Joel 2:16 - ŊWÀʼ NYÙY

¹⁶ Vèn báʼtí wíri, e *kfə̀mrí, ye dzə̀ á wàa koʼtí e mǒ si. Vèn báʼtí ŋgày sé wìr si, e bàʼtí wóné, à vé vine shó. A fə̀m dzə̀ wír, aá tátí vijín vifíy, á kù màʼtì lav vijìn, e wìy.

Joel 2:16 Referans Kwoze

2 Wòŋ 29:5

e sùúy aáwune jii, «Ven vee rám Levi, vèn yuúrí. Vèn kfə́mrí vitú vén ví, e *kfə̀mrí lav Nyùy Tàr woo Nyùy atàr vén. Vèn fəə́r kifá ke kí kóʼoy ki kidzə̀m fo lav cù.

2 Wòŋ 20:13

Wír veé Juda adzə̀m wùn à vikìy véví, à wón véví, à wón ve bóri kù‑uù tíy e Nyùy Tǎr si, e shùu lav cù.

1 Korin 7:5

Kí nén a dzə jii, wìr wáa yen fó ten wùmòʼ, a bó dzə̀ á ji sìysì wùn wun abaà ji á ku shìíy jeéy jeéy é bǎm vishiíy vímóʼ ví ji á fíʼ a bùnrì Nyùy. Ghán see shooy si shaa, wùn wun kù nèn kfə̀n, a shiíy, fó fo kilíŋ, é Satan báyír wùmòʼ, é wù tó é kinyò, bìʼ fo wù mùmèn ntéŋ fó kuʼtí wún və́.

Joel 1:14

Vèn fó sáʼa, aá wáa lèm jíŋ ji á lón Nyùy. Vèn jaŋri wíri, aá tiím e Nyùy si. Vèn báʼtí vilìmbìy vi wùn à wìr dzə̀m woó Juda. Vèn báʼtí áwune e Nyùy Tàr woo Nyùy wón lav, aá wáa toŋ e wun ji wù ku sə̀ á ven.

1 Samuel 16:5

Samuel biímé ji «Eè, dzə̀ ye juŋe. M wìy ji m cu á Nyùy Tàr. Vèn *kfə́mrí vitú vén ví, e wìy, é vèsən cu Nyùy.» Wù suúy ji Jessi wùn à wóné kfə́mrí á sa vév vee vitú, e wìy a fo cù.

Ŋwàʼ Fəə 19:22

A fèn dzə̀ atàá cù ve á yii cu mo, bo á kù kér fó baʼtí vitú vév, búŋ là bey, bo m maʼ ŋgeʼ aáwuné kitu.»

Ŋwàʼ Fəə 19:10

Nyùy Tàr suúy e wun jii, «Sə́y, e sùúy e wíri, aá báʼtí vitú vév lán wùn à kibvəə́shí, e *kfə̀mrí, é vèr áwune tárnín. Á ku sù ndzə̀y sév,

Matio 9:15

Jesus bìnèr jii, «Vèn kwaʼ ji dzə̀ wíri dù vijín, wùn à lùm jìn wàa dzə, á kfə̀n a ser e vifù á? Yii bèy, vèn wáa kiíy jii, ghán sí wíy gheén, á faasì lum jìn və̀n fo vé vijiné, aáwune nèn a dìy, a lèm jíŋ.

Nsùyrì Nyùy 19:5

Yì lo, yì wàa fəə mo wánlè nsùm yù ndzə́ʼ jìn, e meè fó lav, kìn moo wír wo wù túyri shwín ji wun léʼ kileʼ.

Ŋwàʼ Jov 1:5

Áwune yí ŋkàʼ vən, ghánen e melav melav, tárninè, Jov nèn bvəə̀shí, e jàŋrì áwune, e *kfə̀mrí. Wù lo, wù lò é yuv kijàvndzə kijàvndzə, e yiì cu ye tonèné jeéy jeéy mo wón və́ vee vilume dzəə̀n. A wù‑uù rəm fo wun bvə̀m jii, «Rə̀ʼ‑ə́ə̀ wáa dzə, a wón vémé jày ne, e kuù Nyùy aáwuné shiliv.» Á mo Jov kù‑uù yii bèy, ghán sidzə̀m.

2 Wòŋ 35:6

a vèn yíi a seerí wón njìi Ŋkǎʼ Yáʼayshaà. Vèn *kfə́mrí vitú vén ví, a dzə aránén, e fíʼ a sə afə́r vén, é vinyo vidzə̀m vi kú a shaà mo Nyùy Tàr‑iì yòŋèn, e shaà fo Mooser.»

2 Wòŋ 30:19

Wù ku làysìn a ajay wìr dzə̀m wo wù tiir shilív sə́ e wun wùn, wun woo Nyùy atàr vév, fə̀m mo áwune yoʼ kfə̀mrí vitú vév mo nsər yeé lav cù dinè.

2 Wòŋ 30:17

Ké màŋgòŋ wo wù‑uù seéri wón njìi Ŋkǎʼ Yáʼayshaà, wír ámóʼó wáa dzə fo anín, aá yòʼ‑oò lo kfə̀mrí vitú vév. Bìʼ bey, wír veé ram Levìi nèn sə̀ wír adzə̀m ve bó á yòʼ‑oò siìn aránén, e seèrí wón njiì vév, é Nyùy Tàr fiʼ bìnsí ŋkàʼ wóv.

Joshua 7:13

Lò ri, e dù, e *kfə̀mrí wíri, e yòŋ aáwune ji Nyùy Tàr woo Nyùy woó Isray yoŋ a jii, vèn kfə́mrí vitú vén ví, aá bvəə́shí, a yen o. Éè mǒ Isray, kifá ke nshwì kí dzə̀ é věn mvəm. Bó yòʼ dzə̀ vèn kfə̀n tàm vèn aàŋgaà vén vibàné, a bó vèn fəə́r kifá ke lòn kin fo věn mvəm.

Ŋwàʼ Fəə 19:15

Wù nèn kfə̀n sùúy e wíri jii, «Vèn kú a dzə kibáʼtín é kishiíy ke kí meen ji taár, é la wìr yòʼ kfə̀n shìíy e wiíy.»

Matio 21:16

a saʼ Jesus jii, «Bó à yòʼ yú kinyo ke wón víne sí suuyì à?» Wù bìnèr jii, «M yú feyì. Bó vèn yòʼ‑oò yiì ne yòŋ kinyo ke vé‑eè saŋen é Ŋwàʼ Nyùy jii, ‹Nyùy yiì ne, wón ve terií wáa burí wun, à ve á dzəə́ nyóŋ víne shó à?› »

Joshua 8:35

Bó jì yòʼ‑oò lo gòʼ fo nsər se Mooser‑iì foon, ye Joshua yòʼ‑oò lo yòŋ e màŋgòŋ woó Isray, e lì vikìy wùn à wóné, à viŋgwìy ve ví‑iì dzə́ aáwuné mvəm ví.