Joel 1:12 - ŊWÀʼ NYÙY

¹² Vitiír vé vayin vi yùm ne vidzə̀m. Vicí vé fig vi soóy, à vé *grenadin vi. Vicí vé mbàŋ wùn à vé apər vi sòóy ne, e mày. Vicí ve á yii koy vi yúm fó sum vidzə̀m, vijuŋ ve wíri kì yíi a yu vi búŋ.

Joel 1:12 Referans Kwoze

Aysaya 24:11

Wíri kù sí jaŋ e mentàrnín jii, «Vèr yòʼ dzəə́ kér meluʼ.» Vijuŋ ve wìr ve vé‑eè savnìn vi ŋeèmé ne, e lày, ndzə́ʼ ye wíri‑iì yú vijuŋ, ndzə́ʼə́ə máy fó kitu ke nsay.

Aysaya 16:10

Kishéʼrì keé ghan sé ŋkav vifa ki mày ne, vijuŋ vee ji vèn sí káv vifá vi yòʼ dzə̀ə́. Yòv mày ne fo sum sé vitiír vé vayin, aá yòʼ dzəə́ ndzə́ʼ fo, a wìr yòʼ dzəə́ nyeŋ tútúʼ e bii ji wun fiʼ kòóy meluʼ. Á màyìr ne kishéʼrì kév, a bó yòʼ dzə̀ wìr kfə̀n a ndzəʼ.

Joel 1:16

Vèn ku yèn ri mo á laàrìn ne vifá fo sum. Vèn yén ri mo kishéʼrì ki màyìn ne fo Nyùy wòsə́n lav. Á yòʼ dzəə́ yí ŋkàʼ fó, savnìnè.

Joel 1:10

Súm sí sìkìr kisáŋ, a nsay diyì, bìʼ fo ŋguùmé sí laàrìn ne vifá fo fo. Sí ndzə̀ə́y ne vitiír vé vayin, e sòóy vicí vé *oliv ví máy.

Yòv Viŋgér 2:3

Tàr à wíri, fo ké ki, mo kicí ke kí koom báŋ ki nyòmèn, e shaà vicí veé kòv vidzə̀m, bo kù dzə̀ sá mo à nyòmèn, e shaà wónlě nsùm adzə̀m. M dzə́ e wò sar vàv, yú vijuŋ e ŋàŋ, kfə́r báŋ sé se vici, a sí rəʼtìnè.

Hagay 2:19

Ká ŋgoòy kifa yoʼ dzəə bèr e věn vitàv? A bó vitiír vé *vayin vi yóʼ ne kèʼ a koóm, a vicí vé *fig wùn à vé *grenadin, à vé *oliv vi kù dzəə́ tíy e ŋkfə́né? Yii bèy, e kèʼ fo lán, m yíi màʼ kisəəvì e věn vifa veé sum, é ví wáa kuy, a koóm, a tsəə̀tìn tsəə̀tìn.»

Jeremia 48:33

Vijuŋ vi yòʼ dzə̀ə́ e Moav, kishéʼrì ki mày ne fo wòŋ, a wú kér nsay ye borín. M yiì ne tútúʼ wo á fer meluʼ sho búŋ fó wòŋ. Á yòʼ dzəə́ nyeŋ, a ŋkěŋ kisheʼrìi kóʼó. Leŋ wo wú kóʼ fo foo yòʼ dzə̀ wó kisheʼrì.

Jeremia 48:3

Á yuúrí, e yù tóŋ ye yí wiy fo Horonayime, aá tóŋ a dzə̀ rə́r se sí nəən, e laàr fó.

Aysaya 9:3

Nyùy Tàr, à dzə̀sì ne rám wìr vé, yí kú a kùʼ kùʼùn, e yiì, áwune wáa yu vijuŋ, a shaà mo vé‑eè yú fo mbìy. Á shéʼri wò, réŋréŋ mo wìr yii káv vifá fo sum, wù wàa sheʼrí. Á yú vijuŋ, réŋréŋ mo vé rərí faasì vifá fo shùu rər, á wàa jàv, a sàvnìn.

Yòv Viŋgér 4:13

Yìy à wíri, à dzə̀ moo kiboó ké vici vé *grenadin, kiboó ke á lìmèn báŋ se vici se sí nyom sho. Kiboó, a vifá ve rəʼtìn ví teʼ fo.

Nsùyrì Nyùy 92:12

Wír ve á yúnin Nyùyi wíy a tèʼ moo ruʼ, a kuy moo kicí ké *sidar keé Lebanon.

Nsùyrì Nyùy 4:7

À fò ne mo vijuŋ vigháʼán, ví shaá vé wìr ve á káv vifá vigháʼán, kooy *meluʼ fo tútúʼ, nyanyày.

Kintaŋ 13:23

Á wìy, e mèé e Kiwoóy ké Eshkol, e gwàr tám kitiír ké vayin, a báŋ si koóm shó e ŋkàŋkaʼ. Á gwàr bèy, wíri toór abaà. Á kfən kòy sa *grenadin wùn à *fig, e wìy sho.

Aysaya 24:7

Vitiír vé *vayin vi yùm ne, meluʼ mè kéʼ a juukír. Wìr dzə̀m wo wù‑uù nó meluʼ, yú vijuŋ, sì a dzə̀ e shwémé shuù lèn.

Jona 4:7

Ndzə bvəə́shí, e jàv, Nyùy tsə́nsí koʼòr, yì yí tíŋ kifa kìy, kí yóvrí, e yùm.

Malakay 3:11

M wíy yiì, é la vibáy vi yòʼ a kòr vifá ve vèn wayin, e yiì, é vitiír vén vé *vayin vi kfə́n a koóm kijuŋ.› Suuy mo woo Nyùy Tàr woo Taà Mànjòŋ.