Joel 2:12 - ŊWÀʼ NYÙY

¹² Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Joel 2:12 Referans Kwoze

Hosea 12:6

Á bèy, ven vee rám Jakov, vèn kfə́n é bàm e Nyùy wón wùn. Vèn kú a kòŋnìn, é wìr wáa yiì kinyo e wùmòʼ là kiloʼ, é wìr kú a dzə, a kìʼ a dzə̀ Nyùy mo wù lo, e wìy, e sə wun.

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Hosea 6:1

Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.

1 Samuel 7:6

Áwune ku nèn a baʼtí e Mispa. Á báʼtí, e tù mendzə́v, e cuùrì ji cu Nyùy Tàr, e lèm jíŋ kishiíy kifur. Áwune wáa tunrí ajay vév, a suúy jii, «Vèr jày ne e Nyùy Tàr.» Nén a dzə e Mispa fèy fo Samuel‑iì fəəsin ji tàr nsaʼ wìr veé Isray.

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»

Lim Aŋgàa Ntum 26:20

e kèʼ fo Damaskus, a fìʼtì kinyo kfə́, e bóo wìy dù e Jerusalem. Mò‑oò ghán woŋ woo Juda və̀n e dzə̀m, kfə̀n ghán e wòŋ se wìr ve bó yòʼ dzəə̀n veé Juda, fiʼtì ji wíri biner melív mev, e kfə̀n fo Nyùy, a yiì a vinyo ve ví din ji áwune bìnkìr ne.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

Sekariya 7:3

Á wìy, e yèn aŋgàa ntum Nyùy wùn aàtàá cù ve á lim e Nyùy Tàr woo Taà Mànjòŋ lavi, e màʼ kinyo kév jii, á sa kfə̀n a lèm jíŋ e ŋwee wo wú meen ji tàn, a dzə e nsòv mo vé‑eè rə́si yii a?

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Sekariya 7:5

«Gháy ó e woŋe, e ghày áàtàá cùu jii, ‹Vèn‑eè lem jíŋ e ŋwee woo tàn, lem e saàmbà ŋwee, e mvə̀m kiya kee msaàmbà bèy, dzə́r e mò á?

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Aysaya 58:4

Vèn fó vituʼùr ví, e yuùrí. Vèn lem jíŋ, á kù màysì a dzə̀ é kitaŋnìn, e màysì e vindzə̀ʼ, wìr wàa kfəvtí kiwó, a fòr wùmòʼ e ŋkùm. A vèn lem jíŋ a dzə̀ é dzəə fen, bo bó yòʼ dzə̀ m yù bunrì yén.

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Daniel 9:3

Á bèy, m nèn bìnkìr, e kìʼ Nyùy Tàr woo Taà Ndzə, a bùnrì, a lon wun, a m wáy ne vifám vé kpu, e sèsín e kibvə, a lèm jíŋ.

Malakay 1:9

Á bèy, vèn li ri kfə́ə cù yee béyi, e dù, a leèrì Nyùy Tàr shó ji wù ku shàm á ven. Vèn ku mùm o, vèn yòʼ sà kù‑úù dzəv a dzə̀ wó e nsay a? Suuy a wun woo Nyùy Tàr woo Taà Mànjòŋ.

Ŋwàʼ Fəə 33:5

A Nyùy Tàr kì sùúy ne e Mooser jii, «Suúy e wír veé Israyi jii, ‹Vèn dzə̀ antavkìtu. A kì dzə̀ ji m kì du vèsən shintàm, bo m lò laàr ven. Lèn, vèn shóʼtí vifá ve sùsù vi, é m yén ó ji m sà‑áà yée le e vèn á.› »

Atǎr Nsaʼ 2:4

Mo nshìylav Nyùy Tàr suuyin vinyo vìn e wír veé Israyi, e màysì, áwune fúŋ tóŋ.

2 Samuel 24:10

Fòn Davir màysì, e tàŋ wíri bey, kitú kfə́ kí nèn a saʼ wun, wù wáa toŋ e Nyùy Tàr jii, «Kinyo ke m yiìn kin ki dzə̀ jay wo tavín. Nyùy Tàr, m lón wò lèn ji à ku làysìn a jay wìr lìm wò. M kì yiì kinyo kìn e kiyúŋ kí.»

2 Wòŋ 6:27

à kù yù é yuv, e làysìn ajay aŋgàa lìm vé vee wír veé Isray. Ku làysìn, a yeʼéy áwune mo á wáa ghan e wò mbòv, e nèn tsə̀nsí wuú é nsay ye wò‑oò foon e wír vée ji vitsə́ʼ vév.

2 Wòŋ 30:6

Fòn‑eè yòŋ bey, vé ntume lì aŋwàʼ ve vé‑eè loòn fo wun woo fon wùn aàtǎr ntoʼ vəə́, e ghànén sho woŋ Isray e dzə̀m wùn à woo Judàa e dzə̀m. Vé‑eè sàŋ áàŋwàʼ fèn jii: «Wír veé Isray, vèn kfə́n é bàm e Nyùy Tǎr wùn, Nyùy Abraham wùn à Aysi, à Isray. Vèn kfə́né, é wù nèn bìnkìr, e lèéy ven ve á berin, ven ve á sòsìn fo afon veé Assiriyàá wo.

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

Hosea 12:7

Nyùy Tàr yoŋ jii: «Wír veé Israyi dzə̀ vé mbóʼmée, aá koŋ a boʼ wíri, kù mo ŋgaà wày bòʼ wír e mfìʼ vidzəə̀sì mbóʼmé.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.