Joel 2:19 - ŊWÀʼ NYÙY

¹⁹ Nyùy Tàr wáa bìnèr kinyo ke wìr və́, a suúy aáwune jii, «Ké lèn ki, m lo, e tsənsí vifá ve yi, à meluʼ mè, à meŋgvə́r mè nyanyày mo a dzə̀ ví ghèén ven. Vèn yòʼ dzəə́ yiì a dzə kifá ke nshéʼmé ki fo vitúm ve ví kaarin ven ví.

Joel 2:19 Referans Kwoze

Esiker 34:29

M wíy yiì, aáwune wáa ker súm se sí fəər vifá ve yi nyanyày, e làa yòʼ dzə́ə a tooŋé jíŋ e nsay foo fèy. Áwune yòʼ dzəə́ wìy a yu nyár yee ji vitúm vi wáa jàʼ áwune.

Esiker 36:15

Bó vèn yòʼ dzəə́ wìy a yu a vitúm vi jaʼ woŋ wón, a bó vèn yòʼ dzəə́ wìy a leéy woŋ wón, a woomé. Bó woŋ wóné yòʼ kfə̀n dzəə́ wìy a màʼ ven. Suuy mo woo Nyùy Tàr.»

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Joel 2:24

Sáŋé yíi a dzə e riimé se á búʼ sho nyanyày. Meluʼ mè yíi runkír e bii se á kám sho, é meŋgvə́r mè rúnkír é bii se á nyeŋ sho.

Jeremia 31:12

Áwune wíy a wìy, a yòv, a yu vijuŋ e Gwan Sion. Á wíy a sheʼrí afómo ve Nyùy Tàr foon aáwune. Á wíy a sheʼrí vifá ve yi wùn à meluʼ mè, à meŋgvə́r mè, a sheʼrí ŋgoo se bvəy wùn à sé nàʼ si. Dzəʼə̀m yéví wíy a dzə moo kiboó ke kí rəsìn ghán sidzə̀m, é la áwune yòʼ dzəə wìy a ker kíghàʼ gheéy.

Joel 1:10

Súm sí sìkìr kisáŋ, a nsay diyì, bìʼ fo ŋguùmé sí laàrìn ne vifá fo fo. Sí ndzə̀ə́y ne vitiír vé vayin, e sòóy vicí vé *oliv ví máy.

Hosea 2:15

M wíy siìr súm və́ vitiír vé vayin e wun, e bìnèr Kiwoóy ké Ŋgeʼ, é kí kfə́n ji dzə́ə ye yì du fo wù yoy, tiirì. Dzə̀ fó, fo m wíy yòŋrì wun, é wù biímé, a jùmrì mo, réŋréŋ mo wù‑uù jumrì e ghan sə́ sé viŋgòn, ghán, se mò‑oò fəər wun fo wòŋ woo Ejiv.

Esiker 39:29

M wíy way Kiyoy kém e wír veé Israyí wùn, e làa yòʼ dzə́ə wìy bìn ndzə̀m aáwune féyì. Suuy Nyùy Tàr woo Taà Ndzə.»

Cù 26:5

Vèn wíy a kav vifá ve yi nyanyày, lóo kòy vicí ve á fer meluʼ sho, aá kù dzəə́ búʼ vifá ve yi ve á kavin. Lóo way ŋgoòy se vifa, aá kù dzəə́ koy vicí. Vèn wíy a fàmtìn fàmtìn e vifá ve yi vi, a dzə e věn nsay akiŋsìn.

Hosea 2:21

«Kishiíy kin ki wíy gheén, é m yú bunrì kifa kidzə̀m. M wíy yu yé yuv, e fəə́r mbàʼ, é yúví yú yé nsay, e tsə̀nsí wuú.

Hosea 2:22

Nsay wíy yu bunrì vifa veé sum, e yu yé vitiír vé melùʼ, à yé vici vé meŋgvə̀r me *oliv mè, é vifá vìn vi nèn bìnsí lèn jii, ‹Jesreel, á lèn, á lèn vifá ve wayin Nyùy kitú kfə́.›

Remrí 11:14

A vèn yiì bèy, bo wù wíy a tsənsí wuú é ghan se yí dzəə̀n ji yí wáa dzə, yé mbìyi, à yé bàmé, é vèn fíʼ a ker vifá ve yi, a ker meluʼ, a ker meŋgvə́r.

Ŋwàʼ Rut 1:6

Ghán sí lòo dù, wù nèn lò yù ji Nyùy Tàr sə̀ á ne wír və́ veé Isray, á koóy á vifá ve yi. Wùn à vikǐy ŋkfə won vəə́ nèn bàʼtí ji á lo á fo Moav fèy,

Esiker 36:29

M wíy a kìŋsìn ven fó vinyò ve dzə̀ ví yiì vèn lì kifàn, a m kfə̀n wíy màʼ vifá ve yi, é ví wáa tsəə̀tìn, é vèn boy fó jiŋ.

Esiker 36:30

M wíy yiì, é vicí veé sum ví koóm, a tsəə̀tìn, é nsay fəə́r viyíkìr nyanyày, é la vèn yòʼ dzəə wìy a tooŋé jíŋ, é vitúm vi wáa jàʼ ven.

Sekariya 8:12

Vèn wíy a way vifá e nsay là kindzə́m. Súm sén sé vitiír vé *vayin si wíy a koóm kijuŋ. Viyíkìr vi wíy a kuy e věn nsay, é wuú wáa səy fo yuv. M wíy yiì, é vèn yov vifá vìn vidzə̀m, ven vee kibér ke wìr vén.