Joel 2:17 - ŊWÀʼ NYÙY

¹⁷ Atàá cù, áwune ve á yii cu Nyùy Tàrí ku tìím e ghaa kiy cù, a kìʼ kibuʼ ke kí nəə e lav cù, a dìy, a lon Nyùy Tàr jii, «Éè Nyùy Tàr, ku bàvtí dzəʼə̀m wìr vée. Wír vìne dzə̀ ve à shavin shávín ji vé. Lá à yòʼ yiì, aáwune kfə́n ji kifá ke nshéʼmé ki. Lá à yòʼ màʼtì, é vitúm vi wáa te lám aáwune, a dzər jii, ‹Nyùy won bèé lèn?› »

Joel 2:17 Referans Kwoze

Esiker 8:16

Wù nèn lì mo, e nə̀ə́ sho e maàndzə yee Nyùy Tǎr lav cù. M yén, a vilum dzə́ fo moo wír nshòv sitàn e mbaà bey, tíy e ghaa shuù wo wú nəə e lav cù, e nsàn kishem wùn à kíy cùu, aá bín ndzə̀m e Nyùy Tǎr lav cù, a kìʼ a dzə̀ mbìv yee fo shùy yii tó, a ghvəm sí shùy.

Nsùyrì Nyùy 115:2

Lá à yòʼ màʼtì ji vitúm vi wáa jàʼ ver, a dzər e vèr ji Nyùy wor sà bèé á.

Nsùyrì Nyùy 79:10

Kí yoʼ ghèén ji vitúm vi wáa jàʼ ver, a dzər e vèr jii, «Nyùy won bèé?» Ku yiì, é vèr yén mo à siir ŋkfə́tír e vitúm vìy vi, ŋkfə́tír woo jii, vé‑eè seèrí á wír vé.

Matio 23:35

Vèn yii bèy, é Nyùy nèn dzə̀r mensə́ me wìr və́ ve vé‑eè yuyrin é nsay fèn adzə̀m a dzə̀ e vèn. A wù wíy kèʼ dzə́r a dzə̀ fo me Abel wo vé‑eè yuyrin là njò, e dù, e meé e me Sekariya woo wan Barakia wo vé‑eè yuyrin é shùu lav cù, e bǎm kiy wo á cu Nyùy sho, e bó a nəə́ e lav cù.

Amos 7:2

Ŋguùmé siy si ndzəə́y kifá kidzə̀m fo kwaʼ, m tóŋ e Nyùy Tàr jii, «Éè Nyùy Tàr, wò woo Taà Ndzə, ku làysìn ajay wìr vée. Rám Jakovi dzə̀ wír ashàr, a bó á yòʼ kér kitar, a dzə̀ áwune yèe le, e bóo lùŋ?»

Joel 1:9

Cú vifa ve yii sèéy ne fo Nyùy Tǎr lav, a bó á yòʼ dzəə́ cu Nyùy Tàr e meluʼ mè. Atàá cùu sí diy, sov vitú, bìʼ fo vifá vé a cù Nyùy Tàr shó vi buŋen ne.

Hosea 14:2

Vèn kfə́n é bàm fo Nyùy Tǎr wùn. Vèn báʼtí kisúŋnìn kén, e dù, e lòn wun jii, «Éè Nyùy Tàr, làysìn ajay vérí, ku làysìn ŋkuuŋkùŋ. Ver víne, aá sí búʼ wó, ku səə̀sí ver. Vèr yíi burí wò, é wáa dzə cu ye vèr cu wò sho.

1 Afòn 6:3

Shúu kibùʼ wo wú nəə e lav cùu wáa dzə kóy e tàn fo vikùʼùy réŋréŋ mo mbvə̀ʼ lav cù dzəə̀n, a mbvə̀ʼ kibùʼ dzə̀ kóy e baà e kimbéʼ ki.

Ŋwàʼ Fəə 34:9

Wù wáa bùnrì jii, «Éè Tàr, aà fen yèn ji m ghèén wò, kii wò, Tàr, à kù a dù vèsən. Wír vìne tàv rú kitú feyì, ku làysìn ajay vér wùn à yii yér ye bií, e lì ver ji wír vé ŋkuuŋkùŋ.»

Mayka 7:10

Kí kooy bèy, áàŋgàa vibàn vérí yén, é woómé si sum áwune ve vé‑eè té lám e věr wùn, té feyì jii, Nyùy Tàr wor woo shó sà bèé á. Vèr kù wíy yen e sí yérí mo á màʼàn aŋgàa vibàn vér é dzəə, a nyèŋ mo á nyèŋ kishaʼàr.

Amos 7:5

M ku nèn tòŋ e Nyùy Tàr jii, «Éè Nyùy Tàr, wò woo Taà Ndzə, ku làysìn ajay wìr vée. Rám Jakovi dzə̀ wír ashàr, a bó á yòʼ kér kitar, a dzə̀ áwune yèe le, e bóo lùŋ?»

Esiker 20:9

Yii bèy, la m yòʼ dzəə yiì, bìʼ fo mò‑oò kiŋsìn yír yém, fo vitúm ve ví kaarin wír veé Isray vi wáa jàʼ. Vé‑eè lo yèn mo mò‑oò liìn wír veé Isray ji wír vém, e fə̀ə́r áwune fó wòŋ woo Ejiv.

Aysaya 37:20

Éè Nyùy Tàr woo Nyùy wor, ku sə̀ ver fo wír veé Assiriyàá wo, é vitúm veé kitu ke nsay vidzə̀m vi fiʼ kìíy ji kù dzə̀ wò wo à dzəə̀n Nyùy Tàr.»

Nsùyrì Nyùy 89:51

Éè Nyùy Tàr, aŋgaà vé vibàné shur mo e liy si. Aŋgaà vé vibàné shéʼ ŋgaà wo wò‑oò yoʼon ji fon.

Nsùyrì Nyùy 89:41

Wìr dzə̀m wo wù shaa fo kù sí shóŋ wun shóŋén, aàŋgàa shweesí vəə́ sí ŋwáy wun ŋwáyín.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Nsùyrì Nyùy 74:10

Éè Nyùy Tàr, aŋgàa vibàné wíy sheʼ wò, e dù, e meé e le? Á kù yíi a bivír yír yé, e dù, e jòʼsì à?

Nsùyrì Nyùy 42:10

Aŋgàa vibàn vémé shur mo, e liy si, a m koó mo á sòv kiváv ké wìr e njoŋ kifa. Á jaʼ mo jáʼan jii, «Nyùy wò tèn fóo sə wò bìʼ ka?»

2 Wòŋ 8:12

Fòn Solomon lò, e cù Nyùy Tàr e cu se tonèn sí e kiy cù wo wù‑uù bomen é mbìy lav cù.

Remrí 32:27

Yii bèy, m kfə́n a fàn jii, aŋgaà vén vibàné wíy a saà a wún, a yòŋ jii, tòn a áwune ven ben, bó yòʼ tòn a mo woo Nyùy Tàr. Yii bèy, a kù tòn mo və̀n.»

Matio 27:43

Wù‑uù dzə́ ji wun wày shilív e Nyùy wùn, a Nyùy kòŋ, wù sə̀ wun lèn. Bó yòʼ‑oò suuy wun ji wun dzə̀ Wan Nyùy à?»

Malakay 1:9

Á bèy, vèn li ri kfə́ə cù yee béyi, e dù, a leèrì Nyùy Tàr shó ji wù ku shàm á ven. Vèn ku mùm o, vèn yòʼ sà kù‑úù dzəv a dzə̀ wó e nsay a? Suuy a wun woo Nyùy Tàr woo Taà Mànjòŋ.

Nehemia 9:36

Leéy, e yèn, vèr sì lèn ji akwàn é nsay fèn. Dzə̀ nsay ye wò‑oò foon ne aàtàr vérí ji á wáa yi kéŋ yee fó wùn à vifá vee fó ve juŋ vi, a vèr kù dzə̀ kér ji akwàn.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Nsùyrì Nyùy 42:3

Viyíkìr vém ví kù jòʼsì ne mensíy. M kù diy dìyìn e shùy, diy vitsə́ʼə́, a wíri kù jaʼ mo ghán sidzə̀m jii, «Nyùy wò tèn fóo sə wò bìʼ ka?»

2 Wòŋ 7:20

bo m yíi fəə́r ven fó nsay ye m foon e vèn, é m kfən mèŋ lav cù rə̀n, ye m kì lèmèn ne jeéy ji á wíy a cù mo shó, aá nèn wìy a màʼ a dzə̀ é ŋgàn, é vitúm vidzə̀m vi wáa jàʼ jàʼàn.

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

Remrí 28:37

Vèn wíy lò, e kfən ji kimbemèr, aá wáa te lám e vèn, é vèn kfə́n ji kifá ke nshéʼmé ki fo kitúm ke Nyùy Tàr liìn ven, e màʼ fo ki.

Kintaŋ 25:6

Kù mo wír veé Israyi dzəə́ tóŋnin e shùu *kibàn ké ntàsín, lùmèn woó Isray wùmòʼ ku nèn lì wiíy woó Midian wùmòʼ, e wìy sho e wun tàv, kù e Mooser wùn à màŋgòŋ si.

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Joshua 7:9

Wír veé Kanan wùn à vitúm vímóʼ ví yíi yu kinyo kìn, bo á sí wiy, e giìmè ver, e yuyrí wir dzə̀m, e səʼsí yír yér fó kitu ke nsay. Kí kooy bèy, áà yiì yèe le e yír yé ye ghaʼtíné fo wíri wáa kay wò.»

Nsùyrì Nyùy 42:4

M lóo kuumé vinyo vìn, shilív shém shí wàa tàʼ, e tum. Kuúmé mo vèr à màŋgòŋ‑eè duùn é lav cù, a m du fo mbìy, aá jumrì mo fó bàm, a vèr à vé ŋkàʼá waáme yòv vibeèrì fo Nyùy, a wúné tékir ver.

Nsùyrì Nyùy 42:11

M dzə́ mendzən mendzən bèn bìʼ ka? M rəəy bèn bìʼ ka? M kù‑úù wáa dzə, a yuurí a dzə̀ Nyùy. M kì ji m kù dzəə́ wìy a sùyrì wun, wun woo Nyùy woo Ŋgaà Lùŋèr wom.