Joel 1:15 - ŊWÀʼ NYÙY

¹⁵ Rúrú, kishiíy ké Nyùy Tàr kí sì fó mentsə̀m. Kishiíy ke wun woo Ŋgaà Vitaàví Vidzə̀m lo, e wìy ji wun laar virə́ʼ.

Joel 1:15 Referans Kwoze

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Joel 2:31

Shùy wíy ndzəmén, lóo sən sənén, ŋwee lóo bàŋ moo mensə́, é bo kishiíy ké Nyùy Tàr ke ghaʼán kí gheén.

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Ŋgaà Yen 6:17

Sì kee shó kee kishiíy ke áwune sí shwiiy kilòŋ, e màʼ ŋgeʼ e kitu ke nsay, a bó yòʼ dzə̀ féyì, wìr lùŋ.»

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Nsùyrì Nyùy 37:13

Yii bèy, Nyùy Tàr leey wír ve á méŋ wun, shéʼ sheʼén. Wù kì ji kishiíy kí wiyì ke wun wíy màʼ ŋgeʼ aáwuné kitu.

Jeremia 46:10

Á bèy, kishiíy kin ki dzə̀ ké Nyùy Tàr woo Taà Mànjòŋ, wun woo Taà Ndzə. Dzə̀ kishiíy ke wù siir ŋkfə́tír áàŋgaà və́ vibàné. Nyùy rə rə̀r wíy laàr áwune ŋkuuŋkùŋ, kù moo koosàʼ, wo wù laarì, wù nò mensə́, e kù nò, e meé mo buù və‑ə́ə̀ kpú. Rúrú, Nyùy Tàr woo Taà Mànjòŋ, wun woo Taà Ndzə yíi yiì cu rə́ lán. Wù yíi yiì e wòŋ kùyi, e ghaa ndzəv yee Yufret.

Esiker 30:3

Kishiíy kee shooy ki sì fó mentsə̀m, kishiíy ké Nyùy Tàr, a kí mèʼ ne. Kishiíy, ke yì wíy sən, e làŋsìn. Kishiíy, ke vitúm vi wíy a fàn, a yàʼ.

Joel 3:14

Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Obadia 1:15

«Kishiíy ké Nyùy Tàr kí sì fó mentsə̀m, dzə̀ kishiíy ke m tínen nsaʼ vitum vidzə̀m. Edom, kinyo ke vèn yiìn kí dzə̀ kíwun ke á yíi yiì sa e vèn. Yii yéné yíi bìnkìr e věn kitu.

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.