Joel 1:6 - ŊWÀʼ NYÙY

⁶ Mànjòŋ ŋguùmé mèʼèm ne, e wìy, e sùm nsay yèsən. Sí tàvkír e ŋàŋ, a sóŋé kù dzə̀ ji yé bvərə̀ʼ, njím moo viŋkoònyàm ve kiyìy ké bvərə̀ʼ.

Joel 1:6 Referans Kwoze

Joel 2:25

Nyùy Tàr suuy jii: «M wíy siìr vifá ve vèn‑eè làyìn é ghan se ŋguùmé sí‑iì ndzəəyin vifá vén. M wíy siìr vidzə̀m, e kèʼ fo vifa ve sé mbìy si‑iì laàrìn, e dù, e meé e ve sé bàm sí‑iì ndzəəyin. Kù‑uù tsə̀nsí mo mànjòŋ wom wo ghaʼán və̀n, é bo wù nəə́ ven.

Ŋgàn 30:14

Ŋgwàʼ rə̀n kù dzə̀, a sóŋ sév sí dzə̀ ji nyùy sé rər, sóŋ kijèʼe, ashwàʼ ashwàʼ. Áwune ŋeʼrì gheéy, nəʼsì aŋgàa kitàn, laar aghéʼncey fo wírí mvəm.

Hosea 9:3

Vèn yòʼ yíi gòʼ e Nyùy Tǎr nsay, vèn kér fó yìi kfən e bàm é wòŋ Ejiv. Vèn wíy a dzə e nsay Assiriya, a yi viyíkìr a dzə̀ ve ví sí kér kifàn.

Aysaya 32:13

Kí wíy a dzə bèy, bìʼ fo nsay ye wír vesəné limè kù wíy wuy, é wáa tèʼ vitiír vé njoŋ fo wùn à vimbìn ví. Vèn wáa dìy sa bìʼ láʼ se sí yú vijuŋ e ŋkàlaʼ kisheʼrì fèn si.

Aysaya 8:8

Á wíy sùm Juda moo ndzə́v ye kuʼùn ye yí rún, sum virə́ʼ, kóʼ, mee e wìr kilòŋ.» Yii bèy, Nyùy dzə̀ vèsən áwune. Wù kù wíy a kìŋsìn wír veé Juda mo shinə́n shí kùʼtí wón é sar vàv.

Nsùyrì Nyùy 107:34

nsay ye borín ghùy, a kù dzə̀ bìʼ liì kisaŋ wìr ve á dzə́ sho.