Joel 2:18 - ŊWÀʼ NYÙY

¹⁸ Nyùy Tàr nen dìn shií wo wù kér fo wun nsay, e rə̀r mendzən me wìr və́.

Joel 2:18 Referans Kwoze

Sekariya 8:2

«Ke suuy mo woo Nyùy Tàr woo Taà Mànjòŋ ki dzə̀ jii, m kér shii ŋkàlaʼ Sion e ŋàŋ, kíyri áwune féyì, fo kinyo ki kum.

Sekariya 1:14

Yì nèn sùúy e mò ji m fúŋ á kinyo ke Nyùy Tàr woo Taà Mànjòŋ suuyì. Wù suuy a jii, «M kér shií wo ghaʼán fo ŋkàlaʼ yee Jerusalem, kér feyì fo Gwan Sion.

Nsùyrì Nyùy 103:13

Mo kitàr kí yii géŋsin e wón vəə́, bo dzə̀ sá réŋréŋ mo Nyùy Tàr géŋsin e wír ve á ghvə́m wune.

Jeem 5:11

Vèsən kì ji áwune sí yú vijuŋ a dzə̀ á vé Nyùy, bìʼ fo á kù‑uù tíy a dzə̀ e Nyùy wùn, e dù, e jòʼsì. Vèn kfən yù sá mo ŋgeʼ si‑iì kooy Jov, a wù kù tíy a dzə̀ e Nyùy wùn. A vèn kì mo Nyùy‑iì yiìn. Wù‑uù bìnèr ŋgeʼ sə́ siy ji vijuŋ, bìʼ fo wù yii shám wíri, rə́r mendzən fo áwune.

Yòvdìy 3:22

Koŋ ye Nyùy Tàr koŋ wír vəə́ yòʼ wíy mày, a wù kù wíy a sham áwune, e dù, e jòʼsì.

Aysaya 63:15

Éè Nyùy Tàr, mo à dzəə̀n é yuv, kú a shooshí vinyo vér ví. Ku lèéy vinyo vìn vi fo wò kirə̀ʼ ke ranén kí ke kí din vikuʼùy vé. Éè Nyùy Tàr, yiì ka lèn fo à kfə́n a ker shíi wor, a sə ver e vitaáví vé ve ghaʼán ví? À yòʼ dzəə́ din e vèr mo à yii shám wón vé.

Aysaya 63:9

Vé‑eè lóo yen ŋgeʼ, a fə̀m dzə̀ rəné, wù kù a yen sa, e bóo lò, e tum nshìylav ye yì‑iì dzəə̀n e wun mentsə̀m, é yì fəə́r áwune fó fo. Kèʼ mo áwune‑eè kèʼèn, a dzə ji kitúm, wù kú a kòŋ áwune, a sham. Wù‑uù bòyìr áwune fo aŋgaà vév vibàné wo, kù mo wàn ghán, dórí, kitàr kí jàjàŋ.

Ŋwàʼ Luk 15:20

«Wù nèn lò, a kfən fo tàr wóv wùn. Wù dù, e lòo meʼ láʼ, tàr wov yén, a wù dzə̀ə́ ntàmda, e kìíy. Mendzən me wan və mè rə́r wun, wù nyéŋ, e dù, e baàmé, a nyòʼtì.

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

Aysaya 60:10

Viŋgwìy vi wíy bàʼrì kay yén yeé ŋkàlaʼ Jerusalem. Afon veé vitum fène wíy fo kifá kidzə̀m ke vèn taʼ ji á baʼri Jerusalem sho. Fə̀m mo mò‑oò shwiiyin kilòŋ vèsən, e màʼ ŋgeʼ e vèn, m yòʼ dzəə́ shwiiy kilòŋ. M lo, e sham ven, e lì ven é bàm.

Aysaya 42:13

Nyùy Tàr lo, wù ŋàʼáy moo ntav wo wù du e shùu rər. Wù lo, wù wàa nəə́ e shùu rər, a yu tím. Wù lo, wù yìysí, e bùʼ shirəə́ ji sí wàá tsəə́m, a ghiʼ aŋgaà və́ vibàn, a wù yòʼ mvəʼ sí, yén wír.

Nsùyrì Nyùy 103:17

Yii bèy, ké wìr ve á ghvə́m Nyùy Tàr kí dzə̀, a wù din koŋ rə́ ye ghaʼáné aáwune, du joʼsì, din kinyo kfə́ kee tìítiy e ŋgwàʼ sév sí sidzə̀m.

Atǎr Nsaʼ 10:16

Wír veé Israyi nèn tsə̀ʼ mebvə̀m mee anyùy kisaŋe fo áwuné ghaŋ, a sùyrì a dzə̀ Nyùy Tàr. La Nyùy Tàr yòʼ dzəə yù fóo kur tím, a yen mo wír veé Israyi yén ŋgeʼ e ŋàŋ.

Remrí 32:43

Haà vitum, vèn wáa wùʼtì wír Nyùy Tàrí. Ŋkfə́tír wov dzə̀ e Nyùy Tǎr kiwo. Wù wíy màʼ ŋgeʼ e wìr dzə̀m wo wù yúyri wír və́, e laamé aŋgàa vibàn və́, a dzə̀ e jiv. Laáme, é wù mán ajay wìr və́, e tàŋrí nsay yev.

Remrí 32:36

Fo ké wìr və́ veé Isray ki, Nyùy Tàr kù wíy bìn nsaʼ yev, e sham mendzən me aŋgàa lìm və́. Wù wíy yen, a bó wìr yòʼ dzəə́ kér kitar, yén, aá kpú ne, a mày, kìn dzə̀ kwàn, kìn wan nsay, é bo wù yii kinyo kìn.

Remrí 32:16

Áwune‑eè tìnsín Nyùy aànyùy vitum ve vé‑eè ghvə́mée, joonè wóví yiì, kilòŋ kfə́ kí shwiíy, koŋ ye wù‑uù koŋ áwuneé máy.

Aysaya 37:32

Rúrú, kibér ke wìr ki wíy a dzə e Jerusalem, é shiŋgoo she wìr she shí bòyìn shí wáa dzə e Gwan Sion. Kinyo kìn ki wíy koóy, a kù dzə̀ mo Nyùy Tàr woo Taà Mànjòŋ wayin shií ji kí koóy.

2 Afòn 19:31

Rúrú, kibér ke wìr ki wíy a dzə e Jerusalem, é shiŋgoo she wìr she shí bòyìn shí wáa dzə e Gwan Sion. Kinyo kìn ki wíy koóy, a kù dzə̀ mo Nyùy Tàr wayin shií ji kí koóy.