Joel 1:19 - ŊWÀʼ NYÙY

¹⁹ Éè Nyùy Tàr, m tóŋ a dzə̀ e wò. Və́yí laàr ne kwáʼ nyàm, e tòn vicí ve ví dzəə̀n é kwaʼ vidzə̀m.

Joel 1:19 Referans Kwoze

Jeremia 9:10

M nèn yòŋ jii, «M yíi a toŋ, a dìy bìʼ agwan, a yòv lúŋ kpu bìʼ vitsəə̀m vé nyàm veé woʼ. Fóo sì e ghá, a bó wìr yòʼ kfə̀n shaa fo, a bó á yòʼ kfə̀n yú tóŋ nyàm. Menə́n wùn à nyám si lèʼkír ne, e lày.»

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

Amos 7:4

Nyùy Tàr woo Taà Ndzə kfən siì ghèm ndzə e mò, m yén a wù báʼti və́y ji wun maʼ ŋgeʼ sho e wír vəə́. Və́y və́ne yúmér ndzə́v yeé lòo nsay, e kfə̀n tòn kirə́ʼ kév kidzə̀m.

Mayka 7:7

Yii bèy, fo kém kí, m kù yíi a beè a dzə̀ Nyùy, a shìy a dzə̀ wun wo wù luŋèr mo. Wun woo Nyùy wo m suyrì kù yíi yu tóŋ yém.

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Joel 2:3

Á wíy laàr kifá kidzə̀m, kù mo laàr ŋguùmé. Á wíy ndzəə́y vifá, kù moo ji tòn və́y. Nsay yee áwuné mbìy dzə̀ moo kiboó keé Eden, a yee áwuné bàm dzə̀ nsay ŋgaŋ. Rúrú, sí yòʼ bávti kifá gheéy, fə̀m shishàr.

Nsùyrì Nyùy 91:15

Wù wíy toŋ e mò, é m yú tóŋ rə́, a dzə vèr wun e ghan sé ŋgeʼ. M wíy fəə́r wun fo ŋgeʼ, e bùʼ e vijuŋ vi.

Ŋwàʼ Luk 18:1

Jesus kfə́n a fèr ŋgàn yìmòʼ e wón və́ lìme ji wun fíʼ yeʼéy áwune mo dzə̀ á wàa bùnrì Nyùy ghán sidzə̀m, e làa yòʼ a dor.

Jeremia 14:4

Wuú tèn ne fó a lo, nsay yúm, e kàʼkír, melív me vé sumé mè seém, woómé si súm áwune.

Amos 1:2

Amos wáa fìʼtì ntum rə, a suúy jii: «Nyùy Tàr wámkir e Sion, tsə́nsi kisúŋnìn fo Jerusalem, a kwáʼ nàʼa yúmé, a jíyí yúm, sə́ʼsi fo Gwan Karmel.»

Jeremia 3:9

Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Jeremia 9:9

A dzə̀ rú la m yòʼ màʼ ŋgeʼ aáwuné kitu, bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a?» Suuy Nyùy Tàr.