Joel 1:8 - ŊWÀʼ NYÙY

⁸ Vèn wáa dìy, a shèŋ kitú, kù moo wánlè ŋgòn wo wù màʼàn ndzə̀y sé kpu, a dìy kpú lum və viŋgòn.

Joel 1:8 Referans Kwoze

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Malakay 2:15

Bó Nyùy yòʼ‑oò bòm vèn à vikìy vén víne, vèn áwune wáa dzə wún e mòʼón, a dzə kiyoy kimòʼón ji wír və́ a? Wù‑uù bòm ven bey, a nsàv rə‑əə̀ dzə̀ ji ka? Nsàv‑iì dzə̀ ji vèn fíʼ a dzəə́ wón ve á wáa yu Nyùy. Bìʼ bey, wìr kim kitú kfə́, fó jay dzə́ə, e yaʼáy mensaŋ me wù‑uù gwàrìn wùn wiiy və vinsùm.

Jeem 5:1

M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

Amos 8:10

Yòʼ jòʼsì kee shooy, m wíy bìnèr vishiíy vén vé ŋkàʼ, é ví kfə́n ji vishiíy vé kindzəə̀mè. M wíy bìnèr luŋ sén sé kisheʼrì, é sí kfə́n ji sé kpu, e yiì, é vèn kwaay vitú, e màʼ ndzə̀y sé kpu. Vèn wíy a dìy, a shèŋ kitú moo kfəə́ ye màyshó wan wov shèsìn. Kinyo kidzə̀m ke kí wíy a koóy e kishiíy fen ki kù wíy a dzə ké mendzə̀n ki.»

Jeremia 3:4

Kfə̀n lò ne wò lèn, a yòŋ mo jii, ‹Tàr wor, à dzə̀ ŋkar yem yee kèʼ fo mǒ ghan sé viŋgòn.

Aysaya 32:11

Ven vee vikìy ve vèn dzə́, yí vitú, vèn wáa yàʼ. Ven ve vèn yén ji á mèé, vèn wáa fàn, é wúné wáa dzən ven dzə́nén. Vèn shóʼóy ndzə̀y sí fo věn wùn, e kùr a dzə̀ sé kpu.

Ŋgàn 2:17

Dzə̀ wiíy wo a dzə̀ wù kù màʼtì lúm və viŋgòn, e làysìn *mensaŋ me áwune‑eè gwàrìn e Nyùy si.

Yòvdìy 1:4

Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.