Joel 2:14 - ŊWÀʼ NYÙY

¹⁴ Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Joel 2:14 Referans Kwoze

Jona 3:9

Siì kì la, kìn Nyùy‑íì kúvsín kwaʼtì rə́, e siìr dòʼshwíiy və wo bi və̀n e bàm, e làa yòʼ dzə́ə laàr vèsən.»

Hagay 2:19

Ká ŋgoòy kifa yoʼ dzəə bèr e věn vitàv? A bó vitiír vé *vayin vi yóʼ ne kèʼ a koóm, a vicí vé *fig wùn à vé *grenadin, à vé *oliv vi kù dzəə́ tíy e ŋkfə́né? Yii bèy, e kèʼ fo lán, m yíi màʼ kisəəvì e věn vifa veé sum, é ví wáa kuy, a koóm, a tsəə̀tìn tsəə̀tìn.»

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Tsəfaniya 2:3

Ven adzə̀m veé wòŋ fèn ve á li vitú vén vitérí, ven ve á yúnin nsər se Nyùy Tàr, vèn kú a yiì vinyo a dzə̀ ve wù taʼà. Vèn kú a neŋ e wun si, a tàm, é wù kim ven e wun kishiíy ké dòʼshwiíy.

Jona 1:6

Kilìmbìy ke vé kikoŋe kí dù, e mèé fo wù dzəə̀n, e dzə̀r shó jii, «À ghàn ké e le, e bó a buuné buunén? Lò é yuv, a toŋ e nyùy wò. Ghan símóʼ sí, é wù shám vèsən, aá luŋ.»

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.

2 Afòn 19:4

Mfòómé woó Assiriya kì wìy, a kuùrì Nyùy wo wù dzəə̀n shó, kuùrì bèn mo tàr wov woo fon kì tsənsin ji wù wàá wiy, e kuùrì. M lón ji Nyùy Tàr woo Nyùy wò ku yuùrí a liy sìn, e nyèr áwune. Á bèy, á bùnrì fo kibér ke wìr ke kí dzə̀ə́ shó ki.»

2 Samuel 12:22

Fòn Davir suúy jii, «Wàn‑ee joyì, a m lem jíŋ, kfə̀n tóŋé, kí jii, a tàm é Nyùy Tàr yiì shàm á mendzən mem, e yiì, é wàn wàá bónén.

Ŋwàʼ Fəə 32:30

Mooser bvəə́shí, e sùúy e wíri jii, «Vèn jày jay wo tavín féyì. Yii bèy, m kfə̀n‑éè kóʼ é gwan, e dù, e yèn Nyùy Tàr ji m sà‑áà lóo lon, é wù laysin ajay vén á.»

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Joel 1:16

Vèn ku yèn ri mo á laàrìn ne vifá fo sum. Vèn yén ri mo kishéʼrì ki màyìn ne fo Nyùy wòsə́n lav. Á yòʼ dzəə́ yí ŋkàʼ fó, savnìnè.

Joel 1:9

Cú vifa ve yii sèéy ne fo Nyùy Tǎr lav, a bó á yòʼ dzəə́ cu Nyùy Tàr e meluʼ mè. Atàá cùu sí diy, sov vitú, bìʼ fo vifá vé a cù Nyùy Tàr shó vi buŋen ne.

Aysaya 65:8

Nyùy Tàr nèn kfə̀n a yòŋ jii, «M yòʼ‑óò laar áwune wír adzə̀m. Á lóo kam meluʼ fo tútúʼ, lóo màʼày kishaámé, wìr lo, wù kù a boòrì ji lá á yòʼ waà màʼày, mendzə́v memoʼ mè dzə̀ə́ a sho. Kù dzə̀ sá mo m yòʼ yíi laàr wír veé Isray adzə̀m, bìʼ aŋgàa lìm vém ve juŋ ve á dzəə̀n aáwuné mvəm.

1 Samuel 6:5

Vèn ku fèr vimfìʼìr ve vintokìr wùn à vé mbàv ve ví bívir woŋ wón, e fíʼ dìn ji vèn gbù a ne Nyùy wìr veé Isray, ghanmóʼ, é wù yar fó a màʼ ŋgeʼ e věn kitu, e yàr fóo màʼ aànyùy véné kitu, e màʼtì sa nsay yen nyaáŋ.

Joshua 14:12

Bìʼ bey, fó ri woŋ agwan və̀ne e mò lèn. Woŋ wo Nyùy Tàr‑iì kàʼàn mo shó e kishiíy fóo fèy. Wò‑oò lo yù é kishiíy fóo fèy mo vé‑eè fer ji wír veé Anaki‑iì dzə́ a fo, kér vikum ve ŋkà se laʼ sinín. A dzə̀ ji Nyùy Tàr yiì a dzə vèr wun, bo m yíi tòn áwune, e sə nsay yev mo wù‑uù kàʼàn.› »

Jeremia 26:3

A tàm é ghanmóʼ, aáwune yuúrí, é wìr wáa kuvsín fo wun yiì kisaŋe. Á bèy, é m lo, e kùvsín kwaʼtì yém, e làa yòʼ dzə́ə màʼ ŋgeʼ ye m báʼti ji m wiy sho bìʼ vinyo ve kisaŋ ve áwune yii.

Jeremia 18:8

kitúm ke m yòŋèn shó ki kúvsín liì wov wo bi, bo m sí binèr sa kwaʼtì yém, e làa yòʼ dzə́ə yiì kinyo ke m kì wayin ji m yii aáwune.

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

2 Samuel 16:12

A tàm é Nyùy Tàr yiì yèn ŋgeʼ sém, e səə̀vì mo fó kuùrì ye wù kuurì mo lán.»