Joel 2:1 - ŊWÀʼ NYÙY

¹ Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.

Joel 2:1 Referans Kwoze

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

Joel 2:15

Vèn tóŋ sóŋé é Sion. Vèn fó sáʼa ji á wáa lèm jíŋ, a lon Nyùy. Vèn jaŋri wíri, aá báʼtí e Nyùy Tǎr si.

Joel 1:15

Rúrú, kishiíy ké Nyùy Tàr kí sì fó mentsə̀m. Kishiíy ke wun woo Ŋgaà Vitaàví Vidzə̀m lo, e wìy ji wun laar virə́ʼ.

Joel 3:17

«Á bèy, é ven vee wír veé Israyi nèn kìíy ji m dzə̀ á Nyùy Tàr woo Nyùy won, a m dzə́ e Sion fo m shavin ji gwan wom wo ranén. Jerusalem wíy a dzə kirə́ʼ ke ranén kí, a bó vitúm vi yòʼ dzəə́ wìy nəə́ fo, e tòn áwune.

Malakay 4:1

Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.

Tsəfaniya 3:11

«Ven veé Jerusalem, wíy lòo dzə e ghan fóo fèy, bó vèn yòʼ dzəə́ wìy a woomé mo vèn‑eè woóme, bìʼ vinyo vidzə̀m ve vèn‑eè yii, sə́ kóy vèsən. M wíy fəə́r wír ve á ŋaʼ, kfə̀n kóʼor wún fo věn mvəm. Vèn yòʼ dzəə́ wìy a gùynìn e mǒ gwan wo ranén.

Tsəfaniya 1:14

Kishiíy ké Nyùy Tàr ke ghaʼtín kin ki sì fó meméʼ. Kí wiy cércér, a kí sì é kiwo. Kishiíy kin ki wiy kibí kibí, gwèy yíi waamé tóŋ.

Jeremia 5:22

Vèn yòʼ fan mo a? Suuy mo woo Nyùy Tàr. Vèn yòʼ leey mo, a wún wóné beéme à? Kí m neèr síy ji kikiŋ ke rìbà ndzə̀v, kikiŋ feyì, a bó yòʼ dzə̀ ndzə́ví tòʼ. A ndzə́ví fə̀m líynin moó le, bo bó yòʼ dzə̀ yí lìysín. A yí fə̀m wiy, yor moó le, la yí yòʼ lìy, e yàʼáy.

Aysaya 66:2

Bó yòʼ‑oò fèr mo vifá vìn vidzə̀m à? Rúrú, á mo vifá vìn vidzə̀m vi‑iì ghanen, e bó a dzə. Suuy mo woo Nyùy Tàr. «Á bèy, kfə́ə wìr wo m yíi a leéy, a yu vijuŋ dzə̀ wo wù li kitú kfə́ fó tèr, bórkir e mǒ si, yú jí yem, fan fó lì fo tèr.

1 Tesalonika 5:2

bìʼ fo vèn kiiyin ne kijuŋ ji kishiíy ké Taàtá Jesus Kristu kìn ki wíy sàsìn, e bvəy a mo shòŋ bvə̀y vitsə́ʼ.

Obadia 1:15

«Kishiíy ké Nyùy Tàr kí sì fó mentsə̀m, dzə̀ kishiíy ke m tínen nsaʼ vitum vidzə̀m. Edom, kinyo ke vèn yiìn kí dzə̀ kíwun ke á yíi yiì sa e vèn. Yii yéné yíi bìnkìr e věn kitu.

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Hosea 5:8

Nyùy Tàr suuy jii: «Á tóŋ á sóŋ rər é Gibea, e bùʼ shirəə́ e Rama, a koʼór kiyor e Bet‑Aven. Éè vilum veé Benjamin, vèn ku fəə̀ é shùu rər.

Esiker 7:12

Ghán sí wìy ne, kishiíy ké ŋgeʼ ki sì fó mentsə̀m. Lá ŋgaà yun yòʼ a sheʼrí. Lá ŋgaà fiìnè yòʼ a dìy, bìʼ fo ŋgeʼ se m lo, e màʼ si yíi gbù e wìr dzə̀m kitu réŋréŋ.

Jeremia 4:5

«Á wáa dù, e tòŋ sóŋ, é yí ghánén woŋ e dzə̀m. Á wáa fìʼtì e Juda, e kfə̀n fùŋ sá e Jerusalem ji Nyùy Tàr yoŋ a jii, ‹Á báʼtí, a nyeŋ, a dù e ŋkà se laʼ see vikum.

Jeem 5:8

Kù dzə̀ sá mo vèn ghár shilív, a dzə ji nyaáŋ, a shìy, a kiíy jii, kishiíy ke Taàtá wòsən Jesus wíy a wìy ki sì á fo mentsə̀m.

Filipi 2:12

Ŋkàr sem, dzə̀ sá mo vèn kú a yu a dzə̀ fo Nyùy. Vèn‑eè ló a yu e ghan se vèsən‑eè dzəə̀n. Vèn ku nèn a yu e shaà bèy lèn wo bó m yòʼ dzə̀ə́ vèsən, e màysì, a yiì moo wír ve Nyùy liìn ji və́, a fàn, a yàʼ fó jay kinyo e wun, é vèn nèn wìy lùŋ.

Tsəfaniya 1:16

Á wíy a toŋ sóŋ rər, a rəəmé, a kètì kay se á bomen, e kaàrí láʼ sho, a bvəʼtí virə́ʼ vé ŋkiy veé kor se kày.

Amos 8:2

Wù dìn bèy, e dzə̀r e mò jii, «Amos, à yèn a dzə̀ ka?» M bínér e wun jii, «M yèn ŋkaà baŋ se vici, a dzə̀ se á yii koy, a ghán sé ŋkav vifa si báŋrín ne.» Á bèy, Nyùy Tàr nèn tòʼ e mò jii, «Rúrú, ghán sí bàŋrìn ne lèn, a m lo, e màʼ ŋgeʼ e wír veé Israyí kitu. M yòʼ kfə̀n dzəə́ yìi kuvsín ntaŋ wom, e yàr fóo màʼ ŋgeʼ rə̀n.

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Esiker 33:3

Aá lèm, wù lo, e yèn a rə́r sí wiyì, e tòŋ sóŋ yée yìmrì wíri,

Esiker 12:23

Suúy ri aáwune jii, ke Nyùy Tàr woo Taà Ndzə suuy ki dzə̀ á jii, ‹M kù sí lo, e ndzəə̀r ŋgàn yee shooy, é la á yòʼ dzəə wìy a màʼ ji ŋgàn e Isray.› Bo wò‑óò suúy lèn aáwune ji vishiíy ve kàʼ wom lo, e gheén vi sì á e kiwo.

Esiker 7:10

«Rúrú, kishiíy kí sì. Ké ru kí, kí wìy ne. Kishiíy ké lòn kí mèʼ ne bèn. Nə̀ʼsì won kùy ne e ŋàŋ, kiŋkoʼòrwùn kén kí gháʼnín.

Daniel 9:20

M ku nèn a suŋnín e mvə̀m bùnrì, a tuuné ajay vém, e kfə̀n a tuuné vé wìr veé Isray, a neèr vinyo ve m lóné e Nyùy Tǎr si, wun woo Nyùy wom, e kù a lon feyì bìʼ lav rə cù ye ranén.

Daniel 9:16

Éè Nyùy Tàr, ku rə̀ʼ dòʼshwiiy wò fo wò ŋkàlaʼ yee Jerusalem, réŋréŋ mo à yii yii vinyo vé tìítiy. Ŋkàlaʼ ye kù dzəə̀n ye, a dzə̀ gwan wò wo ranén. Jerusalem sì kifá ke nshéʼmé ki, a vèr sì sá kifá ke nshéʼmé ki fo vitúm ve ví dzəə̀n e věr ghaŋ vi, bìʼ vinyo ve vèr jayin, e bóo lì sa vinyo ve atàr vérí‑iì bùʼtìn.

Daniel 6:26

Sáʼ ye m fóo dzə̀ jii, «A wìr dzə̀ feé e mǒ wòŋ, bo wù kù kér fó a yunín, a ghvəm Nyùy wo Daniel ghvə́mé. «Dzə̀ wun Nyùy wo wù gòʼòn kàŋ mòʼón, a wù kù dzə̀ ji wun, e dù, e jòʼsì. Vifon və́ ví dzə̀ ve bó yòʼ dzə̀ kifá ki laàr, a sáʼ rəə́ kù wíy a tiy fo, e dù, e jòʼsì.

Esiker 33:6

Yii bèy, a ŋgaà ŋkiy yèn, a rə́r sí wiyì, e tèn fóo toŋ sóŋ ye yí yimri wíri, rə́r sí lo, e ghìʼ wíri ghíʼín, wìr kpú é kimbùmmbúm, bo njò kpu rə kfə́n e ŋgaà ŋkiy kitu, fə̀m mo ŋwèrín kpuun bìʼ vinyo və́ ve bi ví.›

Jeremia 16:10

«Aà dù, e fìʼtì vinyo vìn vidzə̀m e wír vìne, á wáa dzər e wò jii, m sà lòvtí aáwune ben ji ka á? Áwune sà bùʼ a dzə̀ ka e Nyùy wov á? Jay wo áwune jayin e Nyùy Tàr woo Nyùy wov sà dzə̀ ka á?

Jeremia 16:7

Bó wìr yòʼ wíy a wìy e vifá ve yi vi, a fo e wír ve á diy kpúu ji wun shám a áwune. Wìr yòʼ wíy a wìy e kifá ke noón kí ji wun shám áwune shó, a kpuun tàr wov kìn yè wov.

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Aysaya 2:12

Nyùy Tàr woo Taà Mànjòŋ shòʼ ne kishiíy, kishiíy ke kinyo ki wíy koóy wír ve á kóʼor wún, kóʼor, yén ji moo áwune yòʼ dzə̀. Wù wíy sèn wir dzə̀m wo wù kóʼor kitú kfə́,

Nsùyrì Nyùy 119:120

Wúné yaʼ mo, bìʼ fan ye m fan wò. M leey vinyo ve à tinen, e wày ji nsər, wúné wàa beemé mo beemén.

Nsùyrì Nyùy 87:1

Nyùy Tàr bàʼrì ne ŋkàlaʼ rə e wun gwan woo Sion,

Kintaŋ 10:3

Á wíy lòo toŋ sóŋ yee baà e dzə̀m, bo dzə̀ ji màŋgòŋ woó Isray e dzə̀m ku bàʼtí e wò si e shùu *kibàn ké ntàsín.

Sekariya 8:3

A ke suuy mo woo Nyùy Tàr kí dzə̀ jii, m wíy kfən e Gwan Sion, a dzə e Jerusalem, aá wáa yòŋ Jerusalem ji ‹Ŋkàlaʼ wìr ve á tíy e Nyùy wùn›, a yòŋ gwan Nyùy Tàr woo Taà Mànjòŋ ji ‹Gwan wo Ranén›.

1 Wòŋ 15:28

Á bèy, wìr dzə̀m woó Isray nèn a wìy e ŋkùv mensàŋ e Jerusalem, a yòv, a rəəmé, a toŋ loŋ, a toŋ sóŋ, a kwaʼ viŋkwaʼ, a kùm lúŋ mbàytì wùn à yé nshìí.

1 Korin 14:8

Kí kfə́n a dzə jii, a wìr tóŋ sóŋ ji á fəə́, a dù rə́r, e làa yòʼ a toŋ, é jì wáa fəə, la wìr yòʼ fəə̀.

Ŋgaà Yen 6:17

Sì kee shó kee kishiíy ke áwune sí shwiiy kilòŋ, e màʼ ŋgeʼ e kitu ke nsay, a bó yòʼ dzə̀ féyì, wìr lùŋ.»

Ŋwàʼ Fəə 10:14

Ŋguùmé sí gbù, e rùn woŋ Ejiv, e sə̀ kitúm kìn kidzə̀m. Kfə́ə viròm ve ŋguùmé vee ben vi yòʼ‑oò yiì ne a dzə, a bó ví yòʼ kfə̀n dzəə́ wìy a dzə.

Esiker 30:3

Kishiíy kee shooy ki sì fó mentsə̀m, kishiíy ké Nyùy Tàr, a kí mèʼ ne. Kishiíy, ke yì wíy sən, e làŋsìn. Kishiíy, ke vitúm vi wíy a fàn, a yàʼ.

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Joel 3:14

Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Amos 5:18

Lòné dzə̀ wó wìr wo wù diy ji kishiíy ké Nyùy Tàr kí wiy cér. Kinyo ke juŋ ke kishiíy kin ki wíy yiì e vèn kí dzə̀ ka? Kù wíy a dzə ndzə ye sənér, a bó ráne yòʼ wíy a dzə.

Sekariya 14:1

Á yuúrí, e yù. Kishiíy kímóʼ kí wiyì, a dzə̀ ke Nyùy Tàr wíy kwàŋrì vinyo. Lóo wìy dzə e kishiíy fóo fèy, aá kuúy kéŋ yén, e jàv e věn si.

Kintaŋ 10:2

«Fèr sóŋé e baà e *kisha ke mbàm ke fəvír, ke á dzə̀vtìn kí. Á wíy a toŋ sóŋ é ghan se á báʼti wír veé Isray, a toŋ e ghan se wír veé Israyi sí yiì a ŋaʼáy, a dù.

Aysaya 13:6

Vèn wáa toŋ, a dìy, bìʼ fo kishiíy ké Nyùy Tàr kí siìn fó mentsə̀m, Kishiíy ke wun woo Ŋgaà Vitaàví Vidzə̀m wíy laàr wíri, e laàr bèn à nsay yev shó.

Aysaya 13:9

Vèn yuúrí, kishiíy ké Nyùy Tàr kí sí wiyì, kishiíy ke Nyùy Tàr wiy, e màʼ ŋgeʼ e wíri. Wù wíy a màʼ là mendzən, a dòʼshwiíy kív wun kívín. Wù wíy lò e mvə̀m dòʼshwiíy, e siìr kitú ke nsay, é kí kfə́n é woʼ, e laàr vé yiì ye bií adzə̀m ve á dzə́ fo.

Esiker 21:12

Wàn wìr msòŋ, á toŋ, a dìy. Nyùy rə̀n dzə̀ ye yì yíi laàr wír vém. Yì yíi laàr vilìmbìy veé Isray vidzə̀m. Á wíy tatí wùn à wír vémé adzə̀m, e laàr. Á bèy, kú a dzə̀vtì vikàkàŋ vé vi.

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.