Joel 1:7 - ŊWÀʼ NYÙY

⁷ Sí laàr ne vitiír vesən vé *vayin, e sòóy vicí vesən vé *fig vidzə̀m. Sí wòʼ ne ndzə̀m sé vici, ví wáa fər fərín vidzə̀m.

Joel 1:7 Referans Kwoze

Amos 4:9

«Dzə̀ akàŋ anín ve m lo, m laàr vifá fo věn viboo, e laàr fo věn sum sé vitiír vé *vayin. M lo, m fə̀ə́r shwér wo wú tonnìnè wùn à koʼòr sí, vifá vi wàa yovrí. M lo, m fə̀ə́r ŋguùmé, sí yì vicí vén vé *fig wùn à vé oliv vi. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Aysaya 5:6

M yíi màʼtì, é súm və́ne kwiíy, e rə̀ŋsìn. Wìr yòʼ yíi a kom, kìn ji wù wáa naŋsín vitiír vee fó. Vimbìn wùn à vicí vé njoŋ vi kù yíi sə fó səə́n, é m kfən tìír mbàʼ, fo yì yii, é wuú wáa lo fo.»

Joel 1:12

Vitiír vé vayin vi yùm ne vidzə̀m. Vicí vé fig vi soóy, à vé *grenadin vi. Vicí vé mbàŋ wùn à vé apər vi sòóy ne, e mày. Vicí ve á yii koy vi yúm fó sum vidzə̀m, vijuŋ ve wíri kì yíi a yu vi búŋ.

Habakuk 3:17

A fə̀m dzə̀ ji bó kicí ké *fig ki yòʼ koomè, a baŋ yòʼ fə̀m kár e kitiír ké *vayin, a bó vicí vé *oliv vi yòʼ koomè, a bó nsay yòʼ fó vifá ve yi, a nyám si fə̀m kpù sidzə̀m, vibìn ví wáa dzə kisáŋ,

Hosea 2:12

M wíy laàr vitiír vév vé *vayin, e laàr vicí vév vé *fig, vifá, a Isray yoŋ ji dzə̀ vilaʼày ve alúm vəə́ fó e wun. M wíy yiì, é súm sin si kfə́n ji kóv, é nyám se kwaʼ si laar.

Jeremia 8:13

M wíy ndzəə́y vifá vév veé sum, é la kifá ki yòʼ dzə́ə a dzə e kitiír ké *vayin kìn é kici ké *fig. Fə̀m à vav si, sí wíy soóy. Kifá kidzə̀m ke m foon aáwune kí wíy lày. Suuy mo woo Nyùy Tàr.»

Aysaya 24:7

Vitiír vé *vayin vi yùm ne, meluʼ mè kéʼ a juukír. Wìr dzə̀m wo wù‑uù nó meluʼ, yú vijuŋ, sì a dzə̀ e shwémé shuù lèn.

Nsùyrì Nyùy 105:33

Wù béʼtí vitiír vé *vayin fo fo, e kfə̀n bèʼtí sa vicí vév vé *fig, vicí veé wòŋ Ejiv vi kiíví vidzə̀m.

Ŋwàʼ Fəə 10:15

Sí‑iì sùm woŋ woo shooy e dzə̀m, virə́ʼ ví sə́n. Sí kfə́r vifá ve teʼèn ví vidzə̀m, vicí, vikwiíy, à báŋ se vici sí, vifá vidzə̀m ve ví‑iì gòʼòn, la mentíy mè yòʼ bìvír. Bó kicí, kìn kikwiíy ke shoòŋ ki yòʼ‑oò lo gòʼ e Ejiv.

Ŋwàʼ Fəə 10:14

Ŋguùmé sí gbù, e rùn woŋ Ejiv, e sə̀ kitúm kìn kidzə̀m. Kfə́ə viròm ve ŋguùmé vee ben vi yòʼ‑oò yiì ne a dzə, a bó ví yòʼ kfə̀n dzəə́ wìy a dzə.

Aysaya 32:12

Vèn wáa dìy, a dzə̀v vín sén sí, bìʼ fo súm sén sí lo, e wuy. Súm sé vitiír vé *vayin si dzə̀, a tútúʼ yòʼ dzəə́ yiì a koóm sho.

Malakay 3:11

M wíy yiì, é la vibáy vi yòʼ a kòr vifá ve vèn wayin, e yiì, é vitiír vén vé *vayin vi kfə́n a koóm kijuŋ.› Suuy mo woo Nyùy Tàr woo Taà Mànjòŋ.