Hasael dzə́r jii, «A dzə̀ wánlè wò, wo dzəə̀n kiŋgà ké jwi fo kiŋgà ké jwi, wù ghàn é le, e bó a yiì vinyo ve ghaʼtín vin?» Elisha bìnèr jii, «Nyùy Tàr dìn ne e mò ji à wíy a dzə a fon woó Siiria.»

Ŋwàʼ Fəə 8:14

Á báʼtí é vikfər vikfər, fóo wáa shàŋ shàŋèn.

Nsùyrì Nyùy 126:3

Rúrú, Nyùy Tàr yiì ne viŋgaʼnìn ve vinyò e vèr, vèr wáa sheʼrí viŋgaʼnìn və́ vé vinyò vee shooy.

Malakay 3:11

M wíy yiì, é la vibáy vi yòʼ a kòr vifá ve vèn wayin, e yiì, é vitiír vén vé *vayin vi kfə́n a koóm kijuŋ.› Suuy mo woo Nyùy Tàr woo Taà Mànjòŋ.