Joel 1:14 - ŊWÀʼ NYÙY

¹⁴ Vèn fó sáʼa, aá wáa lèm jíŋ ji á lón Nyùy. Vèn jaŋri wíri, aá tiím e Nyùy si. Vèn báʼtí vilìmbìy vi wùn à wìr dzə̀m woó Juda. Vèn báʼtí áwune e Nyùy Tàr woo Nyùy wón lav, aá wáa toŋ e wun ji wù ku sə̀ á ven.

Joel 1:14 Referans Kwoze

Jona 3:8

Wìr dzə̀m kér fó màʼ vinsàʼ ve ndzə̀y, e kur vímóʼ ví e nyám sí wùn. Wìr mòʼón mòʼón kú a toŋ e Nyùy kitávín. Wìr dzə̀m ku màʼtì liì kisaŋ wùn à yii ye bií.

2 Wòŋ 20:13

Wír veé Juda adzə̀m wùn à vikìy véví, à wón véví, à wón ve bóri kù‑uù tíy e Nyùy Tǎr si, e shùu lav cù.

Cù 23:36

Vèn ku cù Nyùy Tàr e cu se və́yí bin fo fo si, vishiíy saàmbà, lóo dzə e kishiíy ke kí meen ji waamé, vèn kù kaàrí, a bùnrì Nyùy Tàr, a cù wun e cu ye və́yí bin fo foo. Dzə̀ kishiíy ké bùnrì kímóʼ kí jeéy, é la wìr yòʼ lìm lim e kishiíy fen moó vishiíy vímóʼ ví.

Nehemia 8:18

Áwune‑eè yiì ŋkàʼ vən kishiíy saàmbà. A kishiíy kidzə̀m, e kèʼ fo kishiíy ké mbìy ki, e dù, e bàʼ e ké bàm kí, Esra kù‑uù yoŋ kinyo fo Ŋwàʼ Nsər Nyùy. Lòo meé e kee waamé kí, màŋgòŋ nèn bàʼtí mo nsər‑iì suuyì, e maàr.

2 Afòn 10:20

Jehu nèn fò sáʼ ji á kaʼ á kishiíy ke á lo, e banén, e cù a nyùy woo Baal. Á nèn kàʼ.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Jeremia 36:9

A kí dzə̀ jii, yì‑iì dzə̀ é ŋwee wo wú‑uù meen ji bvə̀ʼə̀ fo kiya ke kí meen ji tàn, mo Jehoyiakim woo wan Fòn Josia woó Juda‑aà yiin vifon, wìr dzə̀m wo wù‑uù dzəə̀n é Jerusalem wùn à woo lò fó ntèʼ seé Juda sidzə̀m shóʼ kishiíy ji wìr dzə̀m lem á jíŋ, e bàʼtí e lav cù.

Joel 1:2

Éè ŋgày sé wìr, vèn yuúrí. Wìr dzə̀m wo wù dzə́ e nsay Juda ku mvə̀ʼtì vituʼùr, e yuùrí. Feyì feyì, naaŋkàntì kinyò kee ben ki‑iì ghàn ne kòóy e věn ghan á? Fə̀m áàtàr véné ghan, kí‑iì ghàn ne kòóy a?

Jona 3:5

Mo wír veé Ninevèe yuun ntum Nyùy bèy, e nèn biìmé kinyo kfə́, e lò sàʼ ji wìr dzə̀m lem á jíŋ. Áwune kfən shòʼtí ndzə̀y sév, e màʼ a dzə̀ vinsàʼ ve ndzə̀y, e fíʼ dìn ji áwune kér a mendzən bìʼ ajay vév. Aá kù yii bèy, e kèʼ fo wìr wo kuʼùn, e dù meé e wo terí.

Tsəfaniya 2:1

Kitúm kee là dzə̀rkìtu, vèn báʼtí. Vèn jaŋ vifíi vén ví é bàm,

Jeremia 14:2

«Woŋ Judàa sí diyì, a ŋkà se laʼ sə́ sí yúm, mayì, a wír vee fóo sér e nsay e nsòvkìtu, a tóŋe kóʼ fo Jerusalem, taʼ ŋgaà dzər.