Joel 2:13 - ŊWÀʼ NYÙY

¹³ Lá vèn yòʼ a sàtì a dzə̀ ndzə̀y ji vèn fíʼ a dìn mo vèn dzə́ e nsòv. Vèn su a dzə̀ melív men mè, e kfə̀n é bàm e Nyùy Tàr woo Nyùy wón wùn. Wù rə́r mendzən me wíri, shám áwune. Wù yòʼ yii táv shwiiy kilòŋ. Wù yòʼ yii yar fó a dìn koŋ ye wù kér fo wír vəə́. Wù yòʼ yii koŋ, e màʼ ŋgeʼ e wìr kitu.

Joel 2:13 Referans Kwoze

Nsùyrì Nyùy 86:15

Yii bèy Nyùy Tàr, à dzə̀ ké, aà yii shám wíri shámén, kér mendzən, lo ji weè e dòʼshwiíy, din koŋ yé ye ghaʼáné e wír vée, tíy e wò ŋkàʼmé.

Nsùyrì Nyùy 34:18

Shilív shí seem wír, Nyùy Tàr kù a dzə wùn ŋgaàŋ. Wù yii shám wír ve á dzə́ e nsòvkìtu, luŋèr áwune.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Mayka 7:18

Éè Nyùy Tàr, Nyùy woo moo wò dzə̀ vəné? Nyùy wo wù laysìn vinyo ve bi ve wíri yii. À laysìn ajay wìr vé ve á berkin, áwune vee wír vé ntayi. À yoʼ gòʼ, a shwiíy kilòŋ ŋkuuŋkùŋ. À kù yú vijuŋ a dzə̀ vé kòŋ ye à kér fo wír vée.

Nsùyrì Nyùy 86:5

Rúrú, Nyùy Tàr, à dzə̀ e juŋ. À yòʼ yar fó a làysìn ajay wíri. À yòʼ yar fó a dìn koŋ yé e wír ve á bunrì wòo.

Nsùyrì Nyùy 103:8

Nyùy Tàr kér mendzən, kfə̀n shám wíri, lo ji weè e dòʼshwiíy, din koŋ rə́ ye ghaʼáné e wíri.

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

2 Samuel 1:11

Davir yú bey, e ghàr ndzə̀y fó wùn, e sàtì, wír vəə́ ku yiì sa bèy adzə̀m,

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

Nsùyrì Nyùy 51:17

Éè Nyùy, cu ye yí gheen wòo kù dzə̀ shilív she shí diyì, tóŋ e wò. Bó à yòʼ yíi ŋwáy wír wo wù sov kitú bìʼ kinyo ke wù jayin, a toŋ e wò.

2 Afòn 22:19

e yù á kinyo ke wun suŋnin kibiíbí kùm Jerusalem wùn à wír vee fóo, ji dzə̀ kirə́ʼ, a kí wíy lày a làyìn kisáŋ, aá wáa kuù kuùn. Mo wù səəsin jí sìn e shilív she juŋ shi, e lì kitú kfə́ kitérí, a neŋ e wun sar, e kfə̀n saàsì ndzə̀y sə́, a toŋ e wun si, wun woo Nyùy Tàr nén a suúy e wun a jii, wun yù á ne tóŋ rə́.

Efesor 2:4

Yii bèy, Nyùy kú a kòŋ vèsən é ŋàáŋàŋ, a rər mendzən fo vèsən ghán sidzə̀m.

Nsùyrì Nyùy 106:45

Wù kuúmé *mensaŋ me wù‑uù gwàrìn wun áwune, e siìr dòʼshwíiy və é bàm, bìʼ koŋ ye wù kér fo wír vəə́.

Ŋwàʼ Jov 1:20

Jov yuúrí, e nèn tùm é yuv, e tiìné kikúm ke da ki fó wùn, e lò, e kwaày kitú, e feèné, e gbù fo nsay, a fo ghvə́m e Nyùy, a suúy jii:

Kintaŋ 14:18

à yòʼ yii táv shwiiy kilòŋ, à yii din koŋ yé ye wiyí e wír vée. À yii laysìn vinyo ve wíri buʼtì, kfə̀n laysìn shóʼór ye á shóʼor nsər sé. Yii bèy, a bó yòʼ dzə̀ à màʼtì á ŋgaà jay, é wù boy. À yii fó ŋgeʼlàʼ e wóné bìʼ jay atàr vév, kfə̀n fó e wón woné, à wón wón woné.

Nehemia 9:17

Áwune‑eè tèn fó a yunín wò, e kfə̀n làysìn viŋgaʼnìn ve vinyò ve wò‑oò yiìn aáwuné mvəm. Vé‑eè tàv kitú, e shòʼ kilìmbìy ji kí li áwune, e kfə̀n shó e Ejiv fo vé‑eè reŋ vikwàn. Yii bèy, aà dzə̀ Nyùy wo wù yii laysìn ajay, shám wíri, rə́r mendzən mev. À yòʼ yii shwiiy kilòŋ cér. À yii din ké a dzə̀ koŋ yé ye wiyí. Bìʼ bey, à kù‑uù kfə̀mén, e làa yoʼ bìn ndzə̀m aáwune.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Nahum 1:3

Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

Esiker 9:4

Nyùy Tàr suúy shó jii, «Nəə́, e tòʼnín ŋkàlaʼ Jerusalem, e dòn kisəəm kí e wìr dzə̀m yírvishi, wo wù leey vinyo ve koʼoyín ví ve á yii e mvəm wó, a wù leey, diyì, shwémkirì.»

2 Afòn 6:30

Fòn yú jí se wiíy və̀y, e saàsì ndzə̀y sə́, e yiì lòo ghan e kitu ke kày, wíri lòo leéy wun, e yèn, a wù kér ndzə̀y sé kpu e wun sar kikum.

2 Afòn 5:7

Fòn woó Isray leéy ŋwàʼ və̀y, e nèn saàsì ndzə̀y sə́, e sùúy jii, «M dzə̀ Nyùy à? M kér vitaáví vée yuyrí wír, e kfə̀n yiì, é wù luŋ a? Yiì ka, é bo wìr və̀n wáa tsənsí wír wo wù joy shivnsay ji m fer? Vèn leéy, é vèn yén ji wù taʼ a dzə̀ á melaà vèr wun.»

1 Afòn 21:27

Fòn Ahav yuúrí ntum Elija, e saàsì ndzə̀y sə́, e lò, e màʼ vinsàʼ ve ndzə̀y, e nèn a lèm jíŋ, a shiíy e vinsàʼ ve ndzə̀y ví wùn, a ghan mendzən mendzən.

Kèʼlo 37:34

Jakov nèn sàr kikúm kfə́, e màʼ vinsàʼ ve ndzə̀y, e bònen dìy kpú wan və ntàmda.

Kèʼlo 37:29

Ruben yiì kfə̀n é bàm é bii fey, e tàʼ Joosev ntéŋ, e nèn sàr kikúm kfə́, a dìy.

Aysaya 58:5

Kù yòʼ á kfə́ə jiŋ ye m taʼ ji á wáa lèm a? M kù yòʼ diy a dzə̀ ji vèn lem kishiíy, e rə̀sí e jìŋ, a nə̀ʼsì vitú vén á? A dzə̀ m wàa sheʼrí vitú ve vèn joor moo ŋkiʼ, a sheʼrí néŋ ye vèn néŋ e kibvə e ndzə̀y sé kpu sí wùn á? A kù yòʼ dzə̀ vèn wàa yòŋ kin ji á lem jíŋ a? Kù yòʼ dzə̀ mo woo Nyùy Tàr səə̀sí yee shoon yee jíŋ a?

2 Afòn 22:11

Fòn yú jí se sí‑iì dzəə̀n é Ŋwàʼ Nsər Nyùy, kindzə́m kí gwàr wun, wù saàsì ndzə̀y sə́,

Jeremia 41:5

ŋgoo vilum yìmòʼ wáa shaà, aá dzə̀ wír mwaamé, aá kér cu vifa ve yi wùn à kiláy kí ji á du shó e Nyùy Tǎr lav. Vé‑eè lò fó Shekem, ámóʼó fó Shilo, ámóʼó fó Samaria, aá kóm vighev, e saàsì ndzə̀y sév, e jàʼtì wún.

Jeremia 42:10

‹A vèn lòo dzə, e gòʼ e wòŋàn, bo m yíi bàʼrì ven, e làa yòʼ sàʼtì. Bo m yíi tuúy ven, e làa yòʼ shoʼóy shoʼoyín. M kér mendzən feyì bìʼ ŋgeʼ ye tavín ye mò‑oò nəən ven shó.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

2 Wòŋ 6:27

à kù yù é yuv, e làysìn ajay aŋgàa lìm vé vee wír veé Isray. Ku làysìn, a yeʼéy áwune mo á wáa ghan e wò mbòv, e nèn tsə̀nsí wuú é nsay ye wò‑oò foon e wír vée ji vitsə́ʼ vév.

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

Jona 3:9

Siì kì la, kìn Nyùy‑íì kúvsín kwaʼtì rə́, e siìr dòʼshwíiy və wo bi və̀n e bàm, e làa yòʼ dzə́ə laàr vèsən.»